وش الحل اللي تاكل الدمن

[ثامر فايز]

http://www.mzayan.com/vb/mwaextraedit4/extra/09.gif


السلام عليكم ورحمة اللة وبركاته
الاخوه الكرام اطرح لكم هذا الموضوع وارجومنكم المشاركه
عندي حد العجوم جاها وقت وستدقت مع العلم ان اكلها زين وخاطرها منشرح والملح في الخوض ماينقطع
والله يكرمكم عودة على دمنها تاكله
وباشرتها با بحبوب الدود وابرة الجرب وكانها تشالت وستبدنت
مير هالحين لها حوالي اسبوع وهي موقعه بالدمن
وماتطمع ان حدا الابل يدمن الله يكرمكم تاكله قدام يوقع في الارض مع العلم ان المراح يكنس يومين
بعد شرح الحاله ابغي منكم افضل
انواع حبوب الدود بعد كم تكرر
وكم الكميه

[ثامر فايز]

http://www.mzayan.com/vb/mwaextraedit4/extra/30.gif


الاخوه الاعضاء المشرفين ارجو منكم نقل الموضوع للقسم المناسب ولكم جزيل الشكر

[عبدالعزيز المحمد]

هذا المرض الي مالقينا له علاج
يقولون حبوب دود وابر جرب واملاح وكلها جربتها ولا فيه فايدة

[حاتم بن حثلين]

سلام عليكم ورحمة الله وبركاته :
الله يكون في العون قبل شهر مريت على واحد من اصحاب البل وقت التعليف واشوف حاط في المعالف بصل استغربت منه وسألة صاحب الحلال وقالي انه في ايام الحر وسخونة الجو ان البصل زين للبل قلت من اي ناحية قال انه في هذه الأيام البل يصيبها هيام وتحب تاكل وبرها ودمنها اعزكم الله والعظام واذا عطيتها البصل ينظف بطنها يقلل من هذه العادة او يخليها تتركها قلت شيي طيب ومعلومه جديدة كم يكفيها قال على الأقل كل شهر 3-4 ايام تعطيها بصل ؟
حبيت انقل هذه المعلومة للجميع .

[طلال الروقي]

هذا ماهو مرض ولا تكثر من الأبر والعلاجات
هذا طبع يسري من ناقة الى الثانية الى كامل المراح

والحل الوحيد أنك تقطع عنها الشعير .
لأنها تشوف الشعير في الدمن وتاكله

[مبارك بن محمد]

ياللي عندي خبره انه نقص في ملح الطعام ..

بس انته تقولي تحط ملح في الحوض .. يعني جربت انته طريقه الملح ...!!

اجل حطه لهم في حوض .. اقصد حط ملح الطعام في الحوض .. والله يجيب الخيره ..

[ثامر فايز]

http://www.mzayan.com/vb/mwaextraedit4/extra/09.gif


الاخوه الكرام الله لايهينكم ويععطيكم العافيه والله لايحرمنا من اهل العرف
مجرد تنويه ملح الطعام والله انه ماينقطع عنها
والشعيرمبطي قاطعينه ولاتذوقه وعلفها مكعب والغريب انها ماتلقا في دمنها العزكم الله شي وتاكله
وترانا مانستغني عنكم ولامن مشورتكم

[فهد البلوي]

الحل وقف الشعير الحب وعلف شعير مجروش لان البل تجد الشعير كامل الحبه بدمنها وهي بالاصل تاكل الدمن لوجود حب الشعير فيه وان لم تعلف شعير ونفس المشكله زيد العلف حتي تكتفي ابلك ارجو التجربه وافادتنا لاحقا ولك تحياتي

[ثامر فايز]

الاخ فهد البلوي اسعدني مرورك
لاكن البل ماتاكل الا مكعب
وعلفها مكفيها ونوب يفيض القت في حواضها

[ثامر فايز]

الاخ فهد البلوي اسعدني مرورك
لاكن البل ماتاكل الامكعب وذره
يعني علفها مكفيها

[فايز المغيري]

السبب يالربع الشعير هي تلقا فالدمن الله يكرمكم شعير على شان كذا تاكله واللي مو مصدق يقطعه 10 ايام ويشوف

تحياتي لكم

[ثامر فايز]

ياسمي الله يخليك لي البل ماتاكل الشعير
البل طعامها مكعب وذره

[طلال الروقي]

راحت عادة الدعوى ,,
مادام قطعت الشعير عنها أصبر وتشووووووف ،،

[مبارك السحيمي]

الحل وقف الشعير الحب وعلف شعير مجروش لان البل تجد الشعير كامل الحبه بدمنها وهي بالاصل تاكل الدمن لوجود حب الشعير فيه وان لم تعلف شعير ونفس المشكله زيد العلف حتي تكتفي ابلك ارجو التجربه وافادتنا لاحقا ولك تحياتي

كلام سليم المشكله حلها بسيط اقطع الشعير وينتهي الموضوع ,,, اطعم مكعب ولا شوار

[ثامر فايز]

كلام سليم المشكله حلها بسيط اقطع الشعير وينتهي الموضوع ,,, اطعم مكعب ولا شوار
يااخ مبارك الابل ماتاكل الشعير

[فايز المغيري]

ياسمي الله يخليك لي البل ماتاكل الشعير
البل طعامها مكعب وذره


والله مدري وش حله عاذي بس عطها ملح ابيض وانشاء الله خير

[ثامر فايز]

الاخوه الكرام اسعدني مروركم وتعليقاتكم

[تميم التميمي]

ياثامر انت صادق كانت عندي وعزلتها عن البل ولا خليت دبره ما دبرتها اخر شي قمت احط لها شوي جاره فالما قطرتين وتشربه يوم اعطيها ويوم ما اعطيها 0 جاني رشيدي مضير بيضير عندي ناقه وخليته يشوف البكره وقال لي البكره اكلت قراد مع الاكل ويعيش في بطنها وترتاح لااكلت الدمن وضحكت عليه وبعد فتره قلت ليش ما احط شوي جاره فالما البدو يحطون الجاره للبل ما ضرها بس ما يكثرون وجربتها والبكره تشرب ان كانها ضميانه وهي عايفه بس عطها على الجوع ولا تعطيها علف عقب الما الا بعد نصف ساعه اسبوعين وعطها زيت خروع في فمها قاروره صحه ام اريال ولا تملاها و بتذرق ما في بطنها وعقبها عطها حبوب الدود اللي تجي خمس حبات في شريط يعطيك غيرها يقول اقوا لاتصدقه ام خمس حبات هي اقوا شي شريطها ب15 ريال وهذي اهم شي كل عشرة ايام لمدة شهر يعني ثلاث مرات فالشهر 0 وتحياتي

[وحيد البدراني]

الله يعطيكم العافيه ع التعليقات

[ثامر فايز]

http://www.mzayan.com/vb/mwaextraedit4/extra/26.gif

الاخ تميم الله لايهينك على الشرح المفصل ويعطيك العافيه بس الحبوب الدود وش نوعها هل هي الهنديه
لان فيه ناس واجد يمدحونها وفيه كثرهم يذمونها

[تميم التميمي]

هي هنديه لكن الهنديه انواع عليك باللي شريطها فيه خمس حبات لان الاخرى فيها اربع حبات في الشريط وانا ابروح للبل وابشوف اسمها انتظرني الليله انشالله 0تحياتي

[ثامر فايز]

الله لايهينك قل اخلاف راح استناء منك اسم الدواء

[فايز بن محمد]

الدمن تاكله حتى وهي في الربيع ماعلفوها اهلها

[تميم التميمي]

الله لايهينك قل اخلاف راح استناء منك اسم الدواء
البونيل اسم الدواء وهي نوعين قوي وخفيف ونفس الاسم خذ القوي وتعطي المفرود حبه وحده كل عشر ايام واللقيه والجذعه حبتين والناقه الكبيره ثلاث على الجوع وخلها نصف ساعه بعد العلاج وعلفها 0 حنا نحط الحبه في خبزه صامولي نحفر لها فالصامولي وندفنها ونلقم البكره ولا تطرحها ولا تتعب وعطها عقبها الما اهم شي يملا كرشها وامعاها مع الدواء ويذبح دود الكرش والامعاء

[تميم التميمي]

الدمن تاكله حتى وهي في الربيع ماعلفوها اهلها
صح السانك وهذا دليل انه دود ياكل نصف ماتاكل البكره وتحس بالجوع وتعود على الدمن والله اعلم ويمكن الرشيدي كلامه في محله

[ثامر فايز]

الاخ تميم الاخوه الاعضاء لكم كل الشكر على تجاوبكم
وتعلقاتكم