الراي في اللقيه المجهم

[عامر نهيان راشد]

السلام عليكم
اللقيه تصفر جذعه صورة جديده .الزين والشين . سعرها في السوق . مرية او دوسرية في مواريها

http://almzayan.com/files/5259.jpg

[مشعل الشويش]

وعليكم السلام
كل عام وانتم بخير ياخوي عامر , والشهر مبارك عليكم , أنت ومن يقرا هالكلمات ,

المجهم : طيّبه وبدويــه وناقة البدوي اللي يحبها في مراحه وينتجها ويتعب عليهاا وتستاهل
اعجني رق وطول رقبتها ( ماشاء الله ) واعجبني سدوها , وجبر عظاها ,
..
عظمها قصيرً شوي لإن المجهم الجذعه ودك انها سنافيـه , لن طول المجهم وهيبتها من اهم مايميزها
كذلك المبروكه ماهب سندا , ولافيها سناديه بل فيها ارتخايه شوي ,
ظهرها زين , ولو أني اشوفها من النوع اللي مايردم شحم , بل يمشي شحمها مع جنوبها وحجوزها
الراس في عمومه ( صغير ولحيها دقاق )
..
العمر واللون والوسره : مريـــــه ,
والرقبه والاذن والراس عموما : دوسريـه ,
اعتقد أن فيها عرقيـن , والعلم عند علاّم الغيـوب
..
السعر كان ممشاها طفاح , اعطيها من 26 وفي بحرهاا تنقص ولاتزود والزبون هو الحكم , لكن لو بشريها ماني معديها ذا الكلام ,
...
فك القيد لاتخليه بيدينها ( تكفى ) !

[خالد الفالح]

اللون والاذن والرقبه وقل اللحم وسنها ابز ما يميزها
والباقي لا ظهر ولا عارب ولا جنب ولا كبر راس واللحي قاصر الناقه دنا ولافيها سناد ولا جبار عظم
وسرتها ما جازت لي ما فيها من المجهم الى اللون والاذن
قيمتها لقحه من 12 وحولها وقيمتها خلفه تزود الى 16

[محمدبن رشيد الحنتوشي]

اللون والاذن والرقبه وقل اللحم وسنها ابز ما يميزها
والباقي لا ظهر ولا عارب ولا جنب ولا كبر راس واللحي قاصر الناقه دنا ولافيها سناد ولا جبار عظم
وسرتها ما جازت لي ما فيها من المجهم الى اللون والاذن
قيمتها لقحه من 12 وحولها وقيمتها خلفه تزود الى 16
كلام مضبوط في الوصف واختلف معه في السعر من 6 الى9 الاف في نظري والله الموفق

[عبدالعزيز جاسر العمور]

انا اقول ماهيب لقيه

اما ثنية ولا رباع

وعموماً ناقة عايديه قيمتها من السته الى السعة الالف ريال

وسلامنك

[عامر نهيان راشد]

مشكورين على المشاركة واعطاء الراي
البكره لقيه وفيها عرقين مثل ماقال البرقاوي مري و دوسري
والبكره مسيرها اسناد وطافح ولاهي دنا
بس في الصورة واقفه قدامها دحديره وراها اسنده

[سالم محمد الدوسري]

والله ياعامر عني انا ماعرفت لها البكره ان قلت زينه ومقبوله تحري بالكلام ذا وان قلت عاديه تحري به بعد

وبالتوفيق لك واللي قدامي اخبر مني وقد عطوك ماعندهم

[حاتم العماري]

زينه للقناي وفي السوق قيمتها ادون ماتتجاوز 12 على اسعار الايام
القناي بيحب رقها وسنها وطول جنبها ورقبتها ...لكن وجهها دقاق وراسها صغير ولا هي نظير
اتوقع لو تسمن بيظهر فيها زين اكثر
الله يبارك لك ويرزقك
تقبل تحياتي

[صالح العاطفي]

مرحبا ياعامر البكره عاديه

فيها الرقبه زينه وطول وجها من تو عيونها بس

دوسريه

[مشبب بن حماد القحطاني]

مرحبا يابو نهيان
اللقيه طيبه ومقنوي والملاحظات عليها مثل ماذكروا الإخوان وخصوصا دق الرأس والظهر عموما لكن والله العالم إن الصوره ماخدمتها من ناحية التسناد وظهرها بيزين لاردمت الشحم.
قيمتها أتفق فيها مع أبو فالح بالضبط

[فهد العضياني]

ابونهيان كل عام وانت بخير
وعسى الله يتقبل منا ومنك صالح الاعمال

البكره هذي لو لقيتها في السوق بشتريها عشان الهداوه والحليب والا الزين مافيها من الزين شي

الله يبارك لك فيها ويرزقك بأزين منها

[مشعل الشويش]

يابو راشد ,
نبي لها صور واضحه ,
الاخوان اختلفوا والصوره ماتفي بالغرض ,

[ثامر فايز]

مع احترامي اراء الاخوه الاعضاء انا ماشوف فيها من الزين شي يذكر ارجو انك تفبل وجهت نضري

[خالد علي]

البكره عاديه

[عامر نهيان راشد]

شكرا لا رائكم وان شاء احاول بعدين اجيب لها فيديو
مشكورين

[محمد ابو عدوة]

مايحتاج فيديو يابو نهيان الصوره واضحة و البكرة عاديه ولا يطمع فيها المتبدوي