علف الخبز

[عابد الحربي]

اخواني الاعضاء السلام عليكم ورحمة الله وبركاته

لا يخفى عليكم علف الخبز وما فيه من فوايد للبل سوالي بخصوص ما اظراره سمعنا انه يجيب الدود وان صح العلم نبي العلف البديل

تحياتي للجميع

[محمد الوهبي التميمي]

كيف حالك ياعابد
الخبز النظيف لا مانع من اعطى الابل منه بس كتطبيع للابل
ومايكون بكميات كبيره
تقبل مروري

[صالح العاطفي]

مرحبا ياعابد
التميمي كفا وفاء
والبديل عليك بالمكعب

[بندر بن معيض المطيري]

وعليكم السلام ورحمه الله وبركاته

مرحبا ياعابد

الخبز علف طيب ويزين شعره البل ويكثر حليبها

وانا اشوف انه ممتاز جداً

وعن مسئاله الدود كل خمس شهور عطها سائل الدود مع الماء ويكرر بعد 15 يوم

وانصح الي يعلف الخبز انه يعطيها معه تبن في وجه العدو

والخلفات تعزل وتعطى برسيم

وشف اباعرك بتشيل شحم وشعره طيبه

[عابد الحربي]

تحياتي لكل الاخوان

ومشكورين على المرور

[محمد ابو عدوة]

كانك تقصد الخبز النظيف اليابس فوائده الرخص وتلقى راعيته سمين اما سلبياته ابشر بكثر الفئران و تخزينه عقوبه وتنظيفه من الخبز العفن شغله ويطعم في الحليب ولا يخلا مراح اللي يطعم بالخبز من الغثه في الابل .

[تميم التميمي]

اهم شي الما لاتعطيها قبل الخبز بساعه ولا بعده بساعه تراه هو اللي يغثها ويتخمها

[متعب العمار]

الخبز زين بالحيل للأبل وانا اعلف الابل لي حول عشر سنين واكثر وانا اعطيها خبز يوميا مع البرسيم
مايعادل 8 اخيااش
ولافيها خلاف وشايله شحم ,,, بس اهم شى يكون الخبز نظظيف وياااابس

[حسن بن شافي]

والله انه يسمن خذ العلم من مجرب له سنين

ماعليك توكل على الله ومافيه الا الزين

تحياتي