الوجية السفيرة نبي رايكم لا هنتو

[محمد مطير العنزي]

معروضة لي لقحة عمانية طيبة وناقة اصيل لكن مخوفني او اللي مرددني من شريها شي واحد فقط ان الناقة انا اشوفها كبيرة سن لان اللي في بطنهاا راح يكون السادس يعني والدة من قبل خمس مرات
هل تعتبر الناقة فاطر علما ان الناقة صحتها جيدة وجرمهااا زين وطبعهااا فوق الزين :) :)
افيدوني جزاكم الله خير

[حمد الغواص]

الاخ العزيز محمد اذا الناقه منتج وسالمه العذاريب قتوكل على الله واشتر

طبعا سن الناقه يلعب دور في السعر .

[محمد مطير العنزي]

الاخ حمد شكرا علي مرورك الطيب
ولكن هل تعتبر الناقة فاطر وذا الله عطاها عمر بحدود كم ولدة راح تلد ورأيك انت هل تشوف الناقة ام خامس كبيرة او ناقة وسط :)

[محمد علي الهدفه]

الاخ العزيز محمد الناقة فاطر

و الناقه سليمه العذاريب فاشتر

ولا تنسى سن الناقه له دور في السعر

[فهد لسود العجمي]

لا ليست فاطر لاكن تسما ناقه واما الفاطر التي لها من سبع الا ثمان ولدات او ادون لاكن فيه ابل من ثالثها وهي تشوفها فاطر الاكن اذاكانت تشوفها شباب بنضرك فاشتره والله ولي التوفيق

[عبدالرحمن هلال سعيد]

يقولون عن الناقة الاصيل في الامارات
( أم سابع بر ابها صديقك )
أن كانها أصيل ومعروفة ولها سابق أنتاج فخذها وتوكل على الله وكانها غير ذلك فعين الحر ميزانة
أخوك

[محمد بن شريه المطيري]

بسم الله الرحمن الرحيم

اسمحولي بالمداخله
بالنسبه لسن ام خامس كبيره ماهي متوسط عمرها
وان الله رزقك منها بطن او بطنين انت الرابح
لانه بالعاده الفاطر يكون سعرها رخيص حتي لو كانت طيبه
وطالما انت رجال جناي وتبي تنتج وتبي الي في بطنها اشترها والله يوفقك فيها .
وكم ولده فلأمر بيد الله ..

ويسمحولي الاخوان علي المداخله .......

[محمد مطير العنزي]

مشكورين علي الردود الطيبة وجزاكم الله الف خير