الرحول ضالع

[سليمان بن فهد]

السلام عليكم ورحمة الله وبركاته

الرحول خثعت وبعدها ورهم مفصل اليد من فوق الخف عطيتها بنسلين ومضاد للالتهابات ودهان للوريم ورشيت الورام بماء وملح ومنعتها من المسراح ولها على ذاالحال ثلاثة أيام علاجها يالربع الله يجزاكم خير

[محمد الوهبي التميمي]

اعفها لمدة أسبوعين
وإكرامها بالشعير والبرسيم
وان شاء الله ماتشوف شر

[سليمان بن فهد]

الأخ محمد الوهبي التميمي
شاكرلك الرد وسرعة التجاوب جعلك ووالديك في الجنة

[بندر الرويلي]

الأخ سليمان استمر على مضاد التهاب المفاصل ومثل ماقال ابو صالح اعفها وانتظر العلاج يبيله وقت وماعليها خلاف ان شاء الله

[سلطان بن مفرس]

ماعندنا زياده
بس تاكد ان كان فيه كسر والا لا يبين لك من الحراره عند الورم
ولاتثقل عليها واسبوع يبان لك وماتشوف شر انت وكل مسلم
لاتسرح ولا تروح

[سليمان بن فهد]

الأخوة: بندروسلطان لاهنتوا جميعاً والله لايريكم مكروه لاانتم ولاحلالكم