تغيرالوبر

[منصورمحمد]

السلام عليكم يا اخوان
ادري ان هذه الايام جميع الابل تغير وبرها
ولكن عندي الفحل حت وبره بشكل غير طبيعي تقول واحد حلقه على الصفر
هل هذا عادي واذا مش طبيعي ويش السواه
الفحل حاله وسط وكنه ضاعف بس الراعي مقصر عليه الغلف وانا مدري عنه
الله يعطيكم العافيه

[محمد الوهبي التميمي]

طبيعي
والسبب يرجع لمربط البعير وتعرضه للشمس بشكل مباشر
عكس باقي الابل تلقاها في ألفي وعكس أشعة الشمس وتكون تساقط الوبره اقل من البعير
الزمول اللي عندي موس موب صفر:mwalat41:

[فواز ال مفرح]

الايام هي ايام الكنه قيض وبعض الابل تتطاير وبرتها تقول جايها جرب لاكن العلف لابد منه لزين الحال وللون الشعره وللهداد
وسلامتك

[عالي العماري القرني]

خذ حذرك لا تكون الناقة مجروبة و لو صورتها و عرضتها يكون أريح لخاطرك و الشباب ماهم مقصرين معك
و سلامتك

[منصورمحمد]

شكرا على ردودكم جميعا وجزاكم الله بخير

[بندر الرويلي]

هلا يا منصور طبيعي جداً وانا مثل ما قال ابو صالح البعير عندي مو موس صفر

[فارس القصاب]

البل كلها تحت وبرتها في الصيف وهذا عادي الا ان تلاحظ خشونه في الجلد وتجعد او جروح فهذا قد يكون بداية جرب

[منصورمحمد]

شكرا على ردودكم جميعا وجزاكم الله بخير
وابشركم طلع وبر جديد وزان شكله