رأيكم بهالمبروكه يالربع

[عايض الشدادي]

السلام عليكم ورحمة الله وبركاته
اولاً: يسعدني الانضمام لهذا المنتدى العريق واتشرف بوجودي معكم
ثانياً: رايكم ياأهل النظر في هالحواره وهذي الصوره وعمرها اسبوعين
ثالثاً: استفسار أمها يالربع فاطر وقالو لي ان حليبها مايفيدها ولازم نضيرها ورحت للبيطري واخذت لها فيتامينات البيوفوس وقلت نجرب ونشوف اذا زادت والا ضيرنها وانتم يااهل العرف
رايكم ومشورتكم لاهنتو واعذروني علي الاطاله
http://www.mzayan.com/vb/attachment.php?attachmentid=9706&d=1335630987 (http://www.mzayan.com/vb/attachment.php?attachmentid=9706&d=1335630987)

[ثامر فايز]

ماشالله تبارك الرحمن
هلابك ياعايض انا ماني مطول معك بكثر الكلام البكره مزيونه الله يبارك لك بها اما من ناحيت التضير ان كان ديد امها سلم ويغذيها مايحتاج
ون كانه لاوالله
الا توكل على الله وضير

[مشعل الشويش]

أولاً / الله يحييك ونفخر بإنظمام مثلك وشرواك .
ثانياً / الحواره المجهم الاصيلـه .. السداه الطيبه والعمر الطيّب والراس الزين والرقبه الحلوا .
وياذكر الله عليهااا ( كايفـــــــــــــه ) لو سلمت من ( القبوع )
...
ثالثاً : الفاطر كان ديدها سلم .. وهي سليمه من الامراض .. وحليبها يكفي بنتها
فـ اكرم الفاطر حيثها تستاهل .. واره عليها الطعام بعد ماتعطيها شراب الدود والفيتامينات اللازمه.. وبإذن الله تشوف مايسرك .
وان كان حليبها يقصر عن بنتهاا .. وحالها يرتدي .. وامورها مصلّحه ..
فـ اسحب الحواره من حدرها ودوّر لها ضيار .
واكرم الناقـه .. وعالجها اربك تستفيد من بطنهاا بحوارةً من ذي واطيب بإذن الله
..
وسلامتك

[طلال الروقي]

الحواااااااااارة طيبة بوجه عاااااااااااااام
الله يبارك لك فيها

[مشعل الميزاني]

ماشالله تبارك الرحمن

[بندر الرويلي]

ما شاء الله تبارك الرحمن
الحوراه طيبه يا راعيها

[حمد بن عيران]

الحوارة طيبة الله يبارك فيها ويبعدها من الامراض

[عايض الشدادي]

ماشالله تبارك الرحمن
هلابك ياعايض انا ماني مطول معك بكثر الكلام البكره مزيونه الله يبارك لك بها اما من ناحيت التضير ان كان ديد امها سلم ويغذيها مايحتاج
ون كانه لاوالله
الا توكل على الله وضير



الله يبارك فيك ولاهنت يالغالي

[عايض الشدادي]

أولاً / الله يحييك ونفخر بإنظمام مثلك وشرواك .
ثانياً / الحواره المجهم الاصيلـه .. السداه الطيبه والعمر الطيّب والراس الزين والرقبه الحلوا .
وياذكر الله عليهااا ( كايفـــــــــــــه ) لو سلمت من ( القبوع )
...
ثالثاً : الفاطر كان ديدها سلم .. وهي سليمه من الامراض .. وحليبها يكفي بنتها
فـ اكرم الفاطر حيثها تستاهل .. واره عليها الطعام بعد ماتعطيها شراب الدود والفيتامينات اللازمه.. وبإذن الله تشوف مايسرك .
وان كان حليبها يقصر عن بنتهاا .. وحالها يرتدي .. وامورها مصلّحه ..
فـ اسحب الحواره من حدرها ودوّر لها ضيار .
واكرم الناقـه .. وعالجها اربك تستفيد من بطنهاا بحوارةً من ذي واطيب بإذن الله
..
وسلامتك

شرواك الطيب والفخر لي وأبشرك الحواره في زود وكل مالها تزين وراح انزل لها مقطع فيديو ومالنا غنا عن نظرتك ياذيبان
وشكراً على مرورك يالغالي ؛؛؛

[عايض الشدادي]

الحواااااااااارة طيبة بوجه عاااااااااااااام
الله يبارك لك فيها



وأنت أطيب ولاهنت على مرورك

[عايض الشدادي]

مشعل الميزاني، بندر الراوي، حمد بن عيران
الله يبارك فيكم ولاهنتو على مروركم وابداء ارائكم يالغالين

[عبدالمحسن المقاطي]

ألبكره طيبه بكرة بداوه

الله يبارك لك فيها

ان كان ديد امها زين وحليبها زين ووافر خلها على حليب امها وانتبه لايكثر عليها يضرها

لين يجي عمرها شهر ونص ولا حوله

[عايض الشدادي]

هذا تصوير حديث لها وعمرها شهر واسبوع

ورايكم يالربع

http://www.youtube.com/embed/otm_0I5N240
http://www.youtube.com/embed/RmXUexVo8OA
http://www.youtube.com/embed/gyFRO1zvt5o

[مشعل الشويش]

ماشاء الله تبارك الله
ارسلت رايي عليـك .
والله يبارك لك

[عقاب الجعيداني]

الحواره حلوه لكن لوصغرة القله شوي كان ياسلام

[عايض الشدادي]

شكراً لكل من عطانا رأية ومشورته الطيبه في هالمبروكه
وهذا تصوير حديث لها ولاتشرهون على التصوير وعطونا
رأيكم هل البكرة في زود الله لايهينكم
http://youtu.be/JHpR9X4K_2s?hd=1 (http://youtu.be/JHpR9X4K_2s?hd=1)
http://youtu.be/35OGd3B5cjs?hd=1 (http://youtu.be/35OGd3B5cjs?hd=1)

[حسن بن شافي]

اخوي عايض عسى الله يبارك لك ويكفيها شر العين

الحواره كااااااايفه

[ثامر فايز]

ماشاء الله كان ماشاء الله كان ماشاءءالله كان سبق وني ابديت لك رايى فيها
كفو كفو كفو يالشدادي من حصل شي يستاهله وانت تستاهل الطيب
مير وانا اخوك تماكن البكره حالها لك عليه الضاهر ان حليب امها مايغذيها تكفى لاتهملها البكره (خصم) ماشالله عليها اذن الله يرزقك فيها

[ساجربن عدوان]

السلام عليكم ورحمة الله وبركاته
الله يبارك لك في البكره
لكن البكره انتبه ترا امها تبي تضيعها سنع البكره
حليب امها باين مافيه فايده المفروض يمديها فتقدت الحواره
ولكم التحيه

[مبارك السحيمي]

ما شاء الله الحواره شيخه والله يبارك فيهاا

[عايض الشدادي]

اخوي عايض عسى الله يبارك لك ويكفيها شر العين

الحواره كااااااايفه

يبارك فيك يالغالي ولاهنت

[عايض الشدادي]

ماشاء الله كان ماشاء الله كان ماشاءءالله كان سبق وني ابديت لك رايى فيها
كفو كفو كفو يالشدادي من حصل شي يستاهله وانت تستاهل الطيب
مير وانا اخوك تماكن البكره حالها لك عليه الضاهر ان حليب امها مايغذيها تكفى لاتهملها البكره (خصم) ماشالله عليها اذن الله يرزقك فيها

ماعليك زود يابوفايز وأنت أطيب يالذيب

[عايض الشدادي]

السلام عليكم ورحمة الله وبركاته
الله يبارك لك في البكره
لكن البكره انتبه ترا امها تبي تضيعها سنع البكره
حليب امها باين مافيه فايده المفروض يمديها فتقدت الحواره
ولكم التحيه

ما شاء الله الحواره شيخه والله يبارك فيهاا

الله يبارك فيكم ولاهنتو يالغالين على آرائكم الطيبه

[عايض الشدادي]

الاخ ابوفايز والاخ ساجر ملاحظاتكم في محلها وانا منتبه لها عشان كذا يالربع
سوينا لها برنامج غذائي ونبي رايكم ورأي الاخوة الاعضاء ومشورتكم الحوارة وأمها لاضوت على المراح عزلتهم في شبك لحال واحط لهم ثلاث طوس من مكعب اراسكو وربع لبنة برسيمه والحوارة اغرها كل صباح بموية صحة ام ريال بحليب بكر حاط فيه معلقة كبيرة من بودرة فيتامين بيوفوس لها على هالحال ستة أيام وبصراحة كأني شفت فيه تغير وزود في الحوارة ومالنا غنا عن آرائكم وأنتم هل الخبره وعطونا توجيهاتكم وانا بعد أسبوع أن شاء الله بحط لها تصوير فيديو عشان تشوفون اذا تغيرت والا للحين على حالها والله لايهينكم على كل حال،،،

[عايض الشدادي]

كل عام وأنتم بخير وعيدكم مبارك
نصبح بالخير على جميع الأعضاء ونسأل الله أن منا ومنهم الصيام والقيام وصالح الأعمال ويعيده علينا وعليهم بالصحة والعافية.
اليوم نعرض عليكم صور الحوارة بعد ماعرضتها عليكم قبل أربعة أشهر عطونا رايكم وملاحظاتكم وكم تسوى بالسوق وأنتم أهل النظر والعرف ولاهنتو وبيض الله وجيهكم وعلومكم غانمه .

[عايض الشدادي]

الصورة الاولى

http://www.mzayan.com/vb/attachment.php?attachmentid=10243&d=1345257391

[فهد الصميلي]

ما شاء الله تبارك الرحمن
الله يبارك لك فيها ياعايض
ممكن صور اوضح من كذا..

[عايض الشدادي]

الصورة الثانيه

http://www.mzayan.com/vb/attachment.php?attachmentid=10244&d=1345257860

http://www.mzayan.com/vb/attachment.php?attachmentid=10245&d=1345258111

[حوران العتيبي]

ماشاء الله تبارك الرحمن
الحواره طيبه والله يبارك لك فيها وفي امهاتها

[طلال المرشدي]

البكره طيبه ومبرووكه
وفيه ملاحظه قبعة الراس

[سعود الشلوي]

ماشاء الله تبارك الله

الله يبارك لك فيها ياعايض

البكرة من الصور مزيوونة ولها مستقبل باذن الله

وانصحك لا تستعجل في بيعها

تحياتي

[راشد الكدادي]

أولاً / الله يحييك ونفخر بإنظمام مثلك وشرواك .
ثانياً / الحواره المجهم الاصيلـه .. السداه الطيبه والعمر الطيّب والراس الزين والرقبه الحلوا .
وياذكر الله عليهااا ( كايفـــــــــــــه ) لو سلمت من ( القبوع )
...
ثالثاً : الفاطر كان ديدها سلم .. وهي سليمه من الامراض .. وحليبها يكفي بنتها
فـ اكرم الفاطر حيثها تستاهل .. واره عليها الطعام بعد ماتعطيها شراب الدود والفيتامينات اللازمه.. وبإذن الله تشوف مايسرك .
وان كان حليبها يقصر عن بنتهاا .. وحالها يرتدي .. وامورها مصلّحه ..
فـ اسحب الحواره من حدرها ودوّر لها ضيار .
واكرم الناقـه .. وعالجها اربك تستفيد من بطنهاا بحوارةً من ذي واطيب بإذن الله
..
وسلامتك
يامرحبا ياعايض الشدادي..والله يبارك لك في البكره وأماتها..وبالنسبه لنظري في الحواره..فرآيي من رآي الآخ مشعل ولا أزيد على كلامه..من غير قصور في آراء الآخوان الآخرين..
تحيتي