سؤال عن ابل الشيخ عليان الحربي؟

[اشرف العوفي]

السلام عليكم


مساكم الله بالخير جميع...

كيف الحال؟؟


قصتي يرجال ان واحد من الربع قال فيه الشريطي فلان "رفيقي"من اهل البل جاب ابل صفر وشعل مزايين حدود الثمانين... ورحت لرفيقي...ويوم نظرت ولا على البل كلها وسم الشيخ عليان الحربي..اللي هو المثلث وتحته مطرق بالفخذ ....والبل أعجبتني لكن القل شين...وشريتلي 8 بكار على الجمل وشريتلي قعود ثني لكن ماعليه الوسم ...ومااااات طبعا ....مالله اكتبه...وشريتلي بعد لقحات وخلفات ةمفاريد...المهم كلها حدود 18 والسنه هذي كملت عليها 6 لأن خوينا الشريطي حاطها بمزرعته وقال يوم اقول ببيع ويوم أهون...لكن الباقيات ماأعجبني مهي بذاك الزين

الشاهد...

هل الشيخ عليان عنده بل صفر وصفر أو كانت عنده؟......لأني مااشوف ابله بالنت غير وضح

ياليت اللي عنده علم يفيدني


عساكم للقوة

[محيميد الرشيدي]

الوسم اللي تقوله وسم الفرده من حرب وانت اعرف لاكن ياخوي انا بنشدك هل عليها شاهد الطهيمي اللي هو المطرق على الرقبه

[مشعل الشويش]

أفادك محيميـد ,
هذا وسم الفرده , والبل اللي عليها المثلث ملا الاسواق ,
تأكد من الشآآآآهد ,

[نايف البراق]

صحيح ان الوسم ذا للفرده
لاكن الطهيمي عنده صفر ومعروفه وقديمه

[اشرف العوفي]

الرشيدي .....يعطيك العافيه--وصدقت هذا وسم الفردة لكن الشاهد الظاهر ماهو المطرق ...الشاهد الهلال والمطرق بالخد
البرقاوي...صدقت يالغالي ويعطيك العافية
البراق...الله يعطيك العافية..والبل اللي عندي اللي اقولكم عنها مثل اللي عندك بالصورة .لكن بعضها شعل وبعضها صفر


الله يسعدكم وماقصرتوا

[محيميد الرشيدي]

شاهد الطهيمي وانا اخوك المطرق على الرقبه من فوق