التنوم والعشرق والشري

[سالم بن لاحم]

http://www.mzayan.com/vb/mwaextraedit4/extra/03.gif

كيف كلن وحاله
هل التنوم والعشرق والشري ياكله الحلال
أخضر والا يابس

فيدوني جزاكم الله خير لانه اشوف تنوم وعشرق توه اخضر
وقلت يمكن احتريه حتى يابس واهد فيه الحلال

[محمد الوهبي التميمي]

غير صحيح ولا ياكله الحلال لااخضر ولا يابس

[محمد الغنامي]

لا بلاه الا ياكل التنوم ويشيل عليها من الشحم

[وافي مليح بن موطان]

التنوم يوكل خضر ومثل ماقال الغنامي يشيل شحم

والشري يوكل يابس

[سالم بن لاحم]

اتفقوا تراي ضعت بالطوشة

اشد والا انتظر

[رشيدالدوسري]

التنوم ياكله الحلال
والعشرق والشري مايوكل لااخضر ولايابس

[فايز بن محمد]

التنوم ياكله الحلال


والعشرق والشري مايوكل لااخضر ولايابس



هذا الكلام الصحيح

[فوازمحارب]

والله اول مره اسمع الاسامي وين منابتها. والي يتوفر عندصور. لايبخل علينا يمكن. نفس النبات. والاكن الاسم غير افزعولي. ترى. ذبحتن الشفايه ههههههههه

[سعد حمود العوني]

التنوم اذا طاحت فيه البل عزالله تشيل شحم ويسحرها
لانقطع تلقاها هجيج تدوره
والشري الابل لاتاكله لااخضر ولا يابس
والغنم تاكله

[فيصل القريني]

السلام عليكم ورحمه الله وركاته

مثل ماتفضلو الاخوه الكرام التنوم تاكله واذا واكلتله تشيل شحم ,والعشرق تاكله علا خفيف ,
واما الشري البل ماتاكله ,والغنم علا خفيف ,وشكرا.

[سالم بن لاحم]

مشكورين على التفاعل الغير مستغرب منكم ياهل مزاين

[سجلان]

ابلي تاكل التنوم وبعض الابل ما تاكله
الشري تاكله الغنم

[نواف النهدي]

البل تاكل التنوم وتفضل تاكله مع المغاب او الفجر بدري لانه حار . ونباتات كثير تاكلها البل الوضعه والدرما والقرضي والحاد والنويعمه وكلها تردم شحم

[فواز ال مفرح]

البل وتطبيعها
انت لو يجئ في مراحك ناقه تأكل الشري اخضر بعد أسبوع تشوف نصف ذودك تطبع منها
قصيري ابله تأكل الشري جاه ابن عمه وأخذ ناقه من عنده علشان تطبع ابله وفعلا بعد شهر ردها ويقول تطبعت