سر الناقه نازل منه كيس !!

[ممدوح احمد الشريف]

السلام عليكم ورحمة الله وبركاته

لقيت لي ناقه من ابل رجال معروف من فوق المزاين ماشاء الله تبارك الله

نازل من سرها شي تقل كيس كبر قبضة اليد وباين عليه قديم جدا وناشف

الرجال باعها بسبب هالكيس مشوهها

ومالكم بالطويله جا اخوكم ابو احمد كالعاده متحامي وشريتها

وهالحين ودي اشوف لي حل للكيس مع اني اتوقع لو انه فيه طب ما خلاه راعيها


والله يرعاكم

[محمد الوهبي التميمي]

ماله طب يابو احمد وهذا يسمى فتق من يومها حواره وهو فيها واسبابه فالغالب التهاب في سر الحوار او الحواره من يوم ثالث من الولاده
ولا منه ضرر يابوااحمد والله يبارك لك فيها وعليك بالفحل الطيب وهده في حلالك
اتمنى اني افدتك اخوي ممدوح

[سعود بن هادي]

عليكم السلام

تبي رايي وانا اخوككك ودها للحساء

عندهم مستشفى عمليات خلهم يشوفونها اما قصو الكيس

ولا فتحو بطنها وشافو من وين الكيس

وجهت نضر فقط

[فوازمحارب]

خلها. ماعليها. ابرك. الا اذا هو موذيها بس. الناقه حذراك. تشيل شحم واجد اثناء فتره اللقاح واذا ولدت نقع العلف عن خشمها والله يبارك لك. ويرزقك من واسع فضله

[عبدالله بن محمد]

طبيعي ولا يوجد اي اضرار وكثير من الابل يوجد بها هالكيس المصرور

[ماجد ال سالم]

ما قصروا الاخوان بيض الله وجيهم وجهك
ما منه مضره ونتبه عليها من زيادة الشحم

[محمد سالم اليامي]

انا عني ما اسوي لها شي اكد بطنها وترك الطب طب لكن اذا ولا بد وتبي تشيله جيب لك (سيم والا واير والا سلك ) ويكون دقيق وقوي وحلق فيه على المكان الي تبي تشيله وكل يومين والا ثلاثه شده واكرب عليه الى يطيح من نفسه وبعده الله يعينك على علاج الجرح بالايدين والبخاخ والملح

ملاحظه اتوقع يطيح الورم خلال اسبوعين لكن اتوقع ان الجرح يطول الى يبرا لان المكان عرضه للتلوث حيث انك لاتستطيع منعها من الجلوس الا اذا شملت عليه بشماله وربطته معن العيز والغارب

[بندر الرويلي]

خلها لا تعرضة ما منه ضرر ان شاء الله خفف عليها بالعلف مثل ما قالوا الاخوان للقحت ان شاء الله وانتبه عليها من كثر التحميل ( الونش )

[مسعود العماري]

الناقة السراء عادية ولا عليها خوف وانتبه تطبب وثم تفتح بطن الناقة

اتركها ما فيها الا العافية الله يطرح لك البركة أبو أحمد ويرزقك من حيث لاتحتسب

[ممدوح احمد الشريف]

جزاكم الله كل خير وبيض الله وجيهكم على النصح والتوجيه ..... الله لا يحرمكم الاجر