لا نحاس ولا كالسيوم ينفع مع الطرق وش الحيله؟؟؟

[حسن بن شافي]

أخواني السلام عليكم ورحمة الله..


أنا عندي مفروده عمرها هالحين خمس شهور ونص
غاليه بالحيل ماكان فيها الا العافيه عقب جاها طرق تقوم ترفع يدها عند الدرهام
وشفت الشباب الله يجزاهم خير يقولون علاجها حبوب النحاس والكالسيوم وتوكلنا على الله وعطيتها
ولابه فايده أبد اتلاها عطيتها ابره نحاس قبل اربعة ايام والوضع على ماهو عليه وللمعلوميه بديت بحبوب النحاس والكالسيوم
حسب الجرعات اللي أفادوا به الأخوان لي ثلاث شهور ولابه فايده شوروا علي يالربع أكويها ولا لا والبكره طيبه بالحيل...
بيض الله وجيهكم جميع
تحياتي .....

[حمد بن عيران القريني]

الاخ حسن بعد التحية

اخر الطب الكي وانا جربت كل العلاجات ولانفعت من حبوب النحاس الى ملح الازرق وقمت بكيها ع الفرسن ونفعت ولله الحمد

[حسن بن شافي]

لاهنت ياحمد القريني وبيض الله وجهك

بنتوكل على الله وبنكوي اليوم

[ثامر فايز]

http://www.mzayan.com/vb/mwaextraedit4/extra/09.gif


انصح نصيحه اخويه لاتهملها وحبوب النحاس مابها خير انا يمحاكيك الطراق صاد بكره غاليه عندي
وشارو علي الناس الاتكويها تشوهه
قالو عطها الكالسيوم وحبوب النحاس وراح واحد
منهم وجاب لي ابره لون المحلول ازرق ولا فادة
وطقيتها بالقيد وحطيتها في شبك صغير ولا فاد
البكره عطبت وجاها لين واخرشي جبت لي رجل باخص بالابل وكواها بس قال تراك مصيف( متاخر)
واخر شي ماعاد قدرت تقوم

[حسن بن شافي]

أنا أشهد اني دبلت كبدها بالأبره الزرقا (النحاس) ولا فاد
لاحول ولاقوة الا بالله00000

ماعاد قامت البكره ياثامرهاذي والله الكارثه

يعني حتى الكوي ماينفع

يالربع شوروا علي الحل ويشهو؟؟؟؟؟؟

[ثامر فايز]

ياحسن تماكن البكره وشف لك واحد باخص بالابل
قد مر عليه الطراق وكواه وبريت
وفطن من الي يتطبب ويقول انا اكوي وهو من جنبها
ترى ماكل واحد بخيص بالكي ترى ان لقيت رجال عارف وكواها وصاد المحل بامر اللهانها طلق عقال

[بندر الرويلي]

الأخ حسن كثره النحاس تسبب تسمم للحواره وانا اشور عليك تجرب معاها القيد ولا تسرح واعزلها سمعت ان القيد نفع مع الكثير والكوي ماجاب نتيجة

[حسن بن شافي]

بيض الله وجهك ياثامر أنت وبندر لاهنتوا جميع

الى هالحين ماكويت بجرب القيد وبعزلها الحالها على كلام اخوي بندر

وآخر شي بنتوكل على الله وبنكوي

الله يجعل ما أفدتوني فيه في ميزان حسناتكم

[عيدالمنصورى]

قيد البكره واعزلها واغسلها بسم جره مخفف مرتين يوميا
من فوق الركبه الى المنحر على عضلة اليد من الامام ولا تفكها من القيد الا بعد شهر

على ان يكون القيد قصير لا يزيد عن شبرين وانشاء الله ماتحتاج للكي

[سلطان الروق]

السلام عليكم و انا اخوك النحاس و الكالسيوم يستخدم ل الين و البعض يسميه تفداع الطرق اللي اعرفه انها ترفع ايدها في مسيرها و هذا سبته انطلق رباط في ايدها وان تداركته بدري و كويته سلمت و ان ما سلمت ترى ما يظرها عندي ناقه من يومها عجم و فيها طرقه و الحين خلفه و لا ظرها لا في مسراح و لا لقاح

[فهد العليان]

الاخ حسن الله يعافى بكرتك التجربة اكبر برهان الطرق صاد قعود عندى وكويتة على كرمة اليد وسلم لانة فى البداية وجا قعود ثانى وتاخرت علية حتى مشا على عظم اليد وتوقعت انة مايسلم وجانى رجال عندة خبرة وقال لى شب الضو وجب المسامير المهم خرقنا يدة اليسرى ويدة اليمنى بين الكرمة والخف فى المفلخ ضربناة من قدام وطلع المسمار من خلف اليد وقمت اسوقة كل يوم مع ارض قوية ويطلع من يدة ما اثنا المشى ونظف يدة يوميا حتى مايتسكر محل الخرق وسلم وشريت بكرة غالية وجاتها نفس المشكلة وعلجتها نفس العلاج وسلمت 80% وسلامت الجميع

[حسن بن شافي]

اخوي عيد الله يرحم والديك ويجزاك خير

لكن اقيدها واخف عليها العلف والا لا

[حسن بن شافي]

سلطان ارحم الله والديك

ولاهنت يالغالي

[حسن بن شافي]

اخوي فهد لاهنت وبيض الله وجهك

[نواف الحربي]

قيد البكره واعزلها واغسلها بسم جره مخفف مرتين يوميا
من فوق الركبه الى المنحر على عضلة اليد من الامام ولا تفكها من القيد الا بعد شهر

على ان يكون القيد قصير لا يزيد عن شبرين وانشاء الله ماتحتاج للكي

الاخ الكريم عيد المنصوري القيد ينفع للحرده وهي اللين بالعضام او تقوس العضم والقيد يكون له مثل التقويم

ويعدل العظم ويمنع تقوسه للخارج

الطرقة غير واذا ازمنت لايوجد لها علاج

ثم ان الرجل يقول بكرته ماتقوم .. اذا ماتقوم وش ينفع القيد فيه ؟!

هناك اختلاف بالمسميات بين الناس ويجب الانتباه لذلك

---------------------

انصح راعي البكره بالذهاب الى المستشفى الجامعي وعمل اشعه للمفصل

اذا متهتك او يوجد قطع في الاربطة للمفصل تحتاج البكره تدخل جراحي

لكن هذا مكلف وصعب


وغالبا الطرقة سببها تقطع اربطة المفصل بسبب شد العقال عليها مع صغر السن

او تعرضها ا لظربه على المفصل سبب تهتك او شعر بالمفصل

[ماجد ال سالم]

اخوي حسن بن شافي ما قصروا الربع
جرب الابره الي معلنها للذيبه تراها فيتامين جميع العناصر من فيتامين وحديد
ممكن يعافيها رب العالمين ولا منها ضرر التجربه خير برهان والله يشفي حلالك

[محمد الوهبي التميمي]

الله يمسيك بالخير
وانا اشوف التشخيص اختلف من رئي لارئي الثاني
لازم التفرقه بين اللين والطرق وهم مختلفيين تماماً عن بعضهم
الطرق هو الحرد وهي رفع اليد للاعلى عند المشي او الدرهمه ولم يذكر علاج واضح وانما اجتهدات قد تصيب او تفشل والثانيه اقرب
لاضرر على البكره ويوجد ابل تعايشت مع الطرق او مايسمى الحرد ولايردها الا عن الشديد الطويل فقط
واللين ضلعه ويكون ليونه في مفصل الخف ويكون ملاحظ بالعين ويجي للحوار لسن الحق وعلاجه سهل جداً ومن انواع العلاج للين >حبوب نحاس او،قيد،اوعزلها في شبك، او الكي وهو اخر الحلول


رائيي انك ماتقدم اي علاج واي علاج بيكون سلبي عليها خصوصاً وهي في هالعمر
تقبل مروري

[عيدالمنصورى]

حسب المسميات الدارجه في كل منطقه تسمى هذه الحاله بالخطل او الطرق او الحرد

ومن اسبابها الرئيسيه فالحشوان الوقوع بعد الركض او العقال لمده طويله والشد على عصبة اليد من فوق الركبه

ومعروف لدى مضمري الهجن ويصيب صغارها من مفاريد وحقايق وعلاجه بسيط وناجح وخاصه في بدايته

حيث كان البدو يربطون خيط شعر من فوق الركبه لايكون مشدودا او رخوا بحيث يضغط على عصبة اليد عند الحركه

ويكوى على عصبة اليد فوق الركبه باربع اصابع حرف ت ومن فوقه باربع اصابع مطرق طولي بطول اصبع ونصق

والعلاج الثاني هو مخفف سم الجره حيث تغسل يه عصبة اليد فوق الركبه الى اعلى اليد وذلك مرتين فاليوم

والثالث يمكن حلاقة شعر اليد من فوق الركبه الى اعلى اليد وخاصه العصبه الاماميه ودهانها بمرهم الاعصاب

البشري الحار الموجود بالصيدليات

علما بأن العلاجات كلها تستلزم ان تقيد البكره وتمنع من كثرة الحركه لمدة شهر وحبذا لوحصلت على فيتامينات بي كومبلكس

والتغذيه الجيده هذا لمعلوماتكم وتقبلوا تحياتي

اخوكم

[حسن بن شافي]

نواف الحربي لاهنت وبيض الله وجهك

[حسن بن شافي]

اخوي حسن بن شافي ما قصروا الربع
جرب الابره الي معلنها للذيبه تراها فيتامين جميع العناصر من فيتامين وحديد
ممكن يعافيها رب العالمين ولا منها ضرر التجربه خير برهان والله يشفي حلالك

ارحب ياماجد اولا بيض الله وجهك على الأختراع اللي استفادوا منه جيراني هل الأبل اللي حولي

عسى ربي يجعل مانفعت فيه المسلمين في موازين حسناتك0000

الأبره ياماجد بخليها العلاج اللي قبل الكي وأن مانفع لاحول ولاقوة الا بالله وعسى الله يعوضنا باللي أخير منها

لاهنت على الأفاده00

[حسن بن شافي]

الله يمسيك بالخير
وانا اشوف التشخيص اختلف من رئي لارئي الثاني
لازم التفرقه بين اللين والطرق وهم مختلفيين تماماً عن بعضهم
الطرق هو الحرد وهي رفع اليد للاعلى عند المشي او الدرهمه ولم يذكر علاج واضح وانما اجتهدات قد تصيب او تفشل والثانيه اقرب
لاضرر على البكره ويوجد ابل تعايشت مع الطرق او مايسمى الحرد ولايردها الا عن الشديد الطويل فقط
واللين ضلعه ويكون ليونه في مفصل الخف ويكون ملاحظ بالعين ويجي للحوار لسن الحق وعلاجه سهل جداً ومن انواع العلاج للين >حبوب نحاس او،قيد،اوعزلها في شبك، او الكي وهو اخر الحلول


رائيي انك ماتقدم اي علاج واي علاج بيكون سلبي عليها خصوصاً وهي في هالعمر
تقبل مروري


الله يمسيك بالنور والعافيه

فعلا يامحمد فيه اختلاف في مسميات (للطرق والحرده واللين ) ناس يقولون الطرق هو الحرده وناس يقولون الطرق غير عن الحرده

واللي اعرفه اليامن ارفعت يدها البكره وهي مدرهمه الى أعلى يسمى حرد والطرق ماسمعت فيه ابد

والله ماأدري يامحمد ويش اسوي (اكوي -اعزل- اخليها -ابرة ماجد ) بستخير وبتوكل على الله وبخلي الكوي آخرشي

وتسلم ولاهنت يامحمد التميمي

[حسن بن شافي]

حسب المسميات الدارجه في كل منطقه تسمى هذه الحاله بالخطل او الطرق او الحرد

ومن اسبابها الرئيسيه فالحشوان الوقوع بعد الركض او العقال لمده طويله والشد على عصبة اليد من فوق الركبه

ومعروف لدى مضمري الهجن ويصيب صغارها من مفاريد وحقايق وعلاجه بسيط وناجح وخاصه في بدايته

حيث كان البدو يربطون خيط شعر من فوق الركبه لايكون مشدودا او رخوا بحيث يضغط على عصبة اليد عند الحركه

ويكوى على عصبة اليد فوق الركبه باربع اصابع حرف ت ومن فوقه باربع اصابع مطرق طولي بطول اصبع ونصق

والعلاج الثاني هو مخفف سم الجره حيث تغسل يه عصبة اليد فوق الركبه الى اعلى اليد وذلك مرتين فاليوم

والثالث يمكن حلاقة شعر اليد من فوق الركبه الى اعلى اليد وخاصه العصبه الاماميه ودهانها بمرهم الاعصاب

البشري الحار الموجود بالصيدليات

علما بأن العلاجات كلها تستلزم ان تقيد البكره وتمنع من كثرة الحركه لمدة شهر وحبذا لوحصلت على فيتامينات بي كومبلكس

والتغذيه الجيده هذا لمعلوماتكم وتقبلوا تحياتي

اخوكم


لاهنتوا جميع جعل من جابكم في الجنه

بنمشي خطوه خطوه وشورك ياعيد أحد الخطوات والطرق اللي راح امشي عليها

الله يجزاكم خير جميع ويجعل ماخطت به ايديكم في موازين حسناتكم

تحياتي

[حمود العتيبي]

الله يعينا وياك يا حسن ويشفي بكرتك انا ما اوصيك بالسوال عن الطبيب الشعبي المظبوط يكون ذو خبره وفاهم بمكان الكوي

[حوران العتيبي]

قيّد البكره لمدة شهر
وهالكلام عن تجربه