يارجال فيه احد مرة عليه الحاله هاذي

[تركي الشراري]

السلام عليكم ورحمه الله وبركاته
ياهل البل عندي بكره عمرها اربع شهور اليوم دق العامل علي وقال البكره لفت وطاحت على جنبها وماقدر يعدلها وتوجهت له وربع ساعه وهو يدق قال البكره ماتت هل فيه احد مرت عليه وانشاء الله ماتمر على احد منكم ...............

[فهد الجعفري]

الله يعوضك خير ومخلوف إن شاء الله
الحلال فادي أهله
الوقت هذا وقت طلوع الدواب الله يحفظنا وإياك
وكل مسلم من كل سوء ويستر على حلال المسلمين

[تركي الشراري]

جزاك الله عنا خير

[عجب الحسيني]

قبل فترة كان عندي بكرة تطيح وهي واقفه اكثر من مره لاكن الله سلم لاتطيح على ارقبتها وسألت الدكتور قال هذه تأكل عشب ومعه تراب اكرمك الله ويسبب لها مغص حاد يطرحها وهي واقفه . الله يعوض عليك باطيب منها

[سعد بن ناصر]

اليوم المغرب ذابح ثعبان ام جنيب في مراح الابل


انتبه وفتش مراحك من الدواب الله يكفينا شرها

[فيصل الرويس]

فادية اهلها ومعوض خير انشاء الله

[بندر الرويلي]

البل تفدى اهلها والله يعوضك خيراً منها أن شاء الله

[مبارك بن محمد]

نفس هالمرض يا اخوي منتشر ..

هذا نقص في الاي سيلينيوم .. ويسبب ضعف في عظله القلب .. انته لو تروح العزبه .. ركز في الحشاوين زين .. وخصوصا قوايمها .. راح تلاحظ ترنحاااااااااااات بسيطه جدا .. على طول اعطها ابره كرتونتها احمر على ابيض على اسود .. بشوف لك اسمها عندي في تلفوني ياللي بالبيت ..

عط الحوار منها اربع الى خمسه .. في بدايتها راح تكون مفعولها كنه الحوار ملسوع .. بس الامور طيبه .. اول ما تضربها بالابره افرك محلها زين لانها حاره نوعا ما مثل ما قلت لك ومثل اللسعه .. حتى ولو تعطي الكبار ما يضرهن .. تراها ابره زينه تبتاع عندنا في الامارات بـ 35 درهم ...

المهم .. نحنى مرت علينا هالحاله .. والله يخلف علينا باللي خسرناه ..


همسه : من اعراضها بعد انه الحوار يتنفس بصعوبه .. يعني تلاقيه بين فتره وفتره يلهث ..او يهدر .. وطول الوقت منزل راسه للارض كنه يشم التراب بين فتره وفتره ...

[تركي الشراري]

اشكركم جميعا.........بالنسبه لخوي مبارك وش اسم العلاج بالضبط جزاك الله عنا خيرا

[حمد بن عيران]

الاخ تركي بعد التحية
الله يعوضك خير منها واللي في بكرتك تسمم دموي