البكره لاتروح يالربع

[سعيد بن سالم]

السلام عليكم ورحمة الله وبركاته

عندي بكره شانت وأستدقت وأكلها ضعيف ومافيه أي ملاحظات عليها الا أن دمنها تكرمون قاسي

مع أن شكله طبيعي ضربتها أبرة هيام وأبرة الجرب ولاكن لايوجد تحسن لها أكثر من شهر

أخذت عينه من الدم والدمن ووديتها للمستشفى الي في الأحساء وقالو سليمة

[محمد الوهبي التميمي]

ارحب ياسعيد
وش نوع الابره حقت الجرب
وش نوع العلف
ومن متى وهي في هالوضع
هل تجضع على جنوبها؟

[سعيد بن سالم]

استغفر الله

البكره لاجات توزر مايظهر الا بشكل قليل

[سعيد بن سالم]

ارحب ياسعيد
وش نوع الابره حقت الجرب
وش نوع العلف
ومن متى وهي في هالوضع
هل تجضع على جنوبها؟


الابرة حقت الجرب الزرقاء

العلف برسيم ومجروش

البكره لها أكثر من شهرين على ها لوضع

نعم تجضع على جنوبها وأنا شاك أنها الي فيها شوكه بس حبيت أستفسر

[محمد حمد المري]

السلام عليكم ورحمة الله وبركاته ...مرحباا ياسالم البكره ماعليها إلا العافيه بس سو اللي بقوله لك ١- اكوها على الشويكه ٢- عطهاا ابره مدره للبول لانه حسب كلامك البكره فيها حصر او اطبخ لك حلبه واخذ ماها عقب ماتصفيه وتبرده واغرهاا ثلاث ايام ٣- عطها ابرة سوبر اوفومك الامريكيه تحت الجلد وكررها عليها بعد اسبوعين ولالها شر بأذن الله

[محمد الوهبي التميمي]

اكوها ياسعيد كوية الشوكه باسرع وقت
جميع الاعراض هي الشوكه
تقبل مروري