انتفاخ السيقان وتيبس خلف السنام تكفون العلاج

[محمد البيضاني]

السلام عليكم ورحمة الله وبركاته

اخواني خبرا امراض الابل

عندي بكرة حقة اشوف سيقان رجليها متنفخه وكذلك شحم سنامها من الخلف متيبس يعني قاسين جدا

وش المرض هذا ووش علاجه تكفون اعطوني الحل علما بأن الناقة غير محجوزة تروح وتجي للمفلا

سمعت انه جثام والله اعلم

[محمد البيضاني]

يالربع ما حد عنده علاج والا مر عليه هالمرض

[تركي بن عبد الله]

ابرة الهيام الفرنسية اللي في اللحم ويروح الورم باذن الله.

[محمد البيضاني]

اشكرك اخي تركي

وابرة الهيام قال لي البيطري ما تفيد ولا زلت ابحث عن حل

[محمد البيضاني]

يالربع ما عينتوا لها المرض علاج

انتظر تفاعلكم

[طلال الروقي]

وشلون خااااااااطرها يا محمد ..
تاكل زين وخاطرها زين وومشاها ومبركها وش لونه ..؟

[محمد الوهبي التميمي]

ارحب يامحمد
تخدم موضوعك لو وجد فديو او صور للبكره
تقبل مروري

[فهدالبيضاني]

مساء الخير يامحمد عطها ابرة هيام فرنسية وجرب ترا إذا ما نفعتها ما ظرتها لأن النفخ يجي من الهيام