استفسار لاهل الفحول

[منصورمحمد]

السلام عليمك ورحمة الله وبركاته
نحن في العشر الاواخر من الشهر الكريم تقبل الله من ومنكم صالح الاعمال وجعلنا من المقبولين
وكل سنه والجميع بخير

كما هو معروف بقرب هياج الفحول ويش المفروض نسوي قبل الهياج من العلاف التي تساعد حتى تضمر بطون الفحول والا تضغف الفحل حيل وش كثرها
شاكرين دائم تعاونكم

[عايض الرميح]

وعليكم السلام ورحمةالله بركاته
ارحب يامنصور
1- لقمه عجين في حدود ثلاثه لايتعداها
٢- فكه العصر مع امهاته بقياده
٣- بعد سبوعين من هذا البرنامج فكه مع امهاته وابشر بالخير

[فوازمحارب]

علفه ربطه برسيم اخظر
وروشه المغرب كلل يوم لين يهيج

[محمد الوهبي التميمي]

تو الناس على الهياج
ولايحتاج اي تقليل او زياده فالاعلاف
الغذاء الكافي مطلوب
وفحول الابل فالغالب تبداء في 29 اكتوبر في هياجها الطبيعي وقد تختلف من فحل الا فحل
وتكثر النياق في جسرتها وطلبها للفحل
اتمنى اني اصبت ببعض المعلومات
تقبل مروري

[محمدبن رشيد الحنتوشي]

تو الناس على الهياج
ولايحتاج اي تقليل او زياده فالاعلاف
الغذاء الكافي مطلوب
وفحول الابل فالغالب تبداء في 29 اكتوبر في هياجها الطبيعي وقد تختلف من فحل الا فحل
وتكثر النياق في جسرتها وطلبها للفحل
اتمنى اني اصبت ببعض المعلومات
تقبل مروري
عين العقل وزبدة الكلام

[منصورمحمد]

شكرا على مروركم الكريم جميعا
اخوي محمد التميمي
متى اغير العلف عليه ويش الغلف الي اعطيه الله يجزيك خير

[حاتم العماري]

استمر باكرام الفحل وفكه بعض الوقت مع البل ولا حان قروه هاج والفحول تختلف
تقبل تحياتي

[سالم محمد الدوسري]

بالنسبه للفحول خلها على علفها ولاهب البراد خفف عنه العلف اسبوعين وبتشوف ان بدت فيه علامات هياج والى لا

واذا هاج خله على البرسيم والشعير ماعليه

اما الجذع اللي ضرابه جاي فااتوقع بتلقاه هايج

[عبدالمحسن المقاطي]

دامه مهوب قعود اول هداده

علفه ولا تشيل همه اكرم بعيرك تو وقت الهداد و الهياج

اكرمه بالطعام دام وراه ظراب واليا دخل البراد

من نص عشره انقليزي ولا حوله

وتياسرت امهاته بيهيج هاك الوقت اقصر عليه شوي من الحشايش

وترى الفحل مايضمر لين يسرح مع امهاته اخذها مني نصيحه

[سالم محمد الدوسري]

نقطه مهمه ذكرها العتيبي المسراح اهم شي مع اماته

[منصورمحمد]

بيض الله وجيهكم جميعا على ردودكم الطيبه
وعيدكم مبارك وكل عام وانتم بخير

[حسين الجابري]

دامه مهوب قعود اول هداده

علفه ولا تشيل همه اكرم بعيرك تو وقت الهداد و الهياج

اكرمه بالطعام دام وراه ظراب واليا دخل البراد

من نص عشره انقليزي ولا حوله

وتياسرت امهاته بيهيج هاك الوقت اقصر عليه شوي من الحشايش

وترى الفحل مايضمر لين يسرح مع امهاته اخذها مني نصيحه

كل الاخوان ماقصرو لكن الجواب الشافي هو رد اخونا عبدالمحسن

شكرا عبدالمحسن حتى انا استفدت

[منصورمحمد]

السلام عليكم ورحمة الله وبركاته
العيد عليكم مبارك جميعا واشكرا الجميع على ردودكم الطيبه