نبي الشحم !!!

[عبدالرحمن المحسن]

السلام عليكم ورحمة الله وبركاته


يا إخوان عندي ناقه لها عندي حول السنه ولا سمنت السمنه اللي على قد تعليفي الي جن بعدها الشحم عليهن مرودم


الناقه جتني رديه وولدت على طول وولدها عليها لانها بكر وهي الان كسوووووب لها اربع اشهر وحاللها ماهو ردي بالحيل نص حال


السؤال هل حبوب الدود مفيده لها وهل منها ضرر على اللقاح


ودمتم بخير

[مرضي عيد]

فيه الشراب الي يجي بجرركن صغير حق دود مايضرررررررررررررررر

[محمد ابراهيم السبيعي]

ترى الحليب يشخل الناقه شخل لو تعلف دبل تعليفك الناقه اللي تحتها حوار يعني اللي تدر حليب ما تسمن الا بالعكس تضعف زياده
/
وعلى كلام اخوي فيه شراب الدود يبيعون ف جركل خذ نسبه 50 فالميه

[عبدالرحمن المحسن]

جزاكم الله خير


والله لايهينكم

[حمد بن عيران القريني]

بعد التحية
الناقة مافيها شي ان شاء الله لكن شمل الناقة خله يرد حالها

[مبارك السحيمي]

ابرة هيام +ابرة جرب زرقاء 20سم

وشف حالها كيف يتغير

[عبدالله الثمالي]

الخلفه كل ماكبر ولدها نقص حالها لو تلاحقها بالعلف ملاحق لان الحليب يهدم حال الناقة ولاتزيد

ان كان ولدها من الست شهور وحول اعزله ويبان لك الفرق في حالها واذا لقحت بنت شحم بسرعة

[ساجربن عدوان]

يقولون البدو مايجتمع الابيضين الشحم والحليب
وزد على انها ضعيف اول ماجدت كسبتها والناقه الكسوب قليل الي حالها طيب ونسمن

[عبدالرحمن المحسن]

الله يبارك فيكم جميعا


وكلامكم صحيح لكن أنا قلت اذا الحبوب مأمنها ضرر يمكن اجربها

لكن استخرنا الله ورضينا بكلامكم

[بندر الرويلي]

حبوب الدود اذا على لقاحها اربع شهور ماتضر ان شاء الله وكررها بعد اسبوعين

[نواف بن رماح]

السلام عليكم
الناقة شملها واذا هي القحة انشاء الله بتشوف الفرق
تحياتي لك ولك المتواجدين

[خالد الفالح]

حبوب الدود انا معطيها القحات عندي ما ضرها

لكن المشكله ليست في الدود

خلفه وكسوب يلهجها حوارين في بطنها وتحتها هو المشكله ان كان اللي تحتها قعود فعجل بفرقاه عن الناقه

وان كان بكره فانها مقنوي فالله يعينك وان كانت دونه فالحقها باخوها

[عبدالمحسن المقاطي]

بالنسبه للحبوب ماتضر اللقحه الي من فوق ثلاث شهور

بس الناقه كسوب ترى الطبيعي ماتسمن ولا يستفيدون الحوارين ذيك الفايده

لا الي في بطنها ولا الي حدرها