استفسار

[سالم محمد الدوسري]

السلام عليكم

الحمد لله اللي رزقنا وياكم اللحاق بالعشر الاواخر وجعلنا وياكم ان شاء الله من عتقائه

يااخوان انا حصلت عندي حاله في وحده من العشاير

جاها بلى اليوم بعد العصر ماعاد قامت ولاتاكل ولاتشرب ولها مثل النفضه ينتفض راسها ووجها كاش ومهادلها مرتخيه ويصب ماء من ثمها المهم ان هاذي اعراض الطير بس ابي اشرح لكم وش حصل

ضربتها بابره للطير اللي هي ب 1 مع ب 6

وعلاج ثاني وعسى الله يكتب لنا فيها خير ان كانت من حظنا


المهم انا سؤالي انا عطيت البل فيتامينات نصحني بها واحد تجي في كيس ازرق مضغوط قيمتها 165

حطيته لها خمس ايام على كلام الصيدلي ووقفته السبت اللي طاف اخر جرعه كانت واليوم تصاب المطيه بذا المرض

الفيتامينات يقول شامله لكل شي ومفيده وماادري وش

المهم انتو وش رايكم ؟؟؟

[سعيد المشرف]

كل عام وانت بخير يابو محمد

الله يشفي ناقتك ويبارك لك في امهاتها

بالنسبه للفيتامين اللي يقولون شامل والله اني استخدمته العام وبعد اسبوع والله اني ساحب لي لقحه وبكره حقه والابل المعاشير فيخت كلها ولكن الناقه اللقحه والبكره الحقه اللي ماتن اعراضهن تختلف عن الاعراااض اللي ذكرتها

واقول ان شاء ان ناقة تسلم وان راحت فاديتن راسك يابو محمد

[سالم محمد الدوسري]

يفداك اللاش ياابن مشرف وماراح من المال فادي روس اهله

والله يكتب لنا ولك اللي فيه خير وصالح


ولاهنت على المرور والله يعوضك باخير منها ان شاء الله في اماتها

[سالم محمد الدوسري]

خبر جديد

الرجال اللي نصحني بالفيتامينات بعد مااستخدمها ماتت عنده ناقه ومرضها طير ايضا"

يعني الى الان ثلاثه انا ورفيقي وابن مشرف!!!!

الله لايوفقهم ان كانها منهم هل ذا الشركه

[بندر الرويلي]

ارحب يا سالم اسأل الله ان لا يخسرك وان يشفيها الحاله غريبة واعتقد بأنه عارض ولو الفيتامينات فيها مشكله كان صارت في كل البل
يمكنك الاستفاده يا بو محمد من استضافه الدكتور حكم في هذا الموضوع

[سالم محمد الدوسري]

والله يااخوي بندر انا قلت كذا

بس يوم سولفت مع الرجال وقال في 80 ناقه جات حاله وحده بعد تقطع الاستغراب وانا اخوك ولا خلا ولاعدم والله لايخسرنا ولا يخسركم ولا كل مسلم

[محمد مسلى الرشيدى]

يا اخوان محد كثرى يعتنى بالبل خاصة الفيتامينات والسنة ماتن 2 والعام ماتن2 والعلم عند الله ان الفيتامينات معرضة للشمس او تالفة ويبوعون علينا يغيرون التاريخ واللى كيف اعطى فيتامينات وما ينفع بالعكس تبتلش بالامراض

[محمد الوهبي التميمي]

علوم الناقه يابومحمد؟؟؟
انا ضد اي فتامين خارج عن الطبيعه
الفتمينات توخذ من الطعام في وجهت نظري

[احمد بن عايش]

ترى بعض الفيتامينات اذا كثرت الناقه منها تنقلب ضدها والفيتامين اذا صار واجد على الناقه يتحول لللسم انتبهوا والشي ذا معروف احتمال انها تكون شربت من الماء اللي به فيتامين واجد او شي بس اكيد انه من كثر فيتامين اي قيتامين مصنع هج عنه لو بلاش

[سالم محمد الدوسري]

مرحبا يالربع

الناقه عسى الله يخلف علينا وعلى كل مسلم وراحت جعلها فاديتن روس اهلها
والاتهامات دارة على الفيتامينات وذلحين كانها خفت شوي منها التهمه

والوكاد ماعادنا بمعطينها اياها

[محمد الوهبي التميمي]

كل عام وانت بألف خير
والله يعوض عليك باطيب منها
والبل فاديه اهلها يابو محمد

[بندر الرويلي]

الله يعوض عليك بأطيب منها
والبل فاديه اهلها

[سالم محمد الدوسري]

يفداكم اللاش والله المعطي

[ذياب بن غانم]

يالدوسري الله يفك عوقها ولا عليك امر عطنا اسم الدواء اصور الدواء ونزل صورته لجتنابه وش صناعته جعل القوم تاكله

[سالم محمد الدوسري]

ارحب ياابو غانم ماادري وش اسمه ولاعندي له صوره جعله الذهاب

لاكن الجديد يااخوان اليوم الصبح جاتني حاله ثانيه الله يكفينا والمسلمين الشر

لاكن اعراضها غير عن الاوله شوي

اللي هي مافيه نفضه بس الناقه تمشي واترنح اتضارب يديها ورجيلها في بعض وكانها بتطيح

[محمد الوهبي التميمي]

لاحول ولاقوه الا بالله
سالم الاعلاف وش وضعها جديده قديمه اللي عندك
عينات الدم مطلوبه باقرب المخبرات لديك
ابلك حول مشروع زراعي او داخله مشاريع زراعيه {باقي حصاد}
عزل المصاب يابومحمد من اهم النقاط الان
واذا كن فيه تصوير فديو للحاله اقرب لتشخيص
واذا تذكر ناقتي اللي عرضت الفديو لها فالعياده هل فيه شبه بالاعراض؟
والله لايخسرك يارب
متابع للموضوع

[سالم محمد الدوسري]

اررحب يامحمد

بالنسبه للاعلاف انا انزل بالكميه منزل لي رودس قبل رمضان بفتره تجي حول ال 10 ايام كل يوم رودسه نحط لها

والشعير بعد انزل بالدنه بس الشعير مغطى

وعينات الدم ياخوك مانيب اعرف اسحب دم واقرب شي لي الحساء وانا في الجبيل

ولاحولي مشاريع ولا مزارع قريبه

وانا اعزل على طول المصاب عندي في شبك الحالها

لا والله مالها تصوير عندي

بالنسبه للناقه جات من المفلى الصبح بدري واترنح ممشاها امحق

ويوم دخلتها الشبك وضربتها بابرة تسمم وعلاجات عطيتها اياها

قامت عقب مافكينا عقالها واترنح بغت تطيح فوقنا وعودة بركت في الظل وخليتها

اما تصوير ناقتك ماشفته والله ياخوك بادوره وارد لك خبر بالخاص

[سالم محمد الدوسري]

بعد ضرب الناقه بابرة تسمم ومحاليل اخذتها ومنشط معده

ضربتها بالبي 1 تي 500

واليوم الثاني بالبي 1 بي 6

والحمد لله ونشكره انها احسن

وعسى الله يتم عليها