مرض غريب [الأرشيف] - منتـديـات مــزايـن

محمد الوهبي التميمي

11 / 04 / 2012, 47 : 12 AM

السلام عليكم ورحة الله وبركاته
وابارك للجميع بامطار الخير والبركه
اليوم اعرض لكم حالة ناقه عندي

السن ثنيه لقحه
جتها حاله غريبه من ثلاث اشهر تقريبا ولا فيه طبيب شعبي ولابيطري الا شاورته عليها
وكلن يضرب شعيب في تشخيصه
مرات تشوف خاطرها طيب
ومرات يجيها مثل الجنون
وهالحاله الغريبه تمسكها من الساعه الخامسه عصرا الى بعد العشاء من كل يوم
حالها ينقص كل يوم اكثر من اللي قبله
فذكر لي طبيب شعبي مشهور على مستوى المملكه والخليج كذالك وتم طلبه
وعند حظوره ومراقبتها قال هذا الطير مع عدم اقتناعي ان اللي فيها مهوب طير ومع ذالك عطيته الضوء الاخضر في الكوي
لايوجد تحسن في الناقه
وهذا مقطع فديو للناقه

http://www.youtube.com/watch?v=QxMSb1cCGDk

حمد بن عيران

11 / 04 / 2012, 39 : 08 AM

بعدالتحية
ناقتك اتوقع مافيها شي ,
عندي ابل لقحات فيها مثل ناقتك ضعفن وشانن وقبل ايام زانت حالتها بدون علاج

صالح بن حسن البقمي

11 / 04 / 2012, 40 : 12 PM

السلام عليكم اخوي محمد اخاف فيها عين؟ من احد الله يصبرك ويجيرك

وافي مليح بن موطان

11 / 04 / 2012, 48 : 12 PM

طير طير طير

وكون العلاج والكوي مانفع هذي ارادة اللله والطير يابو صالح من الامراض المستعصية ووالله يشفيها

محمد ابو عدوة

11 / 04 / 2012, 25 : 02 PM

مرحبا اخوي محمد واسم الله عليها والبلاء في الراس وهذا الطير حتى لو تسلم يبقى فيها اثاره بس اخف من السابق والكي يبي له واحد يطيح على محله .والكي يكون مع بداية الحاله لجاتها

عبدالعزيز الفضلي

11 / 04 / 2012, 55 : 02 PM

اخوي محمد

صارت عندي وجلست حوالي سبوعين

حتى في آخر مرضها عميت

وبعده ابشرك طابت بدون طب من رب العالمين

بندر الرويلي

11 / 04 / 2012, 02 : 04 PM

هلا يا بو صالح
أسال الله ان يشفيها ولا يخسر عليك
ارى انك بذلت كل الأسباب
وما اعتقد انه طير على ان فيها بعض اعراض الطير ولكن انت تقول يجيها في وقت محدد فقط وارجح ان الناقه فيها نفس (عين) اقرا عليها ورشها بماء وزيت مقري خصوصاً منطقه الرقبه والوروك عسى الله ينفع به هذا والله اعلم
حسبي الله ونعم الوكيل

خالد الفالح

11 / 04 / 2012, 38 : 09 PM

لا بالله يبو صالح ما بذا طير ولا بذي اعراضه

الطير جاء عندي في اربع نياق وعالجتها بعضها بالكوي وبعضها بابره تي 500 وكلها سلمت

اعراض الطير تزم الراس وممشاها تخروع وتطيح ولا عندها توازن ولا جاها ما فكها الى ميته او معالجه ام يفكه في وقت ويستلمه في وقت اخر

فهذا والله العالم انه نفس

او مرض الدبدبه واعراضه شبيهه بالطير وهذا المرض موتها كويها لا كويتها الله يعوض عليك

هذا رائي والله يعوض على الجميع

ثامر فايز

11 / 04 / 2012, 29 : 10 PM

http://www.mzayan.com/vb/mwaextraedit4/extra/26.gif

والله وانا اخيك اقرب مالها طير
ويمكن اللي كوى ماصاد محل الكويه زين اوانه ماجودها

مشبب بن حماد القحطاني

11 / 04 / 2012, 12 : 11 PM

طير طير طير

وكون العلاج والكوي مانفع هذي ارادة اللله والطير يابو صالح من الامراض المستعصية ووالله يشفيها
نفس الكلام يابو صالح الله يشفي ناقتك

علي بن سالم المحميد

11 / 04 / 2012, 28 : 11 PM

الله يحييك يالتميمي
وبسم الله عليها والله يشفيها يارب
يالتميمي يعلم الله ان تأثرت من حالتها

محمد عليك بالماء المقري فيه والزيت
وان قدرت شغل عندها صورة البقرة وبأذن الله تشوف اللي يسرك
تحياتي لك .....

ناصر بن جاسر

12 / 04 / 2012, 37 : 12 AM

مرحبا يابو صالح

وجعت من شوف الناقه جعل الله يفكها من الشر اللي فيها

دق على هالرقم ابو نواف 0547555573

واطلب منه رقم ابو فيصل والله مانيب اعرفه الله يجزاه خير والا كان عطيتك اياه ورفيقي قده نايم وياخوفي انسى ناقتك لا اصبحت

المراد جت في ناقتي مرضن عجزو الدكاتره يعرفون علتها وبغوا يذبحونها وقالوا مالها الا السوق

وزهمته بشيمه والا قيمه والله انه جايني والناس تعايد في بيوتها شاش راسه الغفراني ابو فيصل بيض الله وجهه

اتصل عليه وعلمه بعلوم ناقتك وان شاء الله بيعطيك من خبرته وباللي يساعد الناقه

محمد بن صنهات

12 / 04 / 2012, 41 : 12 AM

طلال الروقي

12 / 04 / 2012, 07 : 01 PM

عني يابو صااااااااااااالح ان اللي فيها عين ،،
أكيد مارك أحد شياطين الأنس ومعطيها اللي الله قسمه
والحمد لله على كل حال ،،

محمد حمد المري

12 / 04 / 2012, 13 : 07 PM

السلام عليكم ورحمة الله وبركاته يالتميمي عطها أبرة بي ون والله يفك عوقهاا... سؤال الناقه الصباح طبيعيه تسرح ولافيها شي؟

ناصرمنصورالروقي

12 / 04 / 2012, 11 : 11 PM

حسبي الله ونعم الوكيل
حسبي الله ونعم الوكيل
حسبي الله ونعم الوكيل
الله يفك عوقها

فوازمحارب

13 / 04 / 2012, 20 : 12 AM

هذا عينه.( حارق. خارق )الله. يخرقها
الله يفك عوقها
عليك بالقرايه بالماء . والله. وثم. والله. انه. ماسك. قعود ثني عندي. كل الموسم. واحاول فيه. يضرب. وكنه. ناقه وارشه بالمربعانيه. واضرب الفحول قدامه ولاشي فايده. واخر الموسم. جاني وحد من الخويا. ومعه ماء مقري فيه. وارشه من فوق وتحت وشرب منه. والله انه. طلقت عقال وابتلش فيه. قام. يظرب المواصير لله يستر عليه واكل يده دمه. يصب. لين. حطيت الفدامه وهي تلبيسه للفم بس وانا اخوك. الماء المقري وابره بالانجليزي بي ون فقط مركز بدون بي ون سقس وهي مهديه للاعصاب سته سنتي وريد كل يوم لمده اسبوع

راشد الكدادي

13 / 04 / 2012, 10 : 10 AM

الله يشفي ناقتك يامحمد ..والظاهر والله أعلم إن ناقتك بالعة لها شي حاد ومتمركز في زورها..وكل ماشكها قامت تدور بدون إحساس,وهذي مالها إلا جهاز يشبه جهاز السونار..ويظهر مايخفيه الجسم وتلاقيه عند بعض البيطريين..ولو تلاحظ إنها تفرك رقبتها على القاع وترفع رجلها لاقامت نحو رقبتها بسبب الآلم اللي أعتقد إنه حول الزور..!!
وأيضاً ذكرك بأن الناقه كل يوم يشين حالها وهو طبعا بسبب صعوبة البلع والإحساس بالآلم..!!
الله يشافيها ويعافيها ويبارك فيها لراعيها..وإن شاء الله ماعليها بآس...

شجاع عمر الأكلبي

13 / 04 / 2012, 52 : 10 AM

السلام عليكم

الأخ محمّد

ناقتك معها طير والطير نوع من أنواع المس ومن أسبابه الحسد والعين

وأبشر بالعلاج

تعرف الشب الأسود والريحان الأسود تباع عند العطّارين أخذ لك كيلو من الشب والريحان ربع كجم ودقها وأخلطها ببعض وكل يوم قبل طلوع الشمس وعند الغروب ضع من الخليط نص بيالة شاهي في نص قارورة صحة أم ريالين ماء وحرّكه ونشقها إياه نشوق مع مناخرها الثنين لمدّة أسبوع وعطني خبر بالنتيجة اللي إن شاء الله وقوته أنها بتكون سارّة لك

تقديري للجميع

سيف القحطاني

13 / 04 / 2012, 52 : 11 AM

الله يشفي ناقتك يامحمد وجعله اخر علمك بالشر

الناقه على وصفك و الفيديو بها شي غريب و لاهوب طبيعي

الناقه بها عين هذا الاحتمال الاكبر و المتوقع

انت تقول من الساعه خمسه حتى وقت غروب الشمس

وباقي الوقت حالها طيب تسرح وتهدف طبيعي

اكيد انه عين حسبي الله ونعم الوكيل

سيف القحطاني

13 / 04 / 2012, 53 : 11 AM

عطنا اعلومك يالتميمي

شجاع عمر الأكلبي

13 / 04 / 2012, 31 : 02 PM

الأخ أبو صالح محمد الوهبي

أتصل بي وأفاد بأن الناقة ماتت صباح هذا اليوم

أسأل الله أن يعوضه في ناقته خير منها ويجعل ما أصابها خاتمة الشر وأن يبارك له في حلاله وعياله

معوض خير

خالد الحجي

13 / 04 / 2012, 04 : 03 PM

الله يخلف عليك يالتميمي الله يعوضك بأطيب منها

سيف القحطاني

13 / 04 / 2012, 06 : 03 PM

الله يعوض عليه باطيب منها

حسبي الله ونعم الوكيل

سيف القحطاني

13 / 04 / 2012, 07 : 03 PM

الناقه ماتت يا خالد

الله على خوينا بطيب منها

محمد الوهبي التميمي

13 / 04 / 2012, 51 : 05 PM

مرحب بجميع الاخوان دون قصور باحد
الناقه ماتت والله يعوض باخير منها
واشكر جميع الاخوان ومداخلتهم

عادل الروقي

13 / 04 / 2012, 50 : 06 PM

معوض خير يابوصالح

الله يكفينا وياك وكل مسلم من شر كل عين ونفس ماتذكر الله

راشد الكدادي

13 / 04 / 2012, 54 : 06 PM

الله يخلف عليك يامحمد التميمي والله يعوضك بأطيب منها والله يكفينا وياك وكل مسلم من شر كل عين ونفس ماتذكر الله

علي الدعجاني

13 / 04 / 2012, 54 : 07 PM

البل فاديه اهلها

الله يعوضك بأخير منها

بندر الرويلي

13 / 04 / 2012, 49 : 11 PM

الله يعوضك خيراً منها والبل تفدي اهلها سوامها لا عاد يطب مراحك الا يذكر اسم الله وتاخذ من غسوله
حسبي الله ونعم الوكيل

عبدالرحمن الوهبي التميمي

14 / 04 / 2012, 25 : 12 AM

الله يعوضك بأخير منها

ولا يريك مكروه في نفسك ومالك

فيصل بن هادي

14 / 04 / 2012, 50 : 12 AM

الله يخلف عليك يامحمد التميمي
والله يعوضك بأطيب منها

أحمد التميمي

14 / 04 / 2012, 26 : 01 AM

http://www.mzayan.com/vb/mwaextraedit4/extra/03.gif

الله يخلف عليك ولايريك مكرووه

وفاديه اهلها الله يكفيك من به شرر يامحمد

يحي الحامد

14 / 04 / 2012, 07 : 03 AM

فادية راسك والله يعوض عليك بأحسن منها

أحمد بن عوض المطيري

14 / 04 / 2012, 30 : 07 AM

الله يكفينا وياك وكل مسلم من شر كل عين ونفس ماتذكر الله

الابل فاديه اهلها

الله يخلف عليك يامحمد

وجعلها فدوه لراسك

محمد سالم اليامي

14 / 04 / 2012, 01 : 09 AM

الله يعوضك ان شاء الله بالي اطيب منها وفاديت راسك وعيالك

ممكن يا محمد تشق بطنها وتشوف والا تجيب بيطري يشرحها ان كان انه مرض معدي تلحق على خواتها

عابد الحربي

14 / 04 / 2012, 51 : 10 AM

حيا الله اخوي محمد

الحالة غريبة بالفعل حسب عرفي ان الطير ان لزمها ما عاد يفكها لين يجيب عمرها والبهيمة ما تطول به

بوصيك يوم انك تجي للحلال تشغل شريط تلاوة لاحد المشايخ خاصة فالوقت اللي بين العصر والغرب تكثر فيها الجن يا الله ياكافي

والحلال وانا اخوك فادي عن اهله

نصيحه اخيره(ياليت تفر اذانيها يمكن فيها وتمسحها بجره يمكن واقول يمكن فيها قراد)

تحياتي

ناصرمنصورالروقي

14 / 04 / 2012, 54 : 01 PM

الله يخلف عليك يامحمد

ممدوح احمد الشريف

14 / 04 / 2012, 08 : 02 PM

الله يعوضك يا ابو صالح بابرك منها

محمد حمد المري

14 / 04 / 2012, 41 : 07 PM

السلام عليكم ورحمة الله وبركاته ...فادية راسك يالتميمي والله يعوضك بأخير منها

مشبب بن حماد القحطاني

14 / 04 / 2012, 19 : 10 PM

الله يخلف عليك يامحمد التميمي والله يعوضك بأطيب منها والله يكفينا وياك وكل مسلم من شر كل عين ونفس ماتذكر الله

مشعل الشويش

16 / 04 / 2012, 25 : 05 PM

فاديـه راسك يابوصالح ..
والله يعوضك بااطيب منهاا
والله لايريك مكروه بحالك ومالك وماتملك يمينك
الناقـه صايبها عيـن والعياذ باللـه ..
..
توي دخلت على الموقع غبت مده لظروف السفر .
..
والله يعوضك بخير

محمد بن صنهات

16 / 04 / 2012, 37 : 11 PM

الابل فاديه اهلها

الله يخلف عليك يامحمد

وجعلها فدوه لراسك

ابراهيم الشمري

17 / 04 / 2012, 28 : 01 PM

ان حيت من طيب حظك وان ماتت ابشر بالعوض

سهيل بن سعيد

18 / 04 / 2012, 57 : 10 PM

العذر دخلت بعد فوات الأوان ولكن
الله يعوضك بأخير منها

هذا غلث
الناقه مغلوثه وجرثومة الغلث تمكنت من نحرها اذا برد الجو تحرقها وتتعبها واذا احتر الجو تركد الجرثومه وتاخذ حرارة النحر
لو عطيتها كل يوم كيس ملح خشن ابو خمسة كيلو وحليته في لتر مويه لمدة عشرة ايام كان قتلت الجرثومه وسلمت الناقه
كب سوم كيس ينحل في المويه وتنغر في نحرها
الأخوان يقولو طير والطير ما يسوي في الناقه مثل ما تشوف
هذا غلث الناقه مغلوثه لو فتشتها زين لقيت العض
الله يعوضك بأخير منها

محمد بن صنهات

18 / 04 / 2012, 54 : 11 PM

الله يشفيها يامحمد

ومثل ماقال ابوفالح ولايهونون الربع الباقين

واعتقد انه مرض الدبدبه ويغلطون الناس بينه وبين الطير

وهو يضرب الجهاز العصبي وبين انه ماسكها في الراس والاطراف

ان حيت من طيب حظك وان ماتت ابشر بالعوض

تقبل تحياتي

الاخ الغالي / محمد الوهبي التميمي

كان هذا تعليقي على ناقتك الله يخلف عليك فيها وقلت لك ابشر بالعوض يامحمد ولم ترد علي واكتفيت انت بهذا الرد علي وجميع الاخوان

مرحب بجميع الاخوان دون قصور باحد

الناقه ماتت والله يعوض باخير منها
واشكر جميع الاخوان ومداخلتهم

ان حيت من طيب حظك وان ماتت ابشر بالعوض

وانا مازلت عند كلمتي وعطاي يامحمد ومن يوم خلقنا وذا سلمنا وغيرنا من الناس الي فيها خير ولانبي منها مدحه من احد نرجي اللي عند الله سبحانه

تقبل تحياتي

محمد الوهبي التميمي

19 / 04 / 2012, 08 : 12 AM

ارحب يابو صنهات
ويعلم الله ان كلمتك تكفي عن ذود بعصاه ولاهي غريبه عليك ولا على ابوك من قبلك
ان اشهد انكم كفو وانتم هل الطيب
والعوض عده وصل يامحمد
تقبل تحياتي

خالد الفالح

19 / 04 / 2012, 39 : 01 AM

الى الاخ محمد بن صنهات والله ان علمك يبيض وجهك ووجه ربعك

وقول وفعل ولا فيك شك سلم لك وارثه من ساس جدانك

ومحمد الوهبي يستاهل وانت تفعلها والله يديم المحبه ومزارق الطيب بين اعضاءنا الكرام وهذا ما يميز منتدى مزاين

ترابط اعضاءه ومحبتهم ومرجلتهم

ترى والله انه مايكدر عليك النوم=سوى كلمة من بعض الاصحاب مسمومه

اذاجت من الغالين ولا الرخوم رخوم=ولا امحق من الغالي اليا شانت علومه

ضعاف الروابع تبتلش والقروم تشوم=ولاهيب لا شامت من الشين مليومه

ولا الذ من عشرة شريفن من اقصى القوم=يبادلك فعل الطيب معناه وسلومه

واذاشفت في جو الصداقه غبش وغيوم=عطيت الدروب اللي مع الارض مرسومه

ولامثل عز النفس لو مامعك مطعوم=وعن اهل الشماته خل الاسرار مكتومه

معي لوسمحت شوي عقب عداك اللوم=ابعطيك عن بعض الرياجيل معلومه

ترى اللاش لو وقف معك في حياته يوم=تشوف الردى متبين فيه من يومه

وانا اقول لوان في وجيه الرخوم وسوم=عرفنا نميز قيمة النذل بوسومه

على شان نجلس مع رجال الوفا ونقوم=ونبعد من اللي عند الاجواد مذمومه

وانا اسمع مع اهل التجربه في الحياة علوم=بعضها صحيح وبعض الاخبار موهومه

يقولون وكر الحر مايعتليه البوم=وانا شوف عيني وكر حر تحت بومه[/CENTER]