ماهو علاج الخشام

[سعد الجهني]

السلام عليكم ورحمة الله وبركاته

مرض الخشام مرض بسيط ولكن صاب بكره لقيه عندي
وله ثلاث ايام طارحها ومنزله ارقبتها بالارض وفيها كحه
ونفسها للاكل قليل

ماهو علاجها ياربع

[عادل الروقي]

http://www.mzayan.com/vb/showthread.php?t=35661 (http://www.mzayan.com/vb/showthread.php?t=35661)

لكن الأعراض إللي ذكرتها أقرب مالها لـ النحاز !

[ثامر فايز]

http://www.mzayan.com/vb/mwaextraedit4/extra/09.gif


http://www.mzayan.com/vb/mwaextraedit4/extra/46.gif


مرحبا ياجهني امرها بسيط انشاءلله ان كان اللي في ناقتك اخشام فهو هين اطرح الناقه وفقرها وزهم من ربعك رجال طحاطيح وخلهم يثبتون الناقه وادخل اصبعك في خشمها وكسرهالخشام تراك تبي تلقاه مسكر مجري النسم وترى بيطلع من خشمها دم وهذاماريه على ان
الخسام انكسر والشر غداء انشاء الله وغسله بماء بارد

ملاحضه - الطريقه هذي من واقع تجربه وانا يامحدثك مجربها
اما ان كانه انحاز مر البيطري واخذ منه
ابرة انحاز وطعنها بها وانشاء الله بتطيب

[محمد الوهبي التميمي]

إبرة النحاز عند اقرب صيدليه بيطريه
ويومين وهي طيبه
تقبل مروري

[بندر الرويلي]

مثل ما قالوا لك الاخوان ابره نحاز واغسل خشمها بماء وملح وما عليها خلاف

[عبدالعزيز الماجد الخالدي]

علاجها البنسلين وخافض حرارة بسرعة علاج مجرب

[ناصر عيسى المنصوري]

هذي اعراض النحاز مثل ماقالوا الاخوان
اعطها ابرة دود+ حبوب دود وعقب خذ دواء النحاز من البيطري

[فهد بن عطاالله المطيري]

مرحبا اخوي سعد

عطها ابرة نحاز ... واخلط مويه مع ملح وخل الملح زايد شي بسيط مع ما دافي واخذ خمس سانتي يمين وخمس سانتي يسار مع خشم البكره واغسل اللي على خشمها وان شاء الله ما يتبعها

[النشمي المرى]

مرحبا يالجهني ومرحبا ياشباب معلومه بسيطه بنسبه للخشام غير والنخاز غير
الخشام مواريه طال عمرك اتشوف الناقه اتبخ يعني تنسم مع ثمهاا وفاتحته وعلاجه مثل ما نورنا اخونا ثامر الله يجزاه خير
اما النحاز قالولك الربع الله يعافيهم الناقه اتكح واذا بركت اتمد ارقبتها وتكح وعلاجها ابرة انحاز