بخصوص علف الوافي

[مفلح المويزري]

السلام عليكم

عيدكم مبارك

ابي رايكم بخصوص علف الوافي للحشو والقحاات وهو احسن وارخص ويغني من العلف العادي شعير وبرسيم


وفيه موزع او وكيل له بالكويت

[جابر ابن ثفنان]

السلام عليكم
والعيد عليك وعلى الجميع مبارك

إذا تبي شوري إنحش إنحش عن الوافي تراه المرض الخافي

وعليك بالشعير الحب والبرسيم اذاك تبي الزين والشحم والعافيه لبلك

وسلامتك



-

-

[عبدالرحمن بن هادي]

الوافي ممتاز جدآ مع البرسيم ...ولكن يجب استخدامه حسب الجدول امكتوب علي نفس الكيس .... اغلب الشيوخ يعلفون الوافي....وسلامتك

[مفلح المويزري]

جزاكم الله خير

[رباح الدعجاني]

كل عام وانتم بخير

اشهد بالله انك صدقت يا ابن ثفنان انا مجربه ما منه الا الخواريج والشر الخافي للحلال يدمكون ذا البلاوي فيه وهي الشر... عليك وانا اخوك بشعير المضقوط والبرسيم وتشوف اللي يعجبك

[محمد بن صنهات]

باختصاااااار وانا أخوك

سو مثل اللي في الصوره
الأول
وأنت الرااااااابح



http://www.m5zn.com/img/?img=7348faeda187193.jpg

[حاتم العماري]

الشعير اطيب بمراحل
ماعليك من الشيوخ وش يعطون حلالهم / البدو ابخص
تقبل تحياتي

[حمد السبيعي]

انحش من الوافي ويرزقك الله

[حمد الدوسري]

اخوي مفلح
عني انا اعلف به من زمان الخلفات مع البرسيم وباقي البل مع الرودس وامورهن طيبه

[خالد بن محمد]

كل يعد ما واجه ..

علف وافي نطعم به الابل من سنتين ولا شافت إلا الزين .. وثاني شي أنت في الكويت عندك معكب
مطاحن الكويت يمدحونه ..

[محمد ساعد]

مثل ما قال خالد
والخواريج تجي مع التغيير والتخبط في الطعام وبعض الانواع اللي تشبه الوافي ويسمونها وافي وهي شركه اخرى الحق حق

[سعيد حمد الدوسري]

اعلف بوافي ولا به الا الزين واعرف ناس لهم سنين وهم على الوافي ولا اشتكو

عليك بالوافي وابشر والله بزين وبرة الناقه وتردم شحم

[عبدالرحمن بن هادي]

علف الوافي له طريقه خاصه في الاستخدام وجرعات معينه لا يجب تجاوزها والناس الي ماتمدحه ربما انها مأستخدمته بشكل الصحيح

[عبدالرحمن بن هادي]

احترم رأي أخواني المشاركين في الموظوع

[خليفه الشرافي]

الوافي علف يبيله شي واحد تسويه وباذن الله مايجيك الى كل خير لاتعرض الوافي للشمس حطه على بليتت خشب وغطه بشراع لانه مايصلح تعرضه للشمس والله يوفقك