ياخوان شماء ياالمطاليق

[ثامر فايز]

http://www.mzayan.com/vb/mwaextraedit4/extra/09.gif



الاخوه الاعضاء الموقرين

السلام عليكم ورحمة الله وبركاته

سبق وان طرحت موضوع عن الفحل دوينان ال طفله
وتمنيت ان احد يرد علي او يعطيني عنه اي معلومه
لاكن للااسف ماش علم مامنكم اللي رد علي
وهلحين ارجع وعيد الموضوع عساني القاء الاجودي اللي بيرد عليه
1-صوره للفحل
2-البعير كم سومه
3- هل انتاجه طيب وهل بيع عليه باقيام غاليه
انا اللي قدرت اعرفه عنه ان البعير قبل 3 او 4 سنين كان عليه
700الف وان البعير طيب وانا ماشفته

[ابراهيم بن منيه]

وعليكم السلام ورحمة الله وبركاته
ياطويل العمر والله انه ودي ان عندي علومه واعلمك بها
لكن ابشر هل المنتدى ماهم بمقصرين وبيجيبون لك علومه ان شاء الله
وسلامتك

[ثامر فايز]

الله لايهينك يابن منيه
عسى القا من يرد علي

[أحمد التميمي]

http://www.mzayan.com/vb/mwaextraedit4/extra/03.gif



مرحبا ثامر

فيه واحد من الاخوان الاعضاء اسمه ((خالد الحجي))


عنده قعود على دوينان ال طفله وانشاء الله عنده العلوم الكافيه

[ثامر فايز]

الله لايهينك ياالتميمي على كل حال
وابشرك اني لقيت ابن حجي ومسوي له استدعاء
ونحتري منه العلوم اللي تسر انشاء الله

[خالد الحجي]

أبشر بعزك هذي صورة دوينان ال طفله

وهو على دوينان ال جلمود الغني عن التعريف

أما عن إنتاج البعير عليه بكار طيبه وإنتاجه مايزين ألا من بعد حق وحولها وأنا والله ماشفت إناتجه على الطبيعه كان عندي صور لبكار عليه وانحذفت طيبه جدا

أما عن بيع إنتاجه عليه بكار راحن باقيام عاليه خلني بس أتأكد من شيء موثوق وأرد عليك هاليومين

والبعير اللي أعرفه إن البعير عليه سوم على مااعتقد 400 الف إن ماأخطيت وهالمعلومه أخذتها من طالب بن راشد المري يعرف صاحب البعير
وهذا رقم طالب يفيدك بكل شي تبيه لأان اتصلت عليه مايرد
0503926024

http://www.alhadafa.com/uploadedfiles/images/16088.jpg

[ثامر فايز]

خيال الابل ثامر ماشاءلله عليه اشهد ان به ابعير
والله لايهينك يابن حجي وجعل يمناك مايجيها الشلل
وعزالله انه يصب على يمناك السمن
اللي خلاني احرص عليه شاريت لي حوار عليه والحوار زين وكل ماله بزود مير تنقد على رقبته قصيره وعريضه وماله شقه اثره على ابوه ولاباقي تقطيعه زانه بس يوم انه جاء جذع
تغير صار ماهو قد الهقوه مع العلم ان امه طيبه
وعليها اسوام عاليه ومن ابل ال فهيده
وردينه ماخليناه يضرب لين اشوف ابوه وثره مصيبه يجيب الزين ويرده
والضاهر انا بنهده عشان ساسه
وسلامتك يابن حجي وجعل ولدينك الجنه

[محمدالعلوي]

دوينان بن طفله عليه أنتاج طيب وعنده عليه قعود يضرب السنه هذي وعندي عليه قعود لقي متوسط والفرق بالانتاج أما البعير باعوه على واحد من اهل الكويت أظنه من العذبه وقيمته اللي باعوه بها خمسون ألف ريال.والله أعلم.

[مشعل الشويش]

البعير طيب وساسه اطيب
وكان عليه اسوام قويه قبل ماينتج
ولكن كان حصلت اطيب من قعودك لاتذخر وانا اخوك .. !