المعشر شككتني يالربع ارجوا الافاده

[محمد ناصر العبيد]

السلام عليكم

ياجماعه الخير. شريتلي معشر لها شهر على كلام راعيها بس في جفله عجيبه اول ما يقربها الرجال تشاول وتوزر. والله الربع انها تشاول وتوزر وهي باركه واستشكيت فيها

يالربع اللي عنده علم او قد مر عليه مثل هالحاله يفيدنا

ولكم جزيل الشكر

[مشعل الشويش]

الناقه مشوال ,
ولاداعي للقلق ,
بعض البل هذا طبعهاا ,
لاعدت الشهر الثالث او الرابع ركدت , وسلامتك ,
والله يبارك لك فيما اعطاك ,

[محمد سعود الشبيح]

مسيك بالخير ابوناصر. تبي تتاكد من عشارها اقطعها من العلف وعرضها لبعير واذا شفتها تشاول وتوزر وتجتر تراها معششه ولاهيب لقحه والعلم عند الله

[محمد ناصر العبيد]

الله لا يهينكم ويبارك فيكم وفي حلالكم

اخوي ابو سعود كم اقطعها من العلف

وننتظر مشاركه باقي الربع

[حاتم العماري]

اخالف اخوي محمد في قطع العلف واوافقه في ان الناقه اللي تشاول وتجتر عند الفحل غالبا تكون معشش
ماللعلف دخل في الموضوع

تقبل تحياتي