الراي يالربع الناقه بتلد وديدها معطوب

[تميم التميمي]

الناقه العام فيها حضاة وعالجتها شهر ما خليت شي وخاط الجرح وقالو لي اربط ديدها بمغاط لين يطيح من نفسه وذليت على الناقه والحين بتلد شقها اللي فيه الحضاه ميت لكن شقها الاخر مدحل شطره ما تلزمه ولا يقدر الحوار يرضع انا اسحبه عنها ما تشوفه وادور خفوت والا وش الدبره عندي ناقه مات حوارها قبل شهر ولدته ميت وديدها قد غرز فيه شويت حليب بس مالح واخاف يذ\بح الحوار ان ضيرتها الراي الراي ياهل البل 0

[محمد الوهبي التميمي]

مرحبا ياتميم
الافضل البحث عن خفوت وتكون بلون الحوار وجديده
وخفوتك ابطت ولا ارضعت
وننتظر باقي الاخوان في ارئهم

[تميم التميمي]

مرحبا ياتميم
الافضل البحث عن خفوت وتكون بلون الحوار وجديده
وخفوتك ابطت ولا ارضعت
وننتظر باقي الاخوان في ارئهم
تبقا يامحمد الخفوت لازم يكون فيها لبا يعني مصغر انا ما لقيت خفوت مصغر فيه فاطر تحتها قعود عمره ثلاث شهور ابشريها وابجلد ولدها واضير عليها حواري بيضره الحليب ان كان مابه لبا

[محمد الوهبي التميمي]

بتلقى ياتميم خلفات ولاد ابو اسبوع فالسوق واقل
طلما توها مابعد انتجت لقحتك فالفرصه فالبحث اطول
وانا بالسوق امس خلفات واجد وحيرانها ابو اسبوع واسبوعين الخ
واللي بتروي حوارك سعرها طيب ولاهيب غاليه
تقبل مروري اخوي تميم

[حسين الجابري]

علموك الرياجيل مايبيلها مطوع توماتيكياً ضيرها ع ناقة ثانية

[فهد العضياني]

كان عندي ناقه نفس حالة ناقتك

ماعملت لها شي لين ولدت

استخدمت كريم الوريم لمده اسبوع بشكل مستمر + ابره الوريم + غسل الديس بماء بشكل مستمر + تنظيفه من الحليب بشكل مستمر

والشغله يبغالها راعي نشيط وصادق معك مايهز لك راسه يقول ايه وهو ماسوى شي

طبعا التنظيف والغسيل على الاقلل مرتين في اليوم

اتبع كلامي وراح تشوف منها مايسرك ان شاء الله

[بندر الرويلي]

السوق بهالوقت مليان خلفات فيه اللي لها اسبوع وفيه اللي اقل دورك خلفه لاولدت ناقتك تروى حوارك وريح بالك