سؤال لهل الخبره في السقوس

[زايد بن ضيف التميمي]

السلام عليكم

مساكم الله بالخير اعضاء ومراقبين واداراه

ابغي اخذ وايت للبل وابغي اعرف وشهو الافضل البوز او البي او الاكتروس ... لاني الصراحه احترت ,, راعي البوز تلاقيه يمدح البوز ويذم الالبي وراعي الالبي يمدحه ويذم البوز والحين عينتلي رجال يقول لا تتعدا الاكتروس فارجو الافاده من هل البخص عن الافضل من ناحيه القوه والسرعه والاعطال وقطع الغيار والمكده ووش افضل حجم ومكينه ..لتعم الفايده عالجميع

ووشهو الموتر اللي تصفطه لرووحك؟

[حوران العتيبي]

عليكم السلام ورحمة الله وبركاته
عليك بالبوز عطية الرحمن
لك .. وللزمن
وأن بغيت تبيع زبونك يحتريك

وشف راي الإخوان يمكن عندهم معلومات تفيدك أكثر

[زايد بن ضيف التميمي]

بيض الله وجهك ياحوران

وشورن طيب

[مشعل الشويش]

البوز وانا اخوك مايحتاج لك وللزمـن ,,
ومثل ماقال حوران ,
لكن لاتشري ألا الموتر الكفو حتى لو تزود عليك قيمته ,

[يزيد العتيبي]

يامرحباا

حياك الله اخوي زايد

انكانك تبالك موتر يصبر لك ولزمن عليك بالبوز

ومثل ماقالو الاخوان

[خالد الحسيني]

اكتروس عند البل !!

مالك الا البوز




ٰ

[زايد بن ضيف التميمي]

ماشالله الكل وده بالبوز والظاهر اني مانا بمتعديه

الله لايهينكم جميع

[عبدالله ابراهيم الدوسري]

بسم الله الرحمن الرحيم
شف وانا أخوك البوز صبار ومكدة وصيانته سهله لكن ما يتحمل الرمال القوية والسقس منها ثقيل أما ألبي والاكتروس فعزمها قوي ونشيطة ولا تعطي باطل في وعر والا في سهل وانا يا محدثك ارغب الاكتروس لأني مجربها في غير الوايت وما فيها كلام وتوجه بعض الناس لها الان لها هي والالبي
وشكرا

[شلويح المقاطي]

انا مجرب البوز والالبي
مغير البوز موتر للبر و الرمال
واذا بغيت تبيع قيمته فيه
اما الالبي تغرس في السناف
ولكـ اجمل تحياتي ,,,

[فايز بن محمد]

البوووووووووووووووووووووووووووز وبس

بس ودي أسأل الشباب.........

كيف أعرف أن هذا شاصي الموتر شد بلد؟؟؟؟؟؟؟

وكيف أعرف أنه ماهو موصل؟؟؟؟؟؟

وكيف أعرررررف انه راااس ولا قلاب ؟؟؟؟؟؟؟؟؟؟

تكفوووووون جاوبوني وعطوووني وجه؟؟؟؟؟؟؟؟:mwalat19:

[محمد السعد]

السلام عليكم

مساكم الله بالخير اعضاء ومراقبين واداراه

ابغي اخذ وايت للبل وابغي اعرف وشهو الافضل البوز او البي او الاكتروس ... لاني الصراحه احترت ,, راعي البوز تلاقيه يمدح البوز ويذم الالبي وراعي الالبي يمدحه ويذم البوز والحين عينتلي رجال يقول لا تتعدا الاكتروس فارجو الافاده من هل البخص عن الافضل من ناحيه القوه والسرعه والاعطال وقطع الغيار والمكده ووش افضل حجم ومكينه ..لتعم الفايده عالجميع

ووشهو الموتر اللي تصفطه لرووحك؟

تبي الصراحة البوز كان اول يوم قطع غياره الاصلية متوفرة ركب وانساها الان كل قطعه تجارية تصنيع الهند وايران ما عاد فيه اصلي تركب القطعة ما تاخذ لها شهرين والا راجع الخراب والبدوي الان ماهو مثل اول خيمة وكم حوض مابين معلف ومسقى تجد عنده غرفة لا يقل طولها عن 12 متر واذا شد سحب الغرفة و الوايت محمل ماء وجار على الوايت حمل ماء وسحب غرفة خذ انواع الخرابات من تجربة والكل يعرف ان عدوا البوز سحب الغرف تفرط بقيره ودفرنسه ما يتحملها ،،،،،،،،،،،،، الان شف اغلب الناس تشتري ال بي قوة عزم وسحب وتخيرك في المنزل ألي تبغاه ما يهمها الوعر خاصة اذا كانت مدبلة فور ويل ولا سقس ويل واحد اعرفه اشترى من نوع الجديد اكتروس جابها من ألمانيا سقس ويل وشد عليها تانكي شروق الخرج والله انها تسابق الجيوب في العروق ما يردها شيء ولها عنده سنتين ما اشتكى منها ،،،،،،،،،،، اخوي انت مخير و لست مسير هذا حبيت اوضحه لك والله لو عندي مادة كان اشتريت مثلها الله يرزقنا واياكم من واسع فضله

[زايد بن ضيف التميمي]

بيض الله وجيهكم على ارائكم وجعل من ارثكم فالجنه

واتفق معك يامحمد السعد من ناحيه قطع غيار البووز التقليديه وهذا اللي جاعلني اصد من البوز هو عدم توفر قطع الغيار الاصليه.. انزين دامك تنصحني بالالبي رايك وشهو افضل حجم للشاصي والمكينه..

والله يعطيكم العافيه جمييع

[محمد السعد]

بيض الله وجيهكم على ارائكم وجعل من ارثكم فالجنه

واتفق معك يامحمد السعد من ناحيه قطع غيار البووز التقليديه وهذا اللي جاعلني اصد من البوز هو عدم توفر قطع الغيار الاصليه.. انزين دامك تنصحني بالالبي رايك وشهو افضل حجم للشاصي والمكينه..

والله يعطيكم العافيه جمييع

اخوي زيد أل بي في السقوس افضلها -1- 2635 ثمان سلندر تيربو -2- 2628 ثمان سلندر بدون تيربو ،،،،،،،،،،، واحرص على المدبلة ( 6*6 )النظيفة

[خالد بن محمد]

السلام عليكم ورحمه الله

أخوي زايد .. عليك بـ ال بي السكس ( 6 * 6 ) حجم ( 26 - 35 ) أو ( 26- 38 ) وإن حصلت ( 35 - 38 ) أفضل ..

القاع اللي أنتي تبغي بعد الله بتجيه .. بس أهم شي الفحص ..

أنا كان عندي بوز وبعته وبصراحه لا مجال للمقارنه بينهم ال بي اطيب الأحجام اللي ذكرتها لك .... والبوز ما نبخسه حقه

[احمد الشهراني]

ان بغيت السرعه والعزم خذ ال بي احرص على ثمان روس اثنين تيربو قير عايدي زد اف 160 حديد
35 او 48 الرقمين الي على اليمين واليسار 19 او 26
ال 35 قليل خراباته سهل صيانته مرغوب للبيع تاكد من البليته ورقم الشاص متطابقه والموديل من 89 وطالع اهم شي النظافه لو تزيد
وان بغيت البوزالسوبر 28 مديل82 ماقال شي
واهم شي الفحص سرقيس عندك في السلي ب 100 ريال اما قال خذه ولا خله
واستخر قبل تطمر وبالتوفيق

[عبدالله بن ذيب]

يالحبيب وايت البل البوز و غيره قليل حلا.
البي خلها للغرفه و المكده داخل البلد.
اما الاكترس خطوط و بس (كامري نقل ثقيل)

[زايد بن ضيف التميمي]

بيض الله وجيهكم جميع وجعل ووالديكم فالجنه