لعجوم تاكل وبرت بعض

[راشد بن سعد]

يربع عندي اعجوم من مفروده وحقه ولقيه حاجزها في شبك عن اماتها ماسرحا الا وقت العلف واردها شبكها لحالها وخاصتن قاعنا مفيه شي

وشوف اشعفت البكار ماكوله يعني السنام ماله اشعره مع اني احطلها ملح دايم وش الحل ياهل العلاف لاهنتو

[حمد بن عيران]

ابو سعد بعد التحية
الوقت هذا تطيح وبرة الناقة فافضل شي الملح الازرق لتعويض الناقة عن الاملاح او انك تحلق وبره البكار اللي معها

[محمد ابو عدوة]

مدحوا الفلفل الاحمر الباكستاني يخلط مع شوي ماء ويحط على ظهورها

[مبارك بن محمد]

لو انته تبيها دسمه على حسب تجربتي .. حط على ظهرهن ايل محروق .. يعني خذ لك اسفنجه .. وتم امسحه على وبرهن يا لين تصبغهن بالايل .. ومن بعدها شوف كيف تعفن هالعاده .. طريقه جربتها ونجحت ولا عاد تاكلن وبر بعض

[محمد الوهبي التميمي]

رشها بالجاره مابين وقت ووقت
مجربه من احد الاعضاء
تقبل مروري

[صدام الدوسري]

فيه علاج بسيط ومجربه انا اولا اعزل الناقه لحالها اخذ لك زيت عافيه قدر بياله الى بياله ونص وصبه في فمها ورح للبيطري واخذ لك ابره جرب الامريكيه الي علبتها زرقا وانشالله ماتشوف الا الي يسرك ونا مجرب العلاج والحمدلله الله يبارك لك بحلالك وماتشوف شر

[محمد بن خميس]

ابوسعد خلها تسرح وانتهى الموضوع هذا من الحكره جرب وشوف

[محمدالمري]

أغلب حلال قطر يوسي ذا السواه

الله يرحمنا برحتمه

:)

وأنا بعد عندي نفس المعاناه ..

ومالنا الا انجرب الطريقتين أول شي الفلفل << نذاله في الحشوان ..

وعقبه الايل المحروق ..

والله الشافي ..

[فلاح المحميد]

يابو سعد مثل ماقالك محمد بن خميس

الحشوان مشكلتها من الحكره الى فكيتها

سجت منها

[سعود البريدي]

والله اذا لك قدره تلحفها كلها يكون احسن لانها وحده مطبعه الباقيه فاذا ابطت اكثر من اسبوعين راح تنسا هالعاده السيئه وبالتوفيق

[عبدالله حمد العتيبي]

هذا ياخوي نقص املاح في البل ..
في علاج والله مدري وش اسمه بس هو بودره تحطها مع الشعير وهو يعوض الاملاح الناقصه !
وان حصل شراب الديدان في حوض البل .. للبل كلها ترى ماهي شينه !
وانتبه تحط جره على ظهورها .. لآنها سامه وبتذبح ابلك ..
تقبل تحياتي .. عبدالله العتيبي !

[عبدالله الثمالي]

ابد مر البيطري وعنده بودره تحط مع العلف ويروح منها هالطبع انا مجربها العام ونجحت

هذا سبته نقص الاملاح والمعادن والسبب عدم التنويع فالاعلاف والحكره عن المسراح