الحوار عاكم ويش الحل بسرعه

[منصورمحمد]

السلام عليكم ورحمة الله وبركاته
حوار عمره 5 ايام عاكم ولا يخرج ومدمنه نظيف والحوار دايم يتعصر ولا يقدر لكن الحوار يرضع خفيف ويمشي ورى امه طول اليوم
تكفون السنه مات عندي حواره طيبه وحوار الشر الماضي والسبب العكام ولا ابي افقد زود

[ذياب الشمري]

يا منصور الله يبارك لك فيه ويحفظك من النقص
أبره شرجيه للأطفال من الصيدليه البشريه حطها في مدمن الحوار ,,,,
أذا ما أخرج عليك بالكي
مطرق صغير قدام السر وخلفه وأن شاء الله ما يشوف شر

[خالد الفالح]

اسهل طريقه ابره شرجيه

وان استعجلت فحمله فحوض الموتر ودر به في بطناج وبيظهر كل مافي بطنه عن تجربه وهذي الطريقتين اللي اسويها

[فهد الجعفري]

أولاً / ما يشوف شر إن شاء الله
العلاج / شربه زيت طعام بمقدار إبره 5سم أو 10 سم
وحط في شرجه فيري وخله يمشمي كثير
هذا مجرب أمامي ونفع بإذن الله

[تركي بن عبد الله]

اقرب بيطرية ابرة التهاب امعاء وابرة مقوية اعصاب 5سم على الفخذ تخرج مافي البطن و تنشط الحوار عن تجربة فعاله.

[عيد القحطاني]

والله ياخوك انه جا معا وعمره 20يوم ولا خلينا شي
ابر وفيري وصابون مع ذنبه وغرينه بزيت وبيبسي
وكوينه وكل من علما بطريقه سوينها
ولانفع اي طريقه من الي سبق اذا رضع طاح
وذا جاع صار نشيط لين يرضع وما نفع شي
تالي بعناه وعمره شهر
الله يشفيه وبعض الحيان كثر الطب مرض
وشكرا

[قرناس العتيبي]

استخدم زيت زيتون مع زيت خروع مقدار فنجال من كل نوع نص من هذا ونص من هذا والحمدلله طريقه ممتازه ومايشوف شر حوارك

[سعيد سالم الخاطري]

الابره الشرجيه رقم واحد والشي الثاني الزيت

[حمد بن عيران]

الاخ منصور
بعد التحية لك والاعضاء علاج الحوار كوي قدام السر وراء السر وارتاح من كثر العلاجات والله يبارك لك في حلالك

[منصورمحمد]

شكرا يا جماعه على تفاعلكم وردودكم
وابشركم ان الحوار اخرج اليوم الصبح امس كلمة دكتور بيطري في سوق البل الاحساء اسمه كباشي وجزاه الله خير قال اخذ له علاج من اقرب صدليه عندك اسمه الفا بورن وهي غرشه ضغيره مقدار 100 مم بعشر ريال نصف الحين ونصف بكره الصبح وفعلن عطيه البارحه نصف القاروره ويوم جيت اليوم الصبح بعد صلاه الفجر لاني اشوف الحوار قايم يرضع من امه وخرج اشوي الله يكرمكم وغرية باقي القاروره والحين ويوم كلمة الراعي الا يقول لي انه خرج اكثر ويمشي وراى امه
وحبيت اعلمكم علشان الفيده تعم وان شاء الله المساء بصور غرشة العلاج ونزلها

[فهد بن عطاالله المطيري]

مرحبا اخوي منصور

عندك حلين والعلم عند الله

الاول : فيري في برواز خمس سانتي ومع المدمن

ثانيا:3 سانتي زيت خروع وامسك لسانه وصبه بفمه

والله يزرقك ولا يخيب لا لنا ولا لك تعب

[منصورمحمد]

هلااخوي فهد
شكرا على مرورك
ولكن اقراء مشاركتي رقم 10 وتشوف العلاج

[فهد بن عطاالله المطيري]

هلا اخ منصور

الحمدلله رب العالمين

الله لا يخيب لنا ولا لك تعب

واحسنت على تعميم الفايده

تحياااتي وتقديري

[مشبب بن حماد القحطاني]

يا منصور الله يبارك لك فيه ويحفظك من النقص
أبره شرجيه للأطفال من الصيدليه البشريه حطها في مدمن الحوار ,,,,
أذا ما أخرج عليك بالكي
مطرق صغير قدام السر وخلفه وأن شاء الله ما يشوف شر
نفس الكلام

[سطام الخالدي]

الاخ حمد
الحمد لله على سلامة الحوار
وبانتظار صورة العلاج

[منصورمحمد]

شكرا يا جماعه على تفاعلكم وردودكم
وابشركم ان الحوار اخرج اليوم الصبح امس كلمة دكتور بيطري في سوق البل الاحساء اسمه كباشي وجزاه الله خير قال اخذ له علاج من اقرب صدليه عندك اسمه الفا بورن وهي غرشه ضغيره مقدار 100 مم بعشر ريال نصف الحين ونصف بكره الصبح وفعلن عطيه البارحه نصف القاروره ويوم جيت اليوم الصبح بعد صلاه الفجر لاني اشوف الحوار قايم يرضع من امه وخرج اشوي الله يكرمكم وغرية باقي القاروره والحين ويوم كلمة الراعي الا يقول لي انه خرج اكثر ويمشي وراى امه
وحبيت اعلمكم علشان الفيده تعم وان شاء الله المساء بصور غرشة العلاج ونزلها


هذه الصوره

http://www.mzayan.com/vb/attachment.php?attachmentid=9610&d=1334390318

[منصورمحمد]

السلام عليكم
هذه صورة العلاج

[بندر الرويلي]

الأخ منصور
الله لا يخيب لنا ولا لك تعب
يعطيك العافيه على ذكر تجربتك في العلاج لتعم الفائده على الجميع

[عبدالرحمن التركي]

شكرا يا جماعه على تفاعلكم وردودكم
وابشركم ان الحوار اخرج اليوم الصبح امس كلمة دكتور بيطري في سوق البل الاحساء اسمه كباشي وجزاه الله خير قال اخذ له علاج من اقرب صدليه عندك اسمه الفا بورن وهي غرشه ضغيره مقدار 100 مم بعشر ريال نصف الحين ونصف بكره الصبح وفعلن عطيه البارحه نصف القاروره ويوم جيت اليوم الصبح بعد صلاه الفجر لاني اشوف الحوار قايم يرضع من امه وخرج اشوي الله يكرمكم وغرية باقي القاروره والحين ويوم كلمة الراعي الا يقول لي انه خرج اكثر ويمشي وراى امه
وحبيت اعلمكم علشان الفيده تعم وان شاء الله المساء بصور غرشة العلاج ونزلها


صيدليه بيطريه او بشريه !!!!!!!!!!!

[منصورمحمد]

اخوي عبدالرحمن تلقاه في

الصيدليه البيطريه