الناقه عظام وجلد

[احمد محمد سلمان]

السلام عليكم ورحمه الله وبركاته

يااخوان عندي خلفه يوم شفت فيها ظعف قبل شهرين فطمت ولدها
وبعدها ظعفت ازيد وعطيتها حق الدود و مانفع وبعد اسبوع اعطيتها
ابره هيام وهالحين شانت ولا تقدر تمشي يالله تمشي وضعف بالحيل
واكلها قليل وتبرك وهالحين عزلتها وارخيت عليها البرسيم صارلي يومين
الي مرت عليه هالحاله ياليت يفيدنا

http://mzayan.com/up/uploads/13444767531.jpg (http://mzayan.com/up/)

[سعود حمد المري]

يأخ احمد صبحك الله بالخير أنا عندي ناقة العام نفس ناقتك خلفه تحتها بكره جبت لها ادكتور وعطاها أبره هيام وفيتامينات ومضاد المهم ماسلمت وشار علي سوداني راعي البل بالبيض وتم يعطيها بيض وثوم بعد معد التمر القام وسلمت بعد شهر والحمد لله على كل حال

[احمد محمد سلمان]

الله يجزاك خير
ودامها نفعت معه ناقتك الله لايهينك
عطنا الوصف الدقيق لكميات البيض وكم مره في اليوم
وكيفية عمل اللقام وشاكرلك

[سعود حمد المري]

البيض ٨ حبات في غرشه صحه واسقها بالماء بعده @ وقت المغرب كل يوم لمده أسبوعين وعقبها خفف يوم ورى يوم لمده شهر والخلطه القام تمر وثوم مهروس وطحين ملي يديك اثنتين وتقسمها على كيفك وتعطيها من القام ست كل يوم عقب العشاء @ بتشوفها عقب ذا بترجع طبيعي وتعطن مستأنسة بس اصبر على العلاج وتشوف مايسرك ان شاء الله

[محمد رشيد]

الأخوان ماقصروا لكن هاذي الطريقه بعد مجربه
تروح للمحمصه وتاخذ 2 كيلو حبه رشاد و2 كيلو حبه السوداء و2 كيلو حلبه وخل راعي المحل يخلطها سواء وكل يوم عطها كاسين بلاستك حق الماء تخلطها مع اشوية شوار لمدة اسبوعين وان شاء الله تشوف الفرق بإذن الله

[احمد محمد سلمان]

الله يجزاكم خير
ياخ محمد هل تطحن الخلطه وتضاف لعلفها
كم الكميه البلاستيك مافهمت عليك وشاكرلك

[محمد رشيد]

لا ماتطحن الكميه كاسين بلاستك حق الماء او اي كأس تخلط مع اشوي شوار مقدار طاسه الحليب مقاس 25

[ناصر بن جاسر]

مرحبا يابو محمد

اخر الشر انشاء الله

ناقتك هي تجتر فتش حلقها وجماها والهدب..؟

[احمد محمد سلمان]

الناقه علا وضعها ولا فتشتها

وبديت بلعلاجات اليوم بلاضافه للخلطه

والعلاجات فيتامينات بالما

ومنشط للبطن يفتح الشهيه

وعلاج شامل اسمه الشامل

وباذن الله يغدي شرها

علما ان الناقه اكلها قليل جدا

[حسين الجابري]

عطها ابرت جرب هنديه الي تعطا في الحم ممتازة جدا صدقني باذن الله تشوف التحسن خلال اسبوعين

[ناصر بن جاسر]

فتش فمها يابو محمد

[بندر الرويلي]

ارحب يا حمد ما قصروا الاخوان ولكن فتش ناقتك اولاً من الهدب ( الحمام ) واذا سليمة منه عطها منشطات للكبد مثل الاوركسين 20 مل لمده 5 ايام وان شاء الله ماعليها خلاف

[عايض ال ناشي]

السلام عليكم ورحمة الله وبركاته....

الاخ أحمد....الاخوان ماقصروا..الله يوفقهم .

ولكن .هل ضعف الناقه ونشاطها ثابت والا كل يوم أردى من اللي قبله...

وتشوفها تنقص بسرعه..ارجو الاجابه..

[احمد محمد سلمان]

الناقه على حالها ظعيفه بالحيل

ولانفعت العلاجات والخلطه الي بلعف واكلها قليل

يعني الناقه نقول اول وزنها 300 350 الحين 150

[الدكتور حكم شفيق زكار]

اقتباس:
المشاركة الأصلية كتبت بواسطة احمد محمد سلمان http://www.mzayan.com/vb/maazayn/images/buttons/viewpost.gif (http://www.mzayan.com/vb/showthread.php?p=634547#post634547)
السلام عليكم ورحمه الله وبركاته

يااخوان عندي خلفه يوم شفت فيها ظعف قبل شهرين فطمت ولدها
وبعدها ظعفت ازيد وعطيتها حق الدود و مانفع وبعد اسبوع اعطيتها
ابره هيام وهالحين شانت ولا تقدر تمشي يالله تمشي وضعف بالحيل
واكلها قليل وتبرك وهالحين عزلتها وارخيت عليها البرسيم صارلي يومين
الي مرت عليه هالحاله ياليت يفيدنا



سلام عليكم
عطيها اوكسي 20% 40 مل يوم بعد يوم
وابرة منشط الكبد كل يوم
وبتسلم ان شاء الله

[فهيد الدعجاني]

صباح الخير اخوي محمد الاخوان ما قصرو لاكن لا تتاخر على الناقه بعد العيد ارسلها الى مستشفى الاحساء او بريده راح يسون لها فحص دم وفحصوات اخرى راح تطلع بنتيجه انا وديت بعير للاحساء في شهر 7 كان ما يقوم ضعيف حلوله وعطوني علاج ما تصدق عطيته من بكره قام والحمدالله في تحسن دوامهم من الساعه 8 الى 2 وبتسلم انشاء الله

[احمد محمد سلمان]

السلام عليكم ورحمه الله وبركاته

يااخوان هذي صورة الناقه أرجو الرد والناقه حالتها رديه بلحيل

http://mzayan.com/up/uploads/13444765891.jpg (http://mzayan.com/up/)

http://mzayan.com/up/uploads/13444767061.jpg (http://mzayan.com/up/)

http://mzayan.com/up/uploads/13444767531.jpg (http://mzayan.com/up/)

[احمد محمد سلمان]

الي مرت عليه هالحاله

لايبخل علينا الله يجزاكم خير

[محمد سعود العتيبي]

مقدر اقولك ياحمد إلى خذ بنصيحه الدكتوروالاخوان


يمكن الناقه فيها عين لا سمح الله. اناقه شكلها زين والمرش مشينها ولا انا غلطان

الي اقوله لك سوه ولانت بخسران

حط شبكها في ظلال الوايت لن المرض والجوع والشمس مصيبه لاجتمعت

وكذالك رشها بماء عادي او ما زمزم مقري فيه او الاثنين معاً

هاذا الي اقدر اقوله

وفي النهايه الله يشفي ناقتك

[احمد محمد سلمان]

الله يرحم والديك وفعلا الناقه ناقه مزاين

[ياسر الشيباني]

كلاً يدلي بدلوه وهذه ايضاً وصفه مجربه وناقتك اكيد علتها الدود عطها ياطويل العمرثلاثين فص ثوم مخلوط في الخلاط ويوضع في قارورة بيبسي عائله ويزاد عليه ماء حتى تمتلي القارورة وتبرد في الثلاجة بروده مرتفعه ثم غرها به ثلاث مرات كل خمسة ايام مره والافضل ان تكون المره الثانيةاربعين فص والثالثة خمسين فص وسترى النتيجه الطيبه والشافي رب العالمين

[محمد القطامي]

الناقه يمكن فيها جرح

[سالم حسن البلوشي]

السلام عليكم ورحمة الله وبركاته
جرب زيت الزيتون مقدار قرشتين غر الناقة غر وسوف تتحسن باذن الله

[شافي الشمري]

بشر وش وضع الناقه..

[لجفان العنزي]

انا ابي ادلي بدلوي مع الشباب وانشالهل الفايده للجميع
اذا الناقه تشرب زين وماتاكل وضعيفه ومافيها علات ثانيه ثير هذي علامة ان بطنها مليان وبر واذا تذكرها لها طبع باكل الوبر اكيد هو وهذي مالها علاج الا جراحي يعني شق بطن وتتطلع كور بعضها يصير زي كورة القدم ووصلب الي درجه لو توقف الوايت فوقه ماينكسر
وانتبهو يا اخوان الملح ضروري لان الرمث ملحه قليل واغلبه مواد ثانيه ولازم الملح يكون موجود للبل والبل ما تعوض نقصها من الملح الي بعد سته شهور ولازم يكون الملح قبل تطيير الوبر خصوصا اذا ملقت ربيه يصير معها نقص شديد بالملح وهذا يسبب اكل الوبر وبعدين تتعود وتصير عاده حتى لو حطيت لها ملح تاكل الوبر وان شالله تلقون الفايد حبيت اضيف لمعولماتكم وما نستعني عن الاظافه حتى تعم الفايده

[سالم محمد الدوسري]

احمد مالك الى التحليل وريح راسك

عندي ناقة لا شفتها اوجعك وجهك منها ماخليت معها شي وبعد التحليل والعلاجات اللي صرفت لي واستخدمتها للناقه من شافها اول ماعرفها ذلحين ماتشل عمرها من الشحم


0565107846

0566127033

هاذي ارقامهم هل المختبر ان كانك في الشرقيه دق عليهم وبيعلمونك متى يجون منطقتك وياخذ 120 على تحليل الدم و 250 ريال الظاهر على زراعة الدم

وان جبت لهم العينه لمحلهم في سوق الحساء ب 70 ريال

وانا اشور عليك خلهم ياخذون بس تحليل الدم فقط وبيبين وش فيها كل شي بنفس اليوم يعطيك المعلومات كلها

[سالم محمد الدوسري]

كلاً يدلي بدلوه وهذه ايضاً وصفه مجربه وناقتك اكيد علتها الدود عطها ياطويل العمرثلاثين فص ثوم مخلوط في الخلاط ويوضع في قارورة بيبسي عائله ويزاد عليه ماء حتى تمتلي القارورة وتبرد في الثلاجة بروده مرتفعه ثم غرها به ثلاث مرات كل خمسة ايام مره والافضل ان تكون المره الثانيةاربعين فص والثالثة خمسين فص وسترى النتيجه الطيبه والشافي رب العالمين


بس ياياسر الثوم حار على المطيه وفي ذا القيض مااظن كثرته بتزين حالها غير بتوجعها

[عبدالعزيز البريدي]

خلطة الرشاد والحبه السودا والحلبه عطيتها ناقه عندي قبل سنتين وجالتها نفس حالتك ما اصبحت الا هي ميته

والله اعلم ان السبب في الخلطه لانها قويه بالحيل وما تحملتها لذلك خف عليها وارجح راي الاخوان في التحليل

والله يرد لها عافيتها ويبارك لك فيها

[احمد محمد سلمان]

بسم الله الرحمن الرحيم

بالنسبه للمستشفئ انا فالكويت

والناقه كويتها كيه الشوكه وقامت تاكل اسبوع

وبعدها شديت ومشيتها ١٥ كيلو ومااكلت الحين ثلاث ايام ورديت كويتها كيه الشوكه لانه الكيه الاوله ماجات زين والله يستر

والله يجزاكم خير علا تفاعلكم

[سالم محمد الدوسري]

الناقه اللي عندي باعلمك وش قالو لي وانت اذا بتجرب جرب بناقتك وماهيب بعدي من شكل ذي

اول شي عطاني ابرة هيام

ومنشط للكبد

ومنشط للمعده اكياس

ونقص قال حديد


وانت لو تكلم المصري وتشوف متى بيجي للنعيريه وقدام الموعد بكم ساعه اسحب دم وحطه في ثلج ووده له وخله ياخذه معه

[احمد محمد سلمان]

الناقه اكلت شوي بعد الكيه الثاني ورجولها تطلع صوت نفس المطرقه ورجولها يالله شايله نفسها

[لجفان العنزي]

الناقه اكلت شوي بعد الكيه الثاني ورجولها تطلع صوت نفس المطرقه ورجولها يالله شايله نفسها

يمكن والله العالم ان العلف ظاربها والناقه المظروبه تقعد احيانا سنه وهي ما تاكل زين وظعيفه خلك حذر معها بالادويه وعطها فيتامينات بودره بالماء تراه زين وفيه كامل الفيتامينات والمعادن وينفع مايضر خصوصا للعضام لانه يحتوي على نحاس ومعادن كامله من الاملاح وغيريه

[عايض ال ناشي]

السلام عليكم ورحمة الله وبركاته...

الاخ أحمد...بعد عرضك لصورة الناقة.كان عندي ناقه نفس وضع ناقتك..وطولت وهي تعبانه ولاتركت علاج

الا وعطيتها...ولانفعت العلاجات ولكن ذكر لي شايب كوي للشوكه ..وكويتها وسلمت وترى الشوكه نوعين...

الاول شوكة بطن والثاني شوكة صدر....وكويت ناقتي عن شوكة الصدر وسلمت ...

الرجاء بعد اذن الادارة الاتصال على جوالي وواصف لك طرقة الكي..0551827055

[احمد محمد سلمان]

كويتها مرتين عن الشوكه وردت تاكل بسييط

[سعد حمود العوني]

نصيحه عليك بالحرمل اطبخه ثم صف مويته وغرها به
وهو دافي علاج مفيد لجميع امراض البطن من دود وغيره ولامنه مضره وانا جربته كثير ونفع بعد الله
واذا ماتاكل نقع لها تمر بدون عجم ولقمهياه
وانشالله بتشوف مايسرك