وش الحل مع الطرق الله لا يهينكم

[حمد متعب]

صبحكم الله بالخير جميعا

وش الحل يالربع عندي بكرتين عمارهن على سته شهور تقريبا جا فيهن طرق وحده لها حول شهرين و جاني رجال وكواها ولا نفع والثانيه لها حول عشرة ايام و رحت للبيطري وعطاني ابره مضاده للالتهاب يقول هذي ممتازه وتكفي وعطيتها مرتين كل اربعه ايام مره ولا تغير شي بالعكس زاد شوي

اللي عنده حل يالربع مجرب ومضمون يفيدنا الله يجزاكم خير جميعا

[مبارك بن عبدالعزيز]

الطرق علاجه الكوي شف لك واحد فاهم
اذا بادرته يطيب ان شاء الله

[خالد الفالح]

الاوله المفروده

اولا عطها حبوب نحاس كل اسبوع 3 حبات

ثانيا واعزلها في شبك صغير 3 في 3 او اصغر وارضه صلبه شوي لمدة شهرين

ثالثا خف عليها الطعام والرضاعه ان كانها بدين وعليها شحم

ولا يحتاجن كوي

اما الحواره الصغيره

اولا فعطها حبوب نحاس حبه كل اسبوع

ثانيا عطها دواء ليان ورخاوه وفيتامين خمسه سنت كل يوم لمدة خمس ايام

وبتحسن ان شاء الله وكل هاذي تجارب عملتها وليست وصفات افتراضيه والله ينفعك بها

[ناصرمنصورالروقي]

ازيد على الاخوان
القيد طقهن بالقياد
الله يفك عوقهن

[عبدالمحسن المقاطي]

مامثل حبوب النحاس والقيد


الحل الامثل داوم اسبوعياً على حبوب النحاس كل اسبوع وشفلها ارض صلبه وقيدها وخلها فيه ولاتخلي القيد طويل


ولا يكثر عليها الحليب حاول تخففه



وبتشوف التحسن بأذن الله

[بندر الرويلي]

الاوله المفروده





اولا عطها حبوب نحاس كل اسبوع 3 حبات



ثانيا واعزلها في شبك صغير 3 في 3 او اصغر وارضه صلبه شوي لمدة شهرين



ثالثا خف عليها الطعام والرضاعه ان كانها بدين وعليها شحم



ولا يحتاجن كوي



اما الحواره الصغيره



اولا فعطها حبوب نحاس حبه كل اسبوع



ثانيا عطها دواء ليان ورخاوه وفيتامين خمسه سنت كل يوم لمدة خمس ايام




وبتحسن ان شاء الله وكل هاذي تجارب عملتها وليست وصفات افتراضيه والله ينفعك بها




كلام سليم 100% وأضيف على هالكلام للبكره الاولى القيد

[حمد بن عيران]

بعد التحية للجميع
افضل شي الكوي وتسرحة مع الابل ويقلل العلف ليخف وزنة وحبوب النحاس جربتها في اكثر من قعود ولا نفع الا الله ثم الكوي واذا مانفعت الكوية الاولى جرب مرة ثانية وقلل العلف

[حمد متعب]

الله يعطيكم العافيه جميعا
واعذروني على التاخير دخولي للنت قليل

بالنسبه للكوي كويت وحده ولا فاد فيها والثانيه والله ما تطببت فيها لانها غاليه عندي بالحيل وعسى الله يفكها

[محمد الوهبي التميمي]

من الأخطاء الشائعه في اللين الكوي دون السنه وهذا خطاء
عزلها في شبك واستخدام حبوب النحاس الهولنديه بانتظام
التركيز على قوالب الأملاح الون الأزرق لكثرة عنصر النحاس فيها
وبعد ايام تشوف الفرق
اما الكوي فهو للحالات المستعصيه وللمفروده وطالع
تقبل مروري

[مشاري الشلوي]

قيد بكارك وعطها العلاج اللي قالك الدكتور
القيد هو العلاج من بعد الله بس لازم تصبر عليها مده لين تطيب
وقصر القيد لا يكون طويل ... عندي حواره شتويه جاها الطرق وقيدنها اسوعين وطابت والحين هي جذعه ما فيه اللى العافيه

[حمد متعب]

الله يعطيكم العافيه جميعا

[راشد بن علي المري]

اخونا خالد الفالح كلامه صحيح
وانا مجرب مدام الحشوان عادها ماكملت سنه لاتكويها خلها في ارض صلبه وعطها حبوب نحاس وحاول انها ماتقرب القاع الثقيله

[ناصرالموسى]

طيب وإذا كان الطرق ماظي بالناقة يعني هي الحين سنها رباع وفيها الطرق هل لها علاج؟؟؟؟

[حمد متعب]

هلا بك ناصر وان شاءالله يفيدونك الشباب
لكن حسب علمي ما فيها فايده

[عبدالعزيز المحمد]

للاسف كلام الاخوان غلط في غلط ولهدرجة محد مر عليه الطرق ولا يعرفه
ياخوان اول شي هذا جاي نتيجة شي واحد ماله ثاني سبب وحيد لا حبوب نحاس ولا غيره من الخرابيط
الطرق تعريفه لين من الركبة
العلاج :بودرة كالسيوم امريكية يوميان فنجان كالسيوم وتنحط في ارظ صلبة ولاحد يقولك غير هذا واتحدى اذا له علاج غيره مدة عشرين يوم ويفضل اعطا زيت سمسم كل 3 ايام 300 مل

[عبدالعزيز المحمد]

انتبه تكثر البودرة لانها تضر الكبد التزم بالجرعة المحددة

[مسعود العماري]

الاوله المفروده


اولا عطها حبوب نحاس كل اسبوع 3 حبات

ثانيا واعزلها في شبك صغير 3 في 3 او اصغر وارضه صلبه شوي لمدة شهرين

ثالثا خف عليها الطعام والرضاعه ان كانها بدين وعليها شحم

ولا يحتاجن كوي

اما الحواره الصغيره

اولا فعطها حبوب نحاس حبه كل اسبوع

ثانيا عطها دواء ليان ورخاوه وفيتامين خمسه سنت كل يوم لمدة خمس ايام


وبتحسن ان شاء الله وكل هاذي تجارب عملتها وليست وصفات افتراضيه والله ينفعك بها




أوافق أبو فالح

وتم تجربة هذه الوصفة وفعالة بأمر الله

[حمد متعب]

الله يعافيكم جميعا وعطيتهن اليوم حبوب النحاس وان شاء الله يطيبن واوافيكم بالنتائج بعدين

[عبدالعزيز المحمد]

أوافق أبو فالح

وتم تجربة هذه الوصفة وفعالة بأمر الله


ازيد على الاخوان
القيد طقهن بالقياد
الله يفك عوقهن

السلام عليكم ورحمة الله
ياخوان بعد اذنكم واذن الاستاد مسعود العماري وللافادة لخونا السائل وغيره من الاخوان انا اخلف رايك وانا اجزم واتحدى ان حبوب النحاس لاتفيد في حالة الركب (الطرق) لان النحاس يفيد في حالة لين الرسغين والفدع وغيره ام الطرق اذا كنت تقصده فهو يجي نوعين النوع الاول من ارتفاع حرارة يعني حمى ومعروف عند هل الركض تعالج الحمى اولا نتيجة الحرارة تطرق الركب وثم تعالج بالكالسيوم وافضل شركة هي الامريكية حيث التركيز عالي يوميا من 10 ايام الى 20 يوم والنوع الثاني من نقص الكالسيوم من زود وزن او نقص عادي لاي سبب من اسباب وتعود دائما الى نقص المعادن والفيتامينات في العلائق زالحل هو الكالسيوم ويفضل اعطائه مع فيتامينات لكي يتقبله اجسم افضل وان عطيته الحاله يمشي
وهناك بعض الاخطاء تسبب هذا الطرق وهواعطاء البندول بكميات زايدة للحشوان بغرض العلاج من حرارة او ماشابه حيث يقوم البندول بامتصاص الكالسيوم من المطية مسبب الطرق وكذالك مسك المطية بغرض اعظائها دوا والضغط على يديها لانها تقاوم عند مسك الخشم مع التكرار يسبب هذا
اضافة زيادة جرعات الادوية مخفضات الحرارة والمضادات الحيوية واستخدامها دون استخدام فيتامينات تعويضية تسبب خلل في نقص بعض العناصر في الجسم مسبب هذه الاعراض
وانا مجرب شخصيا هذه الامور واتحدى اذا سلمت بدون كالسيوم والنحاس ليس ضروري في هذه الحالة وانصح يالسمسم زيت كل يوم نص غرشة مسافي
وردلي خبر على الخاص ولذل طلع كلامي غلط لكم الحق على ومستعد

[حمد متعب]

العالم الله سبحانه وناخذ بنصيحتك ان شاء الله يا عبد العزيز ونشوف

[حمد بن عيران]

الاخ عبدالعزيز كلام الاعضاء صحيح وكل طرق ولة علاج واتكلم عن نفسي بأن العلاج عندي الكي ولله الحمد ودي تسير علي عند الابل وتشوف بنفسك بكويي في ابلي وفي غير أبلي واما حبوب النحاس مانفعت معي هذا جوالي 0555551250

[محمد الوهبي التميمي]

يجيب التفرقة بين اللين و الطرق
وحبوب النحاس تفيد اللين

[نواف الحربي]

السلام عليكم

قبل كل شيئ ووصف العلاج يجب على الاخوان فهم الداء قبل وصف الدواء

وهناك فرق كبير بين الطرقه وبين الحرده او التفدع واللين

الطرقة = عطب في المفاصل والعصب ووصفه ان الحوار يمشي ويهبد بيده

الحرده او التفدع او اللين عطب في العظام من اللين ووصفة ان المصاب تجد في يده تشوه وتقوس او انحراف وممكن علاجة بالنحاس والقيد

واسبابه الارض الرخوه ونقص النحاس والفيتامينات وغالبا يكون النقص في الام اذا طعامها غير جيد ويكون وراثي وينتقل للحوار

اما الطرقة فعلاجها صعب وتحتاج الى عملية جراحية لتعديل العصب اذا كان من العصب والنتائج جدا ضعيفه واذا كان من المفصل فلايوجد علاج

والطرقه ماتضر ويمكن ان البكره تكبر وتنتج وتعيش مثل غيرها من الابل .

وعندي في مفروده والان جذعه ولقحه ولله الحمد فقط تلاحظ عليها عند المشي تهبد بيدها

احيانا بعض الطرق يكون بسبب رضه بالمفصل ويروح بعد كم يوم اذا راح الالتهاب

لكن اذا كان مزمن واستمر اكثر من عشره ايام فلا يوجد علاج


واذا كان الحوار زين افضل انقله الى المستشفى الجامعي واعمل اشعه وبيعلمونك اذا قلب عصب او تهتك بالمفصل

او شعر وهذا افضل واقصر الطرق واقلها خساره

[حسن بن شافي]

أخوي نواف ..
أنا عندي مفروده عمرها هالحين خمس شهور ونص
غاليه بالحيل ماكان فيها الا العافيه عقب جاها طرق تقوم ترفع يدها عند الدرهام
وشفت الشباب الله يجزاهم خير يقولون علاجها حبوب النحاس والكالسيوم وتوكلنا على الله وعطيتها
ولابه فايده أبد اتلاها عطيتها ابره نحاس قبل اربعة ايام والوضع على ماهو عليه وللمعلوميه بديت بحبوب النحاس والكالسيوم
حسب الجرعات اللي أفادوه به الأخوان لي ثلاث شهور ولابه فايده شوروا علي يالربع أكويها ولا لا والبكره طيبه بالحيل...
بيض الله وجهك يانواف الحربي على المعلومه ولاهنتوا جميع
تحياتي .....

[نواف الحربي]

أخوي نواف ..
أنا عندي مفروده عمرها هالحين خمس شهور ونص
غاليه بالحيل ماكان فيها الا العافيه عقب جاها طرق تقوم ترفع يدها عند الدرهام
وشفت الشباب الله يجزاهم خير يقولون علاجها حبوب النحاس والكالسيوم وتوكلنا على الله وعطيتها
ولابه فايده أبد اتلاها عطيتها ابره نحاس قبل اربعة ايام والوضع على ماهو عليه وللمعلوميه بديت بحبوب النحاس والكالسيوم
حسب الجرعات اللي أفادوه به الأخوان لي ثلاث شهور ولابه فايده شوروا علي يالربع أكويها ولا لا والبكره طيبه بالحيل...
بيض الله وجهك يانواف الحربي على المعلومه ولاهنتوا جميع
تحياتي .....


الكوي بعد هذا الوقت ماضن ينفعها

اتركها ولا تطبب فيها والطرقه ماتضرها فقط تعيبها عند البيع

لكن اتركها عندك للانتاج

وانا عندي الان جذعه لقحة وهي حواره من يومها طرقا

وتشد معي وتمشي من الشمال للجنوب

لو البكره طايحة ماتمشي تطبب فيها اما دامها تمشي اتركها

وعلتها في العصب والمفاصل وتحتاج جراح متخصص وعنده امكانيات مثل الاشعه وغيرها

واغلب الطرق يجي من قطع اوتار المفصل

والاوتار عصب دقيق ومكانه صعب وعلاجة صعب


اذا البكره غالية انقلها للمستشفى الجامعي بالاحساء وطلب لها اشاعه وبيعلمونك عن اصابتها

ولاتكثر التطبب والتجارب عليها من الناس

[حسن بن شافي]

لاهنت يانواف وجزاك الله الف خير

[سعود البريدي]

انا مع اخوي خالد الفالح بس ياليت تخليها ترضع لان الحليب يقوي العظم وانا اخوك بس لاتخليها تاكل واجد خلها على حليب امها
والا الناقه انكانها كبيره تسوي على ركبها بالطول مطارق وربعها على ركبها والله يشفيها لك وتربح منها
ولا غير الله شي