بعد الأبرة وبعد الكوي .. تحسن نسبياً ..( صور وفيديو ) للمعاينة

[طلال الروقي]

السلام عليكم ورحمة الله وبركاته
أسعد الله مسائكم بالخيرااااااات

يالربع عندي ناقة سبق وان كتبت عنها بداية وجعها على هالرابط
http://www.mzayan.com/vb/showthread.php?t=44470 (http://www.mzayan.com/vb/showthread.php?t=44470)


الناقة لها مدة ماتمشي نهائياً أغلب وقتها على جنبها ..
وكويتها ولا عينت أي تحسن ..
وظربتها أبرة دقسا فينايل بتوصيه من أخونا خالد العايذي بيض الله وجهه والحمد لله عقب الأبرة
قامت ومشت وفلت بنسبة 40 %

ولكن على هالحال لها مايقارررررررررررررب 22 يوم ولم ألحظ أي تحسن
اللي عنده راي والا مشووورة يسدحه لاهان

صور الناقة ..
ملاحظة (( المربعات مكان الكوي ))

http://www.m5zn.com/uploads3/2012/5/30/photo/gif/053012010537y4griz6l6hvl.gif (http://www.m5zn.com)

http://www.m5zn.com/uploads3/2012/5/30/photo/gif/053012010537rhagq3viabc1.gif (http://www.m5zn.com)

http://www.m5zn.com/uploads3/2012/5/30/photo/053012010537hdlxibm0tss0r6641dy5kgjmn.jpg (http://www.m5zn.com)


فيديو ممشى الناقة

http://www.youtube.com/watch?v=5fjNaXUQXfg&feature=youtu.be

[محمد سالم اليامي]

الناقه ما تاطا الارض بخفها فتش الخف مزبوط بلاها منه

[بدر العوام]

مرحبا ابودرر جعل ماتشوف شر في نفسك وعيالك ومالك وانا مثل الي يبيع الحاجة على الي يصنعها انت استاذنا طال عمرك مايخفاك ان المضادات والابر في بعض الحالات تعطي تحسن نسبي ثم ترجع الدعوى على ماهي وانت رقيت وكويت وبالابر طقيت رأي وانا خوك ان كان الناقة غالية عليك حملها لكلية القصيم خلهم يسوون لها أشعه وبأذن الله تبين علتها
هاااااه ومايحتاج اوصيك شف الربع الي حولك الي عنده حايل بيوديها ولا شي لاتروح الناقة لحالها دمت بخير لك خالص الود أخي العزيز

[عيدالمنصورى]

ارحب ياطلال
دور على صاحب هجن يكوي الناقه على عرقوبها

اللي كاويها ابعد عن مواقع الكي المفروض تكوى عن العرقوب

نصيحتي ابر بي كومبلكس مع كي العرقوب من الخارج والداخل

ثلال مطارق عرضيه على المفصل وللاسف حتى مفصل الرسغ متضرر

تحميل الدنا والربط الخاطئ

[مشعل الشويش]

ياعزتي عنها عطية الله
والله يكتب لها الشفاء ويسرك بسلامتها يابو درر ,
أولاً : اللي لاحظته من كوايا الخف انها غير صحيحه للأسـف .
ومقع الكيـه الأخرى لو ارتخى شوي كان افضل والعلم عند الله ,
كوايا الخف اربعة مطارق صغار المطرق الواحد تقريباً 4 سم يربع بها الخف ,
والناقه فيها نوع شلل عصب والتهابات ناتجه عن تمزق الاعصاب . والله اعلم ,
كان عندك فرصه وتبي تشيل الناقه للقصيم فنعم الراي ..
واتوقع أنها عيـن .. والعياذ باللـه ,

[سعود البريدي]

اولا الكي كواها كبر الكيه وسببن التهاب وياليت تعطيها ابره للالتهاب
ثانيا الناقه يبيلها كي من زر الرجل من فوق جنب قاعة الذيل من صوب الظلعه واذا مافهمت على كلامي ارجو الاتصال ونقول مرحبا 0097455504721

[نايف الشاهين]

وعليكم السلام
اخي طلال انا اتفق مع الاخ مشعل كونه شلل عصب لان الناقة كأنها تسحب رجلها
ولله يرفع الضر عن حلالك

[تركي بن عبد الله]

اولا الكي كواها كبر الكيه وسببن التهاب وياليت تعطيها ابره للالتهاب
ثانيا الناقه يبيلها كي من زر الرجل من فوق جنب قاعة الذيل من صوب الظلعه واذا مافهمت على كلامي ارجو الاتصال ونقول مرحبا 0097455504721
نفس رائي اخوي سعود

[محمد ابو عدوة]

الناقه كان ماني بواهم بلاها من صدام سياره والله العالم .:mwalat29:

[طلال الروقي]

بيض الله وجيهكم جميعاً على مداخلاتكم وآرائكم
وهذا العشم فيكم يا آل مزاين


الناقه كان ماني بواهم بلاها من صدام سياره والله العالم .:mwalat29:
هلا وغلا اخوووي محمد ، والله ياخوك مدري وش بلاه ، من يوم شريتها وهي ماترفع رجلها عن الأرض اذا مشت
وكل يوم تزود سوء ،، والحمد لله والفضل على كل حال .

[محمدالسهلي]

اولا الكي كواها كبر الكيه وسببن التهاب وياليت تعطيها ابره للالتهاب
ثانيا الناقه يبيلها كي من زر الرجل من فوق جنب قاعة الذيل من صوب الظلعه واذا مافهمت على كلامي ارجو الاتصال ونقول مرحبا 0097455504721
انا مع الاخ سعود الكي من زرالرجل على شكل مشط وهذ الي بالناقه مشاع

[عبدالله الثمالي]

هلا اخوي خالد

ان كان في خف الناقه ورم والا في مفصل العرقوب من بدايه المرض فدق علي جوال لانها قد مرت علي في ناقه هالسنه والله فك لها 0559954000

[سعود البريدي]

والا يمكن الناقه فيها الثفن وهو كيه من داخل الثفنه ان كانها ما تاطا على خفها دوس بيدك على الثفنه من داخل اذا رغت فهو منه وامرها بسيط انشالله

[سعود البريدي]

من بعد الفيديو تاكدت انه ثفن الناقه تاطا على رجلها بس تستعجل بسبب ثفنتها والله اعلم

[طلال الروقي]

والا يمكن الناقه فيها الثفن وهو كيه من داخل الثفنه ان كانها ما تاطا على خفها دوس بيدك على الثفنه من داخل اذا رغت فهو منه وامرها بسيط انشالله

هلا وغلا يا سعود ..
الله يبيض وجهك بياض كلن يهرجبه الحادر والمسند

الناقة تاطا على خفها ماعندها مشكلة أبد ..
وماطا خفها من تحت صاير لونه أحمر ( تقول حفيان ) وفيه صدوع
وثفنتها منتفخه من داخل .. ولا تداني ان أحد يلمسها

[طلال الروقي]

من بعد الفيديو تاكدت انه ثفن الناقه تاطا على رجلها بس تستعجل بسبب ثفنتها والله اعلم

أبا احاول أجيب مقطع جديد لممشى الناقة ..
الناقة تحسنت كثير كثير والحمد لله ..

نعم الناقة مثل ماقلت .. تاطا على رجلها بس تستعجل .
وكل شوي تقف تريح رجلها .

الناقة الآن خفها منتفخ ( متحسن بنسبة 80 % ) والفضل لله
ومفصل الثفنة منتفخ بالحيل ( تحسن طفيف جدا )
ممشى الناقة طبيعي ( بنسبة 85 % )
ولا تلاحظ على ممشاها أي سوء
( الا اذا كان الشخص عارف ان رجلها تعورها ) يلاحظ وجع الناقة في ممشاها

[طلال الروقي]

فيديو ممشا الناقة وقد تحسنت بفضل الله وكرمه علي

http://www.youtube.com/watch?v=wZhXlwBUz0M&feature=youtu.be


وهذه الصور تبين مدى تأثر الناقة في خفها من تحت ( ماطاها )
قبل أعطيها الأبرة كان لونه يميل الى الوردي
الآن والحمد لله أبيض مخالطة سواد خفيف

http://img02.arabsh.com/uploads/image/2012/06/28/0e32434361f701.gif


الصورة هذي واضحة الصدوع في ماطا الناقة
http://img02.arabsh.com/uploads/image/2012/06/28/0e32434361f703.gif


هذا العرق وبين عليه كبير جداً ومسبب لها ألم قوووووي
http://img02.arabsh.com/uploads/image/2012/06/28/0e32434361f700.gif


أسأل الله أن لا يريكم مكروه ما أحياكم

[ذياب بن غانم]

يالسنافي انت وش سويت بناقتك وتحسنت والطرق او العلاج اللي اتبعته ظروري رد علي عندي ناقه نفس ناقتك كويتها من من الثفن من كل شي ولا فاد فيها علمنا وش سويت

[عبدالرحمن التركي]

عن تجربه رش بالفليت وكرر الرش عليها وعلى رجليها وباذن الواحد الاحد ماتشوف الا العافيه

[خالد الحجي]

ياطلال هل الناقه فيها هزه في المبرك ؟؟ الان بعد ماتحسنت حالتها ؟ وهل الانتفاخ يخف ويرجع اكثر ولكن مايروح نهائي ؟

ولي رجعه بعد الاجابة

[طلال الروقي]

يالسنافي انت وش سويت بناقتك وتحسنت والطرق او العلاج اللي اتبعته ظروري رد علي عندي ناقه نفس ناقتك كويتها من من الثفن من كل شي ولا فاد فيها علمنا وش سويت

الناقة أبطت وجعانه يا ذياب وعطيتها (دقسا فينايل) لمدة خمس ايام
وعقبها تحسنت ،، ولكن عاد الوجع من جديد ، ولكن أقل من السابق بكثير

[طلال الروقي]

ياطلال هل الناقه فيها هزه في المبرك ؟؟ الان بعد ماتحسنت حالتها ؟ وهل الانتفاخ يخف ويرجع اكثر ولكن مايروح نهائي ؟

ولي رجعه بعد الاجابة

هلا وغلا يابدر

أبدا مافيها الا العافية في مبركها ..
بس اذا قامت الناقة تتأخر شوي ماتقوم

الانتفاخ طال عمرك يخف ويرجع مره ثانية مايروح أبدا
بس نفس الناقة زانة وممشاه طيب .
والآن عرقوبها منتفخ بالحيل