استفسار لاهل المغاتير

[ناشي الدوسري]

مساكم الله بالخير ياهل المنتدى اناعندي قعود اوضح مفرود امه فاطر مزيونه وابوه يقولون بعير بن وديد المرشدي السؤال وش علوم بعير بن وديد وشلون انتاجه وهل حيرانه يبين زينها بدري اللي عنده علوم عنه لايخلينا

[بندر الروقي]

مسـاك الله ب النور اخوي ناشي .. بعارين ابن وديد واجد اي بعير .. فيه الهرش واهداه على ابن شليويح العطاوي .. وانتاج الهرش كفو بيع منه على ثلاثه مليون واكثر

واذا كان طياحان ولد السعودي وانتاجه طيب وسيم من انتاجه على خمس وعلى ثمان وانتاجه طيب .. وان شاءلله يكتب لك البركه فالي عندك ...

[عبدالرحمن العقيلي]

أرحب يالدوسري
الله يبارك لك في القعود
انتاجه من حق ولقي يطلع وهالشي سر في ابل ابن وديد

[ناشي الدوسري]

لاهنت يابندر الهرش وشهو ومتى راح عند العطاوي وطيحان هو ولد الهرش المذكور ولا غيره انامدري عن ابو القعود بس يقولون لبن وديد وسنه مفرود صيفي مولود العام في الصيف

[ناشي الدوسري]

لاهنت ياعبد الرحمن ومشكور

[بندر الروقي]

الهرش ياخوي ناشي اهداه بادي العام بعد رمضان الله العالم ،، وطياحان ولد السعودي الي مات قبل ثلاث سنين تقريبـــــا الي اخذ الرابع في مزاين نوفا

والسعودي ولد عليان الي باعه بادي بن وديد ب مليون ريال هرش قبل سبع سنوات او حولها ،،

[طلال الروقي]

ينقل للقسم المختص