الناقه كلت نص كيس شعير

[ممدوح احمد الشريف]

السلام عليكم ورحمة الله وبركاته

ناقه شريتها قبل كم يوم والبارحه شالت الشبك وطاحت في الشعير

يقول الراعي انها كلت نص كيس

ولقيتها الليله مهي بالطيبه ,, منعناها من الماء وبغيت اعطيها بيبسي قلت استشيركم قبل

وش الراي

[سعود الزيادي]

عطهــــــــــــا نسكــــــــــــــافه 3 ملاعق بقارورة صحه نصف لتر وان شاءالله ماتشوف شر

[محمد الوهبي التميمي]

٢ لتر زيت زيتون (غرشتين)
مجرب ١٠٠٪
والله يحفظ حلالك من كل شر

[بندر الرويلي]

زيت زيتون 2 لتر مخلوط بشوي ماء او علبه سفن آب واعزلها لا تذوق شي وبتسلم ان شاء الله

[ممدوح احمد الشريف]

الله يجزاكم خير ويوفقكم ويبارك لكم ...

[مسعود العماري]

الناقة لقحة ؟

اذا الناقة عاكم ( ما تدمن وانتوا بكرامة )

لا تعطيها اي شيء لا ببسي ولا نسكافة لان هذا بيفجر بطنها

وافضل شيء تعطيها ابرة البيكوهيبار اذا مهيب لقحة
و لاتخلي الناقة تبرك خلها تمشي
واذا كانها بركت ولا عاد قامت اضغط ايضا على كليتها اليسار لانه موضع الكرش
ضغط مستمر بقوة

والله يوفقك لما يحب ويرضى

[عبدالعزيز المحمد]

عطها نس كافيه غرشه صغيره كاملة
وخلها تمشي لها مسافة مشي خفيف بس مستمر
وانشالله تسلم

[ممدوح احمد الشريف]

الله يجزاكم خير جميع .. ان شاء الله ان الناقه سلمت

والله يبارك لنا ولكم ولكل مسلم