المساعد الشخصي الرقمي

مشاهدة النسخة كاملة : الحوار طايح مايقوم

نايف الشاهين
22 / 04 / 2012, 11 : 08 PM
عندي حوار عمره خمسة ايام اليوم بعد العصر كان يمشي مافيه شيئ وفجئه ماعاد قام رقبة مرخيها على الارض ومغمض عيونه وينزل منها دمع اذا وقفناه رضعناه برضاعه رضاعته ضعيفه وشوف في جماه مثل تقرحات فيه دم عطيته اقمنتين312 وفيتامين الرخاوه اي سلنيوم لاحظت نفس الحوار غيرطبيعي تقول مثل الكتمة معها صوت اثنا النفس بعد المغرب رضعناه بالرضاعه اذا رفعنا رقبة تبقى مرفوعه يسند حاله
نأمل الي عنده خبرة لايبخل علينا
وسلامة الجميع
محمد الوهبي التميمي
22 / 04 / 2012, 27 : 08 PM
استمر على القمنتين ٥ ملي لمدة خمس ايام
وانصح بعدم استخدام اي علاج مع الاقمنتين
والله يفك عوقه
مبارك المري
22 / 04 / 2012, 56 : 08 PM
الحقيقة ان تجربتي مع Augmantin 312 عجيبة ولاهو مبالغة اذا قلت لكم ان له مفعول عجيب لاكثر امراض الحيران

والبركة في اخونا محمد التميمي

لكني اعطي الحوار 10 ملم ،انصحك بالاستمرار معه واعطه فيتامين B1
نايف الشاهين
22 / 04 / 2012, 50 : 09 PM
الاخوان محمد ومبارك الله يجزاكم خير
لكن وش علة الحوار
مثيب محمد
22 / 04 / 2012, 27 : 10 PM
حوارك يمكنه عااكم الحق عليه قبل لايودع

عطه في مدمنه بروازين ماء وصابون تايد او اي محلول
فهد بن عطاالله المطيري
22 / 04 / 2012, 28 : 10 PM
اخوي نايف
مساك الله والجميع بخير

الحوار فيه (دوام) مرض يصيب الحوار في ايام الذبابيات ( هالايام هذي) وسببه حرارة الحليب مع حرارة الجو شوي يسبب دوخ في راس الحوار وثقل

ولا له علاج بعد الله الا (الكي )

والكي طريقته كالتالي

عرقاه على راسه في وسط الدماغ
مطرق على الصنقر يطول بين الاذنين
مطيرق على المخذع تحت الاذن من يمين ويسار

حلقه على سر الحوار
مطيرق على راس الذيل من جهة الفقار
وبرك الحوار على طول بركته العاديه

واذا شفته تناشط يبي يرضع لا تخليه يرضع الا جرعه وحده بداية الامر

ولا عليه باس ان شاء الله
حمد بن عيران
23 / 04 / 2012, 15 : 07 AM
صباح الخير
هذا بداية الدوام
افضل شي الكي مطرق مفصل الرقبه من الراس صغير من الاتجاهين ومطرق صغير قدام السر وراه ومطرق ع جذع الذنب وماء تشربة في رضاعه ولا يشرب حليب الاقليل واذا كويتة في اول المرض يشفى بمشيئه الله
محمد سالم اليامي
23 / 04 / 2012, 09 : 08 AM
حوارك عاكم والله العالم عنده حراره عاليه حسب ما ذكرت هذي مواريها
اول شي شيك على الحراره اذا هي من 38 وحول على طول عطه 4 سم فينادين في اللحم والا عن طريق الفم
ثاني شي ان كان انه عاكم عطه عصار حق الاطفال الي في الصيدليه حق الامساك
ثالث شي شربه مويه كل ساعتين 50 ملي
رابع شي عندك المضاد الحيوي لازم كل يوم 4 سم عن طريق الفم
خامس شي سبح الحوار وحطه في ظلال وقت الظهر
نايف المشعلى
23 / 04 / 2012, 50 : 01 PM
اخوي نايف
مساك الله والجميع بخير

الحوار فيه (دوام) مرض يصيب الحوار في ايام الذبابيات ( هالايام هذي) وسببه حرارة الحليب مع حرارة الجو شوي يسبب دوخ في راس الحوار وثقل

ولا له علاج بعد الله الا (الكي )

والكي طريقته كالتالي

عرقاه على راسه في وسط الدماغ
مطرق على الصنقر يطول بين الاذنين
مطيرق على المخذع تحت الاذن من يمين ويسار

حلقه على سر الحوار
مطيرق على راس الذيل من جهة الفقار
وبرك الحوار على طول بركته العاديه

واذا شفته تناشط يبي يرضع لا تخليه يرضع الا جرعه وحده بداية الامر

ولا عليه باس ان شاء الله

هذا العلم
نايف الشاهين
23 / 04 / 2012, 19 : 09 PM
اشكر جميع الاخوان على المشاركة
الحوار مات الله يعوض علينا
والحور طول النهار مافيه شيئ الساعة 4 العصر امس طاح والساعة8مساء البارح مات
والحوار مافيه عكام
بندر الرويلي
24 / 04 / 2012, 29 : 03 AM
الأخ نايف الله يعوضك أن شاء الله بأخير منه وأتوقع ان سبب ذلك حوارك فيه دوام من كثرشرب الحليب بالحر
فهد بن عطاالله المطيري
24 / 04 / 2012, 22 : 11 AM
الله يعوض عليك ويخلف لك اطيب منه

وعساه فادي اهله