ناقةٍ فاطر حليبها واجد وحالها ماش

[سعود الشلوي]

السلام عليكم ورحمة الله وبركاته

صبحكم الله بالخير

يالربع عندي ناقة فاطر شريتها خلفه وتحتها قعود

ومن شريتها وحالها مااش عيا يتغير

بالرغم اني مكرمها وديرتها حيا وافكها ترعى مع البل والناقه ترعى و خاطرها زين لكن ماسمنت

وباخر رمضان شبكتها وحطيت لها برسيم كل يوم صليبه

اول يوم اكلت اكثر من النص وفكيتها مع البل

ويوم جاء العشي ماتعشت مع البل وما اكلت من الشعير لو حبة

واليوم الثاني اكلت ربع الصليبه او اقل الصبح وتعشت مع البل شعير

وصارت يوم تاكل زين ويوم لا

وانا ودي انها تجسر وتلقح ويرزقنا الله منها بكره والا قعود

الناقه مزيونه لكنها فاطر وحالها ماش عظم وجلد

وانا ماغرزتها الى الان ودي ان ولدها يسمن شوي وابيه فحل

وامه بالرغم انها فاطر من اطيب البل في الحليب من ناحية غزارته والناقه نوعها مجهم

عطونا ارائكم ونصايحكم

وجزاكم الله خير

[بندر الرويلي]

السلام عليكم ورحمة الله وبركاته

صبحكم الله بالخير

يالربع عندي ناقة فاطر شريتها خلفه وتحتها قعود

ومن شريتها وحالها مااش عيا يتغير

بالرغم اني مكرمها وديرتها حيا وافكها ترعى مع البل والناقه ترعى و خاطرها زين لكن ماسمنت

وباخر رمضان شبكتها وحطيت لها برسيم كل يوم صليبه

اول يوم اكلت اكثر من النص وفكيتها مع البل

ويوم جاء العشي ماتعشت مع البل وما اكلت من الشعير لو حبة

واليوم الثاني اكلت ربع الصليبه او اقل الصبح وتعشت مع البل شعير

وصارت يوم تاكل زين ويوم لا

وانا ودي انها تجسر وتلقح ويرزقنا الله منها بكره والا قعود

الناقه مزيونه لكنها فاطر وحالها ماش عظم وجلد

وانا ماغرزتها الى الان ودي ان ولدها يسمن شوي وابيه فحل

وامه بالرغم انها فاطر من اطيب البل في الحليب من ناحية غزارته والناقه نوعها مجهم

عطونا ارائكم ونصايحكم

وجزاكم الله خير

هلا يا سعود شلونك
عطها حبوب دود على جوع وبعد اسبوعين كرر عليها ولا تحرص واجد وتكثر عليها العلف تنبشم وهذا طبع الخلفه يا سعود ما تردم شحم لين تلقح ولا تعزل ولدها واذا ولدها كفو وتبيه فحل اعزله عن امه وضيره على خلفه بكر ولا خله على حليب امه وأصبرعلى حالها

[سعود الشلوي]

هلا يا سعود شلونك
عطها حبوب دود على جوع وبعد اسبوعين كرر عليها ولا تحرص واجد وتكثر عليها العلف تنبشم وهذا طبع الخلفه يا سعود ما تردم شحم لين تلقح ولا تعزل ولدها واذا ولدها كفو وتبيه فحل اعزله عن امه وضيره على خلفه بكر ولا خله على حليب امه وأصبرعلى حالها



حيا الله الاستاذ بندر منور

الحقيقة اني ماجربت معها لا حبوب دود ولا غيره

وولدها الان تجاوز الستة الاشهر وابوه من فحول اللواء حمدان البقمي

واخوه من الاب والام كفوو وماعليه كلام وابوه منتج وصاحبه الحالي الحبيل

ولا اخفيك سرا ان القعود ماطلع مثل ماكنت اتوقع

مدري هل لكبر سن امه دور او الخملا اللي جاته وهو حوار اثرت عليه

لكنه كل اسبوع وهو في زود لذلك انا ماعزلته الى الان

واتمنى اعرض لكم صوره له في اقرب وقت

وبنجرب الحبوب وان شاء الله تجيب نتيجة

[احمد بن عايش]

تبي تفك نفسك من وجع الراس والوسوسه سولها تحليل دم وانا بعطيك وصفه لها وادعلي اذا مانفعت ماضرت رح للعطار واشتر حلبه ورشادوخذلك اربع بيالات حلبه واربع بيالات رشاد وحطها بعلبه الببسي الكبيره وضيف عليها يابصل اوثوم واملا العلبه ماء واسقها الناقه لمده اسبوع وشوف الفرق وش ماطلع بها من عله باذن ربي تبرى واسال مجرب ترى الخلطه ذي للهيام وابوجريجير والدود والتهابات اي مكان وللرحم ومطهر للبطن شامل بس اسبوع استمر وشوف الفرق وردلي ولاتحرص على الادويه ترى الكييماوي ماينفع واذا كان بتظيف من صيدليه عطها فاتح شهيه بس

[علي محمد الدمنان]

ولا تهون يا اخ احمد علبة الببسي الكبيرة اقسمها على ايام الاسبوع كل يوم شوي منها
او اعطيها العلبة في يوم واحد يعني سبع علب في اسبوع
ولا تهون وضح كمية الثوم او البصل وهل اطحنة لها او انقعه في العلبه كما هو

[فهد العضياني]

الله واعلم ان الناقه بلاها من رضاعة ولدها

والافضل شمل الناقه وخل لولدها رضعتين فقط وحده الصباح ووحده المغرب

منها يزين حال الناقه وولدها يمسك على حاله على الرضعتين

[سعود الشلوي]

تبي تفك نفسك من وجع الراس والوسوسه سولها تحليل دم وانا بعطيك وصفه لها وادعلي اذا مانفعت ماضرت رح للعطار واشتر حلبه ورشادوخذلك اربع بيالات حلبه واربع بيالات رشاد وحطها بعلبه الببسي الكبيره وضيف عليها يابصل اوثوم واملا العلبه ماء واسقها الناقه لمده اسبوع وشوف الفرق وش ماطلع بها من عله باذن ربي تبرى واسال مجرب ترى الخلطه ذي للهيام وابوجريجير والدود والتهابات اي مكان وللرحم ومطهر للبطن شامل بس اسبوع استمر وشوف الفرق وردلي ولاتحرص على الادويه ترى الكييماوي ماينفع واذا كان بتظيف من صيدليه عطها فاتح شهيه بس

جزاك الله خير على الوصفه

ماقصرت

[سعود الشلوي]

ولا تهون يا اخ احمد علبة الببسي الكبيرة اقسمها على ايام الاسبوع كل يوم شوي منها
او اعطيها العلبة في يوم واحد يعني سبع علب في اسبوع
ولا تهون وضح كمية الثوم او البصل وهل اطحنة لها او انقعه في العلبه كما هو


هلا حياك ياعلي

حسب مافهمت من كلام الاخ احمد كل يوم علبة

وان شاء الله يجي ويوضح اكثر

[سعود الشلوي]

الله واعلم ان الناقه بلاها من رضاعة ولدها

والافضل شمل الناقه وخل لولدها رضعتين فقط وحده الصباح ووحده المغرب

منها يزين حال الناقه وولدها يمسك على حاله على الرضعتين


حياك الله يافهد

ولدها مشبوك مع الحشو مانفكه عليها لين تضوي

والناقه من يوم اخذتها وهي على هذا الحال

[سالم محمد الدوسري]

ياابن الحلال الناقه فاطر هاذا اول شي ومخلي ولدها معها وهنا حر يادافع البلى

والشي الثاني تبيها تسمن اعزلها الحوار منها والفحل عاد قدامه سنين مايندرا من يعيش ومن يموت

وترا امه فاطر ولبها ماهوب هاجيه

اضربها بالسوبر الاصلي تحت الجلد وبعد اسبوعين ابرة الجرب البرازيليه الزرقاء في اللحم وخل علفها الحالها برسيم وشعير اركه عليها ولااحد يغث الناقه ولاتخليها تسرح مع البل خلها في شبك كبير تدوج فيها لامن عزلت حاشيها ونشفت ديود الناقه

ومع ذا الايام ان شاء الله بيزين حالها

[احمد بن عايش]

هلا بك اخوي كل يوم علبه وحبه ثوم اوبصل اللي يريحك تنقع لها بالعلبه والصبح تغرها بفم الناقة وترى هالوصفه لوتجربها بتشوف ناقه غير ناقتك الحين والله وكل شي بيد ربي ان هالوصفه لكل مرض يجي للبل واسال مجرب وانا قطعت الادويه واي شي يجي للبل حتى النحاس اعطيها الخلطه ذي عطها الوصفه وخذلك فاتح شهيه لها واسمع كلام اخوك انا ابي الدعاء بس واذا مانفعت ماضرت حتى حبوب دود لاتعطيها بس ضيف لها فاتح شهيه وردلي بعد كم يوم وش صار بس لاتهمل الخلطه كل يوم علبه مع الصبح خله ينقعها من المغرب وقبل تسرح يعطيها وفكها تسرح مع اماتها وخل برسيمها ناقع وترى مافيه اقشر من الهيام والخلطه بعد الله فكته من اكثر من ناقه

[محمد الوهبي التميمي]

اراء الشباب كلها طيبه
وخلطت احمد طيبه بس الثوم اطيب من البصل طلما الامر اختياري
رئي الاخ بندر الرويلي جيد
وكذالك الاخ سالم الدوسري
ولاتنسى حال العشاير مهنا زود خصوصا للفاطر اوئيد عزل الحوار
والله يبارك لك في حلالك

[سعد الجهني]

بارك الله فيكم

الخلطه فيها ضرر على اللقايح

والابل اللي تاكل الدمن هل الرشاد يبقى في الدمن
لان عندي لقحه طاح ولدها وانا شاك من الرشاد

نبي العلم الاكيد

[احمد بن عايش]

نعم فيها ضرر على اللقاح لان الرشاد يقوم بتنظيف الرحم وتطهيره لاتعطي اللقحات نهائي عطه خلفه او حايل اوخفوت

[سعود الشلوي]

يعطيكم العافية جميعا

ذهبت للبيطري واخذت منه فاتح الشهية

وعلمته بالخلطه التي تفضل بها الاخ احمد

وقال لا تخلط الادوية مع بعضها

اعطيت الناقه فاتح الشهية لمدة ثلاث ايام

وتحسن اكل الناقه بكثير وصارت تاكل بشراهه
وطرا على بدنتها تحسن خفيف

والناقه من ناحية الاكل صارت تاكل بشكل اكبر من السابق

واكتفيت بفاتح الشهية بعد التحسن اللي طرى عليها .