جرح في الناقه وش الحل ؟؟

[مشاري المزيني]

السلام عليكم ورحمة الله

يالربع عندي لقحه ثمينه انجرحت من الشبك في خف يدها اليمنئ مع حد المفصل

وضاع من الجرح دم شوي الكلام هذا البارح

واليوم اشوفها يالله توطا علئ يدها تضلع

وفيه دم بسيط على الجرح وش السوات ؟؟


افيدووووني الله يجزاكم خير

[طلال الروقي]

الجرح كبير والا صغير يا مشاري ..؟

[ثامر فايز]

http://www.mzayan.com/vb/mwaextraedit4/extra/09.gif

يامشاري لاتهمل الناقه عقم الجرح لا يلتهب
وان كان الجرح عميق طلع البيطري خله ينضف الجرح واذا استدعي خياطه خله يخيطه وانا اخوك
ويعطيها ابره للاتهاب

[مشاري المزيني]

الجرح كبير والا صغير يا مشاري ..؟

الجرح شلخ طويل لكن ماهو عميق

[مشاري المزيني]

http://www.mzayan.com/vb/mwaextraedit4/extra/09.gif

يامشاري لاتهمل الناقه عقم الجرح لا يلتهب
وان كان الجرح عميق طلع البيطري خله ينضف الجرح واذا استدعي خياطه خله يخيطه وانا اخوك
ويعطيها ابره للاتهاب

لاهنت على الافاده اخوي ثامر

[صالح بن حسن البقمي]

ابره بنسلين وحط على جرحها شاش واربطه وبسيطه انشالله

[محمد الوهبي التميمي]

الديتول في الصيدليات البشريه
او البخاخ الأزرق في الصيدليات البيطريه
استخدامها بشكل يومي
اسبوع وهي طيبه بإذن الله

[طلال الروقي]

غاشيتها السلامة وانا اخوووووووك ..
عليك بالبخاخ الأزرق

[مبارك بن محمد]

الديتول في الصيدليات البشريه
او البخاخ الأزرق في الصيدليات البيطريه
استخدامها بشكل يومي
اسبوع وهي طيبه بإذن الله

ما ازيد على كلام اخوي غير اليود .. بخاخ اليود بقيمه 15 درهم عندنا .. ما ادري بكم معاكم .. تراه طيب ويعقم ويساعد على لم الجرح ...

[حمد بن عيران القريني]

الاخ مشاري
بعد التحية
على ماقالوا الاخوان بس بخاخ ازرق ولا تسرح الناقة علشان ماتصعد حتى لو تحط معها ناقة توثنها

[مشاري المزيني]

يمال العاااافيه جميعاً

وبيض الله وجيهكم

هذي صورة للجرح ويتضح الورم البسيط في خف الناقه

http://i.imgur.com/XvNX2.jpg

[مشاري المزيني]

استخدمت اليوم البخاخ الازرق وعساها تطيب

[خالد الفالح]

[COLOR="Blue1

تجربتي مع بكره صابها ما اصاب ناقتك والجرح اعمق

1- معقم اليود الاحمر او ماء الملح

2- بخاخ الازرق

3- ابرة بنسلين 3 ايام في اللحم عشان الالتهاب

4- حاول تمنعها اسبوعين من السرحه [/COLOR]

[بندر الرويلي]

ماعليها خلاف ان شاء الله عليك بالبخاخ الازرق وبودره الجروح والبنسلين من 3-4 ايام

[عبدالله الثمالي]

عند البيطري بخاخ يود لونه بني

افضل ماجربت للجروح وللاورام اللي حول الجروح معقم ويساعد على تسكير الجرح وازالة الورم والالتهاب اللي حواليه

[محمد سعود الشبيح]

ماعليها خلاف عليك وانا اخوك بالوزر. اغسله بها كل يوم مرتين وانشالله تطيب

[ماهر العتيبي]

البخاخ الازرق والا تدور غيره ثلاثه اربعه ايام وبتشوفها تحسنت إن شاء الله

أستخدمته في جروح آقوى من كذا وكانت نتائجه مية بالمية

[فارس القصاب]

البخاخ الازرق لين ترى الجرح يجف اما الخياط والابرة فلن تفيد طالما مضى على الجرح اثنا عشر ساعة ولاترى ماعليها خلاف بس اذا شفت المكان كنه يبي يوررم تاكد ان مافيه فيه دود وان حصل فالامر بسيط نظفه وعقمه كم يوم واحرص لا تلفه بشاش ولاشي خله معرض للهواء لين يبرا من حاله

[ذيب بن علي]

حط عليه حلبه ويخيط لك الجرح مثل خياطة الدكتور بس حط حلبه يومين ان شالله ويختفي كل شي أتمني أني أفدتك ،،،،،