علاج الفضخه

[عبدالعزيز الفضلي]

السلام عليكم

صبحكم الله بالخير

الامطار والسيول عليكم مباركه

الله يزيد ويبارك ويعم أوطان المسلمين


اخواني


عندي بكره حقه

لها خمسة اشهر وهي في ردا


صاخفه ومستدقه

اكلها زين ومشيها زين


وخاطرها زين


بس فيها الضعف الشين

على ان البرسيم كل يوم ومكعب الصوامع الصبح وتالي النهار


عطيتها علاج الدود حوالي اربع مرات

مضاد حيوي مرتين

املاح فيتامينات


ومع ذالك ما فاد


سير علي واحد من الشيبان اهل البل وقال فيها فضخه
وعلاجها الكوي


اذا احد مر بها التجربه


يفيدنا الله يجزاه خير

[فهد العليان]

الاخ عبدالعزيز كوى الفظخ سهل والاهو بظار تربيعة على السر وعلى راس الذيل وخذ لها شراب الدود

[حمد بن عيران]

بعد التحية
علاج الفضخ تحلق على سر الناقه

[عبدالرحمن بن هادي]

قبل الكي عطها ابره الذباب وسلامتك ترايكوين مثلا

[عبدالرحمن بن هادي]

مع احترامي للشايب ممكن يكون تشخيصه خطاء

[محمد الوهبي التميمي]

مافيها الا العافيه وبعض البل تجي خلقتها ضعف
والكوي للوجعا اللي خاطرها اقشر وممشاها مهوب طيب ولاهي عل المعلف
خلك على هالبرنامج ودخل الشعير المجروش وان شاء الله تزين في ناظرك

[ثامر فايز]

http://www.mzayan.com/vb/mwaextraedit4/extra/09.gif


http://www.mzayan.com/vb/mwaextraedit4/extra/74.gif


اخوي عبد العزيز الفاضلي انا مثلك اشتكي من نفس المشكله اللي انت تشتكي منها الا درجه اني احسبك مقتبس من موضوعي بعنوان
( وش علاج الناقه اللي ماتسمن )
ومقصرو الاخوه الاعضاء كلن عطاني رايه وبعض من واقع تجربه
الين سددنا وقاربنا على انها الشويكه الي الجرح
وشكرن

[عبدالعزيز الفضلي]

جزاكم الله كل خير


ما قصرتوا بيض الله وجيهكم


بس يا اخوان انا سألت الدكتور عن المرض


وقال اذا فيها شوكه او جرح في البطن

تصير شهيتها للاكل ويكون خاطرها شين


بس هذا عكس ما شفت في البكره


انا جربت معها ثوم امس حوالي خمسه فصوص ثوم هرسته ومع الماء حقنته في ثمها

ان شاء الله تجيب نتائج طيبه

وصفلي الدكتور حبوب مثل حبوب الدود

وقال هذه تسويلها حله (اسهال) لعل يكون في كرشها شي

وكذلك عطاني خميره تخمر مع شعير او نخاله على قد كاس ماء

تعطى لمدة خمسة ايام كل صبح

[النشمي المرى]

مرحبااا اخي عبدالعزيز مساك الله بلخير انت والربع المتواجدين
بخصوص البكره الفضخ بين تغير شعرة الحاشي وتشين حيل هذا الفظخ
وكيها مثل الربابه على السر وتسحب بتجاه الديد
اما الجرح بين في ثنتين الاوله دمن الحاشي عزكم الله تطلع لها طويله وراسها امبوز
والثانيه اذا بركت تستلحق ثفنتها يعني تدخل الثفنه تحت البطن وتبرك متمايله على الرجل
الي تحت بطنها والله يسلمها

[النشمي المرى]

مرحبااا اخي عبدالعزيز مساك الله بلخير انت والربع المتواجدين
بخصوص البكره الفضخ بين تغير شعرة الحاشي وتشين حيل هذا الفظخ
وكيها مثل الربابه على السر وتسحب بتجاه الديد
اما الجرح بين في ثنتين الاوله دمن الحاشي عزكم الله تطلع لها طويله وراسها امبوز
والثانيه اذا بركت تستلحق ثفنتها يعني تدخل الثفنه تحت البطن وتبرك متمايله على الرجل
الي تحت بطنها والله يسلمها

[فوازمحارب]

خذ كلام. النشمي. ميه بالميه. ولا يهونون الاخوان كبيرهم وصغيرهم وبكرتك. حاصل لها هجيج او مطروده بقوه والبكره ( مصطوحه ) يعني. فضخ