البرسيم بــــــــــــريال

[صالح العاطفي]

مرحبابكم

البرسيم الي بريال هل له فائده للابل

سمعت انه يكثر حليب الخلفات ويطعم فيه

والي يستمر عليه يمنع اكل الابل دمنها

ومنكم نستفيد وتعم الفائده للاخوان

[خالد السليس]

والله اول مره نسمع ان فيه برسيم بريال..ياليت توصفه لنا ..

[مشاري الفهاد]

البرسيم ابو ريال للارانب الربطه ماتشبع حوير

[طلال الروقي]

والله ياخووووك يا مشاري اول مره اسمع عن البرسيم اللي بريال ..
وش ميزته ووين يباع

[صالح بن حسن البقمي]

الظاهر قصدك القت؟

[مسعود العماري]

يقصد البرسيم الاخضر اللي يحصد ويربط ويباع مباشرة دون أن يابس

نعم هذا يكثر الحليب

[عبدالمحسن المقاطي]

نعم هالبرسيم اطيب ولكن وش بيكفي لو تنطل منه عشر كلتها الناقه في ساعتها

لكن اخذ كثرة حليب وزين وبره

بس تراه لين مره وفي المرات الاولى يوجع بطن الناقه لاتكثره

ويعاب عليه عدم تواجده بشكل مستمر

[صالح العاطفي]

ارحبو بدو وحضر

اول شي علف الارانب الرئيسي الجزر وهالحين بعض ملاك الابل تعطي

الابل جزر

ثاني شي هذا برسيم لجميع الحيوانات وانا اتكلم عن البرسيم الاخضر

المحصود في نفس اليوم


ويباع في سوق جرش مع جميع الاعلاف

يعطا للابل والاغنام وسمعت انه يعطا للهجن

ومنه فوائد كثير انا اعرف بعض الفوائد عن تجربه وابي اسمع منكم اول

وهذا صور للبرسيم

[مشعل الشويش]

صدقت يالعاطفي ,
هذا للهجن , ونافع جداً .
وخصوصاً يزيّن اللون ويخلي شعرت المطيّه لمّاعه
واما بخصوص انه يطعم فالحليب . نعم يستخدمه ناس للخلفات ويمدحونه بس أن اللي ماهي متعوده عليه يورم بديودهاا .
وهو اساساً للهجن , ويُعطى بعنايه لها وبرنامج , لنه لاكثر عليها يمرضها ,

[صالح العاطفي]

ارحب يامشعل تراحيب المطر

هذا الموضوع المبروك الي خلاك تشارك معنا

نبي معلومات عن تجربه من الاخوان او معلومات طبيه

لتطوير الموضوع واخذ الفوائد وترتيبها في موضوع مستقل في عيادة البيطريه

لي استفادة القارء بشكل اوضح ومختصر وفوائده كثيره للابل من امراض وغيرها

والفائده ترجع لكم

والصلاة والسلام علي اشرف المرسلين محمد صلى الله عليه وآله وسلم

[سالم محمد الدوسري]

معروف هالقت هاذا حق الهجن ويعرفونه هل الهجن مايحتاج نشده منه عندهم

اما عن البل الثانيه فما ادري ماقد جربته

[عايد الهاجري]

اشبعها منه وشف الفرق القت مافيه كلام يطعم في الحليب ويزين الوبره

بس تراه حار على المطيه الافضل ان معه شعير

البرسيم ماله عوض في جميع الاعلاف

[سعد بن ناصر]

هذا برسيم طري طازج ونعم مجربينه ويزيد الحليب ويزين الوبره بس مشكلته المشاوير يعني من بيدخل سوق العلف كل يوم علشان ياخذ 20 حبة او 30 حبة
مع العلم ان الخلفه الوحدة تاكل حوالي 10 ربطات ويعتبر مكلف وتراه حار مثل ماتفضلوا الاخوان خصوصا على البكار والقعدان اللي دون السنة يخليها تذرق

[بندر الرويلي]

البرسيم الاخضر زين للخلفات يكثر الحليب والرغوه ويحليه لكن من عيوبه يسبب خباش للخلفات

[صالح العاطفي]

سالم وعايد و سعد وبندر

الله لايهينكم علي المشاركه

منكم نستفيد

[احمد بن عايش]

انا والله معودهن كل جمعه اجيبلهن100 ربطه اخليها بالحوض ومايكملنها ماشاء الله زين ولاشفت منه ضرر والبل شباع منه كل جمعه مع رودس ومكعب وشف ابلك كيف تزين بعده

[صالح العاطفي]

انا والله معودهن كل جمعه اجيبلهن100 ربطه اخليها بالحوض ومايكملنها ماشاء الله زين ولاشفت منه ضرر والبل شباع منه كل جمعه مع رودس ومكعب وشف ابلك كيف تزين بعده
مرحبا يااحمد

الله يبيض وجهك علي مشاركتك وتوضيح تجربتك


وانشاء الله انا نفيد اعضاء المنتدى الشامخ

[مشعل الزيادي]

ايضا اضافه لمعلومات الاخوان انه يذبح الديدان الموجوده بمعدة الحيوان ويكفي انه طازج محتفظ بمواده الاساسيه مو مثل البرسيم العادي يحزن بعضه لمدة سنه حتى يصبح حشو بطن لتستفيد من الحيوانات

[صالح العاطفي]

ارحب يامشعل

اضافه مفيده

مشكور علي الايفاده وعلي المرور العطر