رايكم في المفرود المجهم .. يفحل والا مايفحل

[فهد العضياني]

السلام عليكم ورحمة الله وبركاته


ابغا رايكم في القعود المفرود بارك الله فيكم

القعود كل من شافه قال فحل وانتظر عليه

واتمنى من اللي يبدي رايه يقول ايش الزين فيه وايش عيوبه

اما بالنسبه لأمه ناقه فوق البداوه سعرها من 20,000 وحول

وابوه عليه 400,000


والقعود اخذ من امه الشي الكثير

واترككم مع الصوره


http://center.jeddahbikers.com/uploads/images/jb13390024891.jpg (http://center.jeddahbikers.com/)

[محمد بن حمد]

الله يرزقك باطيب منه مايصلح فحل

[ثامر فايز]

مرحبا ياالعضياني من وجهت نضري انه ماينتفحل
انا اشوفه انه اقل من العادي
ولا تعب نفسك فيه لان ( الهقاوي ماهي بالمناوي)
وانا اخوك
ومن ناحيه انك تقول اذكرو الزين والشين اللي فيه
اشوف ان مافيه شي زين عشان اذكره
الراس صغير 0العرنون ماش ماله رثمه ولا سبال
الرقبه قصيره وعنجا 0ماله شقه ولا جنب
العضم دقاق هذي
مواطيه صغار
هذي وجهت نضري وارجو منك انك تقبلها بصدر
رحب
واسال المولى انه يرزقك بواحد يعوضك عنه اللي يسوقون له البدوان ابلهم من كثر زينه

[عبدالرحمن بن هادي]

الله يرزقك ببرك منه في ناظري مايصلح فحل

[حزام العاطفي]

ارحب يافهد تراحيب المطر
والله ياخوك القعود من خلال الصوره مايصلح فحل
الملاحظات فيه واجد ,راسه عادي ماعدا غضروف خشمه مااقول طيب لكن ماهوب شين
الرقبه قصيره وباقي مافيه عادي
الله يرزقك ياالعضياني بالبعير النادر

[عبدالمحسن المقاطي]

الله يرزقك ببرك منه

[محمد الوهبي التميمي]

ماازود على كلام الاخوان شي
بس اذا تدور لك فحل فبحث عن اللي تهقوى فيه خير ويعمر ابلك مستقبلاً
والله يرزقك من اوسع ابوابه

[يعقوب الروقي]

الله يرزقك من واسع فضله يافهد
والقعود مابه زين يذكر
وانا اقول دور لك من العضيان اصحاب النوادر المجاهيم
مثل : مرزوق جزاء العضياني ,,
واشتر منه فحل يعمر لك البل وهو عانه شرق من النير
وانا اعرف صاحب البل زين كان تبي منه شئ ابشر بتضرب والا بتشتري
وشكرآ
.
.
.
وهذا الرابط للفحل وانتاجه :

http://www.mzayan.com/vb/showthread.php?t=46592

[محمد فرج العزران]

الله يرزقك بازين وابرك منه

ماريت ما يشفع له الا درثومه مهوب شين بسسس

[طلال الروقي]

كل مامنه ردي ..
الله يرزقك باطيب منه يافهد

[مشعل الشويش]

مايختلف عليه اثنين يافهـد ..
اقل من عادي .. ولافيه اي ميزه تشفع له بدون اسهاب ,
الله يرزقك باابرك .. ولاينتشاور عليه ذا مثل شمس النهار ,
تقديري

[فهد العضياني]

شرفني مروركم

وبيض الله وجيهكم

والحين باقي ناخذ رايكم في طعم لحمته وموعدنا الخميس الجاي ههههههههههههههه

[ثامر فايز]

عطني من النسانيس وصفايح الورك كيلو

[فهد العضياني]

ابشر بسعدك

ويمدحون لحمة الكتف

اما الكبد اذا صارت مشويه على الجمر هذا شي ثااااااااني

[عبدالله الثمالي]

والله يافهد مابه من الزين شي الا يمكن اذانيه واقفات شوي واذا تبي تتعب وتفحل دور لك اخير منه لوماكان انتاج مراح مشترى

وهالحين الحمد لله الزين عند البدو واجد تبي تلاقي بسعر معقول شي معنز على الصوبين وتتعب عليه والرزق عند الرزاق الرآي ذمه والنصيحة دين

[حاتم العماري]

مايصلح فحل
اتعب على الفحل
والله يوفقك

[حاتم عبد المحسن الحربي]

اقل من العادي زي ماقال الرياجيل

[فواز ال مفرح]

وش باقي من اللحم .