البكره الثانيه الله لايوريكم ها لمرض

[تركي الشراري]

عندي بكره يالربع عمرها اربع شهوروحلتها زينه واليوم وهي ماشيه طاحت على جنبها وترافص لمده عشر دقايق وماتت والله انها احسن البكار وللمعلوميه تراها الثانيه نفس الطريقه الي عنده علاج يعلمنا جزاكم الله خير

[محمد الوهبي التميمي]

ارحب ياتركي
البكره مقروصه وانتبه لمخابى الهوام بالشبك وخارج الشبك
تقبل مروري

[تركي الشراري]

ونعم الله يرحم والديك بس هاذي الثانيه لاهنت ولازبد فمها

[سالم المشعبي]

مافيه الا ان جايك واحد مقرود

[نايف البراق]

مثل ماقال اخوي سالم
جايك واحدن ماذكر ربه وطرح الثنتين

وعليك بالورد (الاذكار )

[مبارك المري]

احتمال يكون تسمم بسبب أعلاف فاسدة

او مرض الطير وهو عبارة عن نقص فيتامين B1

[بندر الرويلي]

اسأل الله ان لا يخسر عليك ويعوضك خيرا من اللي راح رايي توقف العلف اللي تستخدمة حالاً أحتمال البلى من العلف

[سالم حسن البلوشي]

الأخ/ تركي هذا الإلتهاب الرئوي عند السنه ثلاث موتن موت مفاجي مثل السكتة القلبية
مر على البيطري ووصف له الحالة وسوف يعطيك إبر وطعم الإبل كلها

[مبارك بن محمد]

يا اخواني هذا وصف عندنا وقد كلمنا واحد من الاخوان ..


هذي يسمونها على حسب كلام الدكتور العضله البيضاء .. وتجي في القلب والاعصاب وتقلب لونها من الحمره للبياض لدرجه انها لاوكسيجين ما يوصل للقلب ولا لباقي الاعضاء ..

وفيه ابره تحمل المواد المطلوبه .. واهم شي الاي سيلينيوم ...


لو يحضرني اسم الابره كان نفعتك وياها .. تراها مهمه تعطيها الحشاوين 5 مل لكل حاشي ..

وبعون الله بتكون بخير

[محمد سالم اليامي]

طلع الدكتور وخله يشرحها ويبين لك السبب

الله يعوض علينا و عليك

[تركي الشراري]

الله يجزاكم عنا خير ومشكورين وماقصرتو والله يكثرمن امثالكم
الي عنده اسم الابره يعلمنا بيها ........

[عيدالمنصورى]

هذا نقص السلينيوم وهو قاتل خفي SILENT KILLER لاتشعر به الا والحيوان المصاب طايح ولديه صعوبه بالتنفس

ثم يموت خاصه بعد مجهود بسيط العلاج ابر اي سيلينيوم E SELENIUM

[تركي الشراري]

مشكور ياخ عيد ودايم سباق للطيب متى وقت طق الابره هل اطعم الحيران كلها او الي شاك فيها

[عيدالمنصورى]

فيه ابره سبق وكتبت عنها ولكن ماعرف وين اختفى الرابط المهم اسمها stress vitam تسحب منها عشره وتغر الحوار بين فتره واخرى
تنفع الحيران من كل النواحي

ولحيرانك يجب تعطيهم ابرة اي سيلينيوم ولو لمره واحده وبعدها تعطيهم stress vitam وهي من انتاج vetiquinol

[مبارك بن محمد]

وهذي الابره ياللي انا شخصيا استخدمها للحشاوين عندي وهيه ممتازه جدا .. واعطي 3-5 مل للصغار والكبار من 6-8 مل

http://images1.hellotrade.com/data2/OC/OT/HTVENDOR-4456155/uploads-p6090098-250x250.jpg

[عابد الحربي]

حياك الله اخوي ابومحمد
الابره عضل والا غر

تحياتي

[رجاء العتيبي]

العلااج عندي يتركي اتصل علي وابشر!!
0507097413

[مبارك بن محمد]

عابد الحربي

عضل طال عمرك .. في الورك انا اضربها

[تركي الشراري]

الله يرحم والديكم ويفككم من كل مكروه ماقصرتو وجزاكم الله عنا خير

[مبارك بن محمد]

على الله فدناك والله يشفي حلالك طال عمرك