للجميع وبالذات اخوي المنصوري الحقونا بالعلاج بالنشاما

[فلاح بن مبارك]

سلام الله عليكم يالربع
ياجماعة الخير انا عندي خلفه لها شهر من ولدت وكانت طيبه
الين قبل عشرة ايام قامت ماتاكل الا شي بسيط للغايه
وانا قلت يمكن كلت بلاستيك او شي غثها
المهم عطيتها بنسلين ثلاث ايام ومانفع وعقب قمت اشوفها ترجع الماي
واشوفها ظامر
طلعت لها الدكتور وسوينا لها تحليل دم وبالنتيجه طلع عندها انزيمات الكبد مرتفعه
واصله 1500 والمفرروض يكون اقل من 135
عطاني مضاد يقول نسبة شفاها اذا الله كتب 10٪
وماكو غيره
اسم العلاج bykahepar والكميه 30 صانتي 3 ايام
والعلاج الثاني dl-vito-methionine والكميه 20 صانتي 5 ايام
وعقب قلت عن الشك قمت وعطيتها ابرة هيام وحبوب الدود
والحين لها اسبوع مافيه تقدم بحالها
للعلم الناقه تقوم وتروح وتجي ولكن مافيها حليب واعطي ولدها من حليب الخلفات الثانيه
والناقه على يد الراعي يوكلها غصب عقب ما يجرش الشعير

وابي حل الله يديمكم ذخر

[مشعل الشويش]

25 سم تروماسين فالعضل
20 سم الاعصاب نسيت اسمه ( ابره والمحلول اللي فيها ابيض ) فالوريد
( طحين يُعطى عن طريق الفم ( غر ) فاتح للشهيـه بعد إضافة الماء له
ابرة الهيام يمكن ماصابت زين .. عطها هنديه بين الجلد واللحم .
..
صاب عندي ناقتين
وحده ماتت ووحده سلمت ..
..
والله يكتب الخير

[بندر الرويلي]

هلا يا فلاح افتح فم الناقه وفتشها من الهدب

[نايف الشاهين]

اولا شف الهدب مثل ماقال الاخ بندر
ثانيا عطها زيت سمسم قاروره عن طريق الفم لمدة خمسة ايام كل يوم قارورة كاملة
وماتشوف شر ان شاء الله

[فوازمحارب]

يمكن ابو سوار. وعلاجه. كي مثلث تحت الحنك ال حنجرة
وخطيره من الهدب

[عبدالعزيز المحمد]

اول شي يبيلك تعالج الكبد قبل هذا وهذاك اما بعلاج بيطري
ولا شعبي الي هو جزر مفروم مع بيالتين سكر وملعقتين كركم في غرشة ماء 3 ايام متواصلة
قيس الحرارة وشوف الفحص هل المناعة زايدة ولا ناقصة
بعدين يفضل يجيها الدكتور يعلق لها مغذي فيه الادوية لان الناقة تعبت لها اسبوع حتى ترتفع المناعة وتقوى على المغذي وفتامين سي
حاول ماتخلط وتكثر الادوية لانه يضر
واذا عطيتها كورس مضاد حيوي كامل لاتعيد نفس النوع حاول تبدل نوع ثاني لان الجسم يكتسب مناعة منه
وهذا والله اعلم

[فهد بن عطاالله المطيري]

يمكن باقي من رحمها شي بعد الولاده ولا ظهر

يسبب عفن في جسم المطيه

ويمكن هدب مثل ما تفضلوا الاخوان

[محمد سالم اليامي]

الميثينين 40 سم ثلاث ايام في اللحم وان شاء الله تشوف الي يسرك

[هادي العاوي]

اخوي تأكد من الحمام (انتفاخ جما الناقه)

[مبارك المري]

صار عندي نفس الحالة في خلفة العام وطلع في الفحص ارتفاع في انزيمات الكبد مثل ناقتك

وكانت الناقة اكلها قليل وضامر ولافيها حليب مرة

ووصف الطبيب كورس علاج للكبد فقط للاسف اني ماتذكره منها شرراب لمدة 20 يوم وبدت تحسن الين طابت

ملاحظة : كثرة الادوية لمثل حالة ناقتك تضر اكثر ماتنفع وخصوصا دواء الدود لانه يزيد الطين بله بالنسبة للكبد

الطبيب معه حق يوم عطاك دواء للكبد فقط

[مايد آل بومنذر]

السلام عليكم ورحمة الله وبركاته

عندي ناقة نفس حالتها ونرجوا الاخوان المشرفين والأعضاء التفاعل في هذا

المرض وعلاجه

[خالد الحجري]

مرحبا الشيخ

اولا انزيم الكبد مرتفع ويجب انزاله بشكل عاجل
يجب عليك ان تعطي المثيونين 30 سيسي وريد لمدة ثلاث ايام لانه بينشط الكبد وبينزل الانزيمات
ونفس الشي تعطي البيكهبار 30 سيسس وريد لمدة ثلاث ايام لانه بيفتح الشهيه عند الناقة لكن يجب المباعدة في حقن الادوية مثلا المثيونين صباحا والبيكهبار مساء
- نفس الوقت ابغيك تعطي الناقة صباحا بياله عسل مع ماي تخلطهم اول الصباح وتعطيهم الناقة بشكل لمدة اسبوع بينزل الانزيمات
-ملاحظة : يجب قطع الدهون نهائيا ويجب قطع المكعبات لفترة وجيزه
هذا والله ولي التوفيق

[مايد آل بومنذر]

الله لايهينك وجعل والديك في الجنة وننتظر رأي باقي الأخوان..

[محمد بن شريه المطيري]

بسم الله الرحمن الرحيم

بالبدايه امسي عليكم بالخير

وانا انصح بخل التفاح مقدار قارورتين تسقي بيوم واحد

مجربه للكبد ولكروات الدم الي يجي عن طريق إهمال الهيام

جربتها وانجحت اما ادويه ما تفيد بإلحاله هذي الي المغذي وبعدها يومين ويرجع

[خالد علي]

السلام عليكم انا عندى اعشرا نفس الحاله و نبى نستفيد من تجارب الاخوان و جزاكم الله خير

[ماجد ال سالم]

السلام عليكم ورحمة الله وبركاته
اخوي فلاح عندي ناقه قبل خمسه اشهر يوم انتجة نفس الحاله
ضعف في جرمها ولا تاكل ولا فيها قطرة حليب وتوقعت الناقة رايحه وحوارها نرضعه بالرضاعه من الخلفات
تبي الصراحه ما خليت شي بنسلين خافض حراره ابو جمل فيتامين السائل احمر الي داخل العبوه
شهرين ونا اعالج واخر شي طله حبوب بين فخوذ الناقة وتوقعت البديه وعالجتها
وستمريت على الشعير المطحون مع تمر اسبوعين وتاكل الحمد لله
واليوم ابشرك بخير ومن اسمن الابل ورد حليبها
مع العلم ان وقت مرضها مرضت ابل بحواش نفس مرضها ولكن الله يعوض على اهلهل بخير منها
والمهم انتبه من الحراره

[حمد بن عيران القريني]

الاخ ابو مبارك
بعد التحية
اتوقع ان المشكله في فم الناقة فتش الفم وان ماحصلت فحنجرة الناقة فيها تقرحات فانصحك ان تشبك الناقة وتعطيها مضاد حيوي او مرة في الماء ولا تغصبها ع الاكل لان الناقة اللي ترجع الاكل او الماء مشكلتها في البلعوم

[حمد بن فالح]

علاجها
١/ ابره اسمها Pridinial عطها ثلاث ايام 25 سم
ولأفضل في الرقبه

٢/ بودره للحموضه تعطيها الكيس كامل وتخلطه مع ماء في دبة ماء او ببسي
مدة ثلاث ايام

[عبدالعزيز الماجد الخالدي]

عطها أبرة هيام فرنسية بدون تأخير