القراااد والسلاريا+العلاج ارجو الانتباه فائده للجميع

[نادر الراجي]

السلام عليكم ورحمة الله وبركاته

يا اخوان قبل كم يوم عندي مفروده سبوق لاحظت عليها
قراد بالعراقيب بشكل ماهو طبيعي فجأه كيذا
مدري من وين جاء غسلتها ونظفتها من القراد
واللي اثار استغرابي ان مكان القراد ناقع عليه دم
واعتقدت انه طبيعي وبعده بكم يوم قل اكلها ونشفت وتغيرت شعرتها
حاولت اعرف المرض جبت ناس اللي يقول نحاز
واللي يقول حراره عطيتها ابره ترايميسين وخافض حراره
تحسنت حالتها شوي
وما الله اراد اني اخذ دم واحللها
يوم الجمعه الماضي ماتت البكره
والحمد لله على كل حال,,
بنفس المربط عندي بكره ثانيه
ولاحظت عليها ناشفه وعينها بارده
المهم عزلتها واخذت لها تحليل دم
وحللتها وطلع فيها طفيليات بالدم
واللي هو مرض السلاريا,,
والمشكله ان المرض هذا ماله اي اعراض
غير انها ماتاكل اذا تمكن منها المرض
وبعدها تموت مباشره زي ماصار معي
ليلة الجمعه ماتعشت والساعه 7ونص صباح الجمعه
وانا ساحبها بالسياره
العلاج/
ابره Butalex 40 ml
5سم على حسب العمر ثالث يوم 5سم
قيمته 250 ريال
وسألت الدكتور عن سبب هذا المرض
وتبين انه ينتقل عن طريق القراااد

وعاد قلت مايبي لها لازم اخبركم ونستفيد من بعضنا
انتبهو ثم انتبهو من القراد الخبيث ينقل الامراض
ولاتستهيننون فيه
حبيت ان الفايده تعم للجميع
واعذروني على الإطاله

[فهد العضياني]

الله يعوضك بأطيب منها

وجزاك الله خير الجزاء على هذا التنبيه

[حمد السبيعي]

مشكووور والله يعطيك العافية

الله يخلف عليك بالي اطيب منها

[فواز ال مفرح]

لاهنــــــت

[مشعل الشويش]

الله يرحم وآلديك ويجزاك خير
ولايريك مكروه بحال ومال

[سعيد سالم الخاطري]

القراد ماله غير السم (( سم القراد والطفيليات )) ترش المطيه به بشكل دوري كل اسبوع مره وهو يقضي عالطفيليات والقراد

[يحي الحامد]

جزاك الله خير

[بندر الرويلي]

هلا يا نادر الله يعوض عليك ويرزقك بأطيب من اللي راح ان شاء الله والبل تفدى اهلها والقراد خلق مع الناقه وينقل كثير من الامراض فاستخدام الجره الي قوتها 15% ورش البل والمراح كل اسبوع مره شي ضروري والوقايه خير من العلاج ويعطيك العافيه على المعلومات القيمة وجزاك الله الف خير

[تركي الشراري]

الله يعوضك بخير منها وبيص الله وجهك ع هالمعلومه والله يفكك من الصواديف وابشر بالعوض

[نادر الراجي]

الله لايهينكم ومشكورين على الردود..
وتسلم ياتركي ,,ولاهنت
والبل فاديه اهلها