ارجو الافاده من الاخوان عن الفحل عسران.

[خالد السديري]

السلام عليكم ورحمة الله وبركاته

ارجو من لديه معلومات عن الفحل عسران ان لايبخل علينا.

اخوكم خالد.

[راشدالمري]

السلام عليكم ورحمة الله وبركاته

ارجو من لديه معلومات عن الفحل عسران ان لايبخل علينا.

اخوكم خالد.
وعليكم السلام ورحمة الله وبركاته
فيه اكثر من عسران
واشهر من حمل هذا الاسم عسران ابن منيه الجابر وعسران ابن كلوان الجحيش
حدد الي تبيه منها وابشر بالخير

[حمد الغواص]

الاخ خالد فيه اكثر من فحل مشهور بهذا الاسم مثل ماقال راشد

حدد وابشر بسعدك

[خالد السديري]

الله لايهينكم ياراشد و ياحمد

اللي ابيه عسران ابن كلوان الجحيش

ومافيه مانع اذا عطيتوني علوم عسران ابن منيه الجابر


اخوكم خالد

[حمد الغواص]

الاخ العزيز خالد هذي نبذه مختصره عن عسران بعير ابن كلوان

اب عسران وحيدان من ابل الاملح البقيع وابل الاملح مشهوره عند المره بالغلا والكبر ومن ابلهم مسكته ووحدها هذا اللي لحقت عليها وشفتها
وام عسران العسره من ابل ال بحيح مالها شكل في البل .
وابن كلوان عنده ابل طيبه واشترا على ابله ابل من الهيضه البحيح وهد عسران فيها في اواخر الثمانينات واوائل التسعينات وانتج عنده انتاج طيب
من انتاجه
المدرهم اللي شراها محمد بن زايد بمليون وست
سجنان اشتراه الامير فهد بن سلطان بمليون وخمس
من غير اللي باع باقيام اقل من هذه القيمه فكثيره
ملاحظه : من لديه اظافه او تصحيح فل يتفضل قد اكون قد اخطات

[عبدالرحمن هلال سعيد]

الله لايهينكم ياراشد و ياحمد

اللي ابيه عسران ابن كلوان الجحيش

ومافيه مانع اذا عطيتوني علوم عسران ابن منيه الجابر


اخوكم خالد

الأخوة الأعزاء
السلام عليكم ورحمة الله وبركاتة
سمعت أن الشيخ ذياب بن سيف آل نهيان شرى بعير مجهم ينقالة عسران عند بن كلوان المري من مدة طويلة والبعير موجود لازال عندنا في الامارات ولكن قدة هرش وليقحون منة تلقيح صناعي

[حمد الغواص]

كلامك صحيح اخ عبدالرحمن اشتراه الشيخ ذياب بن سيف ب350 الف قد بناته عاديته عند راعيه
شكرا على التوضيح

[محمد بن شريه المطيري]

الله لا هينك من طارح موضوع ومن مشاركين
ومعلومات حلوه

[خالد السديري]

الله لايهينك يا حمد الغواص......معلومات وافيه ومشكور عليها
والشكر موصول للاخوان
عبدالرحمن هلال سعيد
و
محمد بن شريه المطيري

[خالد السديري]

عندي قعود بيجذع سهيل السنه هذه ودي افكه مع ابلي وسوف انزل له صوره وعسى احد ان يفيدنا ان نفكه معها والا لا.

[راشد العرق]

الاخ خالد عسى الله يبارك لك ويجي انتاجه اخير من انتاج ابيه

وبالنسبه للهداد تاكد من امه اذا امه طيبه وتهده فهده
ومن ناحية ابيه فلا يحتاج نشده والربع ماقصروا

[خالد السديري]

ارحب يا راشد رايك طيب وانت وافي. بالنسبه لامه عندنا وحدرها بكره طيبه . وامه طيبه بعد وهذا اللي خلاني احتفظ فيه.

وهذه صوره قبل شهرين وعطنا رأيك .


http://www.mzayan.com/vb/images/uploads/1352_2957248b1b2c33b1f0.jpg


http://www.mzayan.com/vb/images/uploads/1352_1277548b1b2e9e6e1d.jpg


http://www.mzayan.com/vb/images/uploads/1352_1275648b1b311f22ff.jpg


http://www.mzayan.com/vb/images/uploads/1352_894748b1b33e8c44c.jpg