وش علاج اللي الناقه ماتسمن

[ثامر فايز]

http://www.mzayan.com/vb/mwaextraedit4/extra/30.gif


يالنشاما وش علاج الناقه اللي عيت تسمن مع العلم ان الناقه اكلها زين وتعلف علفن طيب
مير عيت لاتزين وعزلتها في شبك لحالها مير عيت تذوق الطعام تبي اماتها وعزلت معها وحد ثانيه حالها وسط وشوى عقب عزلت معها ناقه صارت تاكل وللي معها سمنت وهيه عيت لا تسمن وترى اللي عزلتها معها حقه قلت عشان ماتداحمها على الطعام
ومع العلم ان الناقه اكلها فوق الزين ولا تنقد عليها بشي
مير يالرجال ماخليت عنها قاصر باالعلاجات قالو يمكن دود وعطيتها حبوب الدود
وعطيتها ابر جرب الامريكيه والفرنسيه وعطيتها ابرة اهيام وفتامينات
مير الماخوذه عيت لاتسمن والناقه ماهي كبيرة سن عشان نقول الكبر له دور والناقه سديس واللي محسفني ولا اهملها ان
الناقه طيبه جدا وساسها طيب بس الضعف زاويها زوى ومشينها

[طلال الروقي]

ارحب ياثاااااااااااااااااامر ،،
بعض البل مايرقاها الحال دايم
ويسمونها البدو عرا ( يتشديد الراء )
عانها عندي ،، الليل والنهار ضرسها مايقف
وهريانه بالحيل بالحيل ،، ماودك تعاين فيها
ماخليت أبرة ولا حبوب ولا خلطات الا عطيتها
ولاش فود ،،

[سطام الخالدي]

الاخ/ ثامر

السلام عليكم

اشوف ان فيه معلومات لو توضحها يمكن يفيدونك الربع
الناقة شاريها والا انتاج عندك؟
هل حالها ذا من اول والا جاها قريب؟
الناقة معشر لقحة......؟
وش علفها برسيم, شعير, مكعب؟
تحياتي

[بندر الرويلي]

ارحب ياثاااااااااااااااااامر ،،
بعض البل مايرقاها الحال دايم
ويسمونها البدو عرا ( يتشديد الراء )
عانها عندي ،، الليل والنهار ضرسها مايقف
وهريانه بالحيل بالحيل ،، ماودك تعاين فيها
ماخليت أبرة ولا حبوب ولا خلطات الا عطيتها
ولاش فود ،،

هلا يا ثامر
فعلاً بعض البل مثل ما قال الاخ طلال عرا ولا يرقالها حال لكن جرب معها الحلبه اخلطها مع العلف ولا القم

[ثامر فايز]

الله لايهينكم يالربع على تعليقكم اما بالنسبه للناقه
يااخ سطام الناقه تلاد عندنا الها سنتين على هالحال
والعام اصعدت ويوم احتسبت الناقه كسبتها ولقحت وجتها البارده
وفيخت اخر الهداد وضربته الزمان ولقحت مير الناقه عقب جتها البارده
استدقت بزود
ياسطام الناقه ماتنقد عليها الا لبركت تقضعب

[سعيد سالم الخاطري]

انصحك بالزيوت بجميع انواعها على سبيل المثال زيت الزيتون وزيت السمسم والدهن العربي وزيت نوار الشمس او زيت الماليزي اللي مرسوم عليه معلقتين او اجلكم الله بقره
اختارلك شي من هالانواع المتعدده وداوم على الناقه كل اسبوع قاروره فيمتو ولا قنينه ماء معدني كبير كل جمعه لمده شهر وراح اتشوف الشي لي يسر الخاطر

[ثامر فايز]

الله لايهينك ياسعيد على هالمعلومه مير وش اسوى بها هل
اغرها في فم الناقه وهل هي مجرب وجت بنتيجه
وعسى مالها اثار واذ انها جابت نتيجه وسمنت المطيه على الزيت
ماتنقض اذا قطعناه عنها
ارجو التوضيح
ولك جزيل الشكر انت ولاخوه الاعضاء اللي شاركونا باالمعلومات القيمه

[محمد الوهبي التميمي]

ارحب بالجميع
الناقه وش طعامها بالضبط وش مقدار الكميات
وان شاء الله بتسمن ويزين حاله

[سعيد سالم الخاطري]

هيه نعم غرها في فمها كل اسبوع مره وبإذن الله انها بتسمن وبيزين حالها والزيت مجرب 100/100 وما يحتاي تسال عنه, الناقه لي فيها الغش والهيام والهزل مالها غير السمن وبقدره قادر بتسمن وبيتبدل حالها

[ثامر فايز]

يامحمد الناقه عزلتها في شبك ورديتها من المسراح والوافي ماينقطع عنها دايم وحوضها مليان والبرسيم قدام فمها
وتاكل وكلها زين مير عيت تسمن

[ثامر فايز]

الله لايهنك يالخاطري وجعل عمرك طويل على المعلومه انت وجميع واحدن تجاوب معي من الاعضاء
الله لايهينكم يالربع

[فهد بن عطاالله المطيري]

مرحبا اخوي ثامر لك عندي خلطه بس طبقها وردها يبان بعد ثلاث ايام بتذرق ذراق اسود إن كان في بطنها شي

كيلو شام+ كيلو حبة سوداء+ كيلو حلبه + ثوم+ كيلو يانسون + عجين اسمه برا المعيّا بدون كيماوي
ثلاث فصوص ثوم وتعجنه مع الطحين وتعطيه ثلاث لقم مثل لقمة الرجال
وراح تشووف الناقه طيبه

طبعا بياله ونص من كل صنف

وتقبل مروري

تجربتي الخاااصه ولله الحمد نتايجها طيبه بالحيل

وان شاء الله يزول عنها الباس

[سالم محمد الدوسري]

اسمعني وانا اخوك علاج جربته انا في ناقة عندي

تجيب لك غرشة ماء ام ريالين تحط فيها مقدار بياله والى اقل شوي جره ونص الغرشه زيت عافيه او اي زيت والنص الثاني حليب خلفات والى حليب مراعي اللي تبي

وتغرها به

انا ذرقت الله يكرمكم اليوم الثاني وترا ان ذرقت الله يكرمك بتذرق اسود وله ريحة امحقا اسقها بعد مره ثانيه وان ماذرقت لاعاد تعيد عليها الى ان كان ودك تتاكد

[ثامر فايز]

الله لايهينكم اخوي فهد انت والاخ سالم بس حبيت اتاكد منكم هل
الطريقه مذكوره لكم اومن واقع تجربه مرت عليكم يهمني اعرف وهل يثر على الناقه القحه
وحتري منكم الرد السريع ولكم جزيل الشكر
الاخ فهد\ كيلو شام ويشهو ووين القاة
الاخ سالم\ الجره 30او 60

[عيد القحطاني]

شف ياخوك انكان الناقه اذا بركت دخل رجله
اليمنا يم كلها ودمنها كنه رصاص هذا جرح
ويبيله كي وهو بسيط

[عيد القحطاني]

انكان الناقه اذا بركت دخل رجلها اليمنا يم كلها
ودمنها كنه رصاص هذا بسيط يبيله كي
ولا عطها علاج الدود ترى لزم تستخدمه مرتين
اول جرعه ثم بعد 15 يوم الجرعه الثانيه
والله يشفيها

[ثامر فايز]

ارجو التوضيح يابن محلف
( اذابركت دخل رجله اليمنا يم كلها)
الناقه فيها بعض مواري الجرح وبعض مواريها تدل على ان مافيها الجرح
المواري اللي توضح ان الناقه فيها جرح اليا منها بركت تقضعبت وتليمت على بعضها
المواري اللي تجحد الجرح دمنها الله يكرمك ويكرم القراء ماهو يابس
ولاتشكي من شي خاطرها زين واكلها زين

[فهد بن عطاالله المطيري]

مرحبا اخوي ثامر

الله الله هذا من واقع تجربه في احد بكار الشايب سنها جذعه لكن بكره
الشام طال عمرك مثل الفلفل الاسود بس لونه اخضر وتلقاه عند العطارين

لكن الناقه لقحه استخدم لها زيت السمسم العصرة الاولى والا زيت الزيتون وارد الاردن عصره اولى

وعطها حبه سودا معه بس لا تكثر من الحبه السودا

والاوصفه اللي قلت لك ترا كل مواد حاره على الباطنيه واستخدمتها لبكره

ونصيحه لك حللها تحليل دم يمكن اللي فيها طفيليات الدم

اما مستشفى الحسا والا القصيم

وتقبل تحياتي

[ثامر فايز]

شكرن يافهد
(لاهنت يااحمر العين لاهنت)
وعلى كل من تجاوب معي وادلا برايه سوا من واقع تجربه او من تجربه غيره

[ثامر فايز]

يافهد بكرة الشايب اللي انت تقول انك مجرب الخلطه فيها كانت تشكي من ضعف
وقط عالجتوها ولا فادة بها الادويه والابر

[فهد بن عطاالله المطيري]

ولا انت ياطويل العمر

الله الله كانت تعاني من مرض مجهووول ما خلينا عنها شي يذكر

وجبتها من الابل وقمت اهندس فيها الين ضبطت هالخلطه

بس عندي عامل ملعون رقبه اهملها في ليل من الليال ودرعت في كيس شعير

وانتكست انتكاسه قويه بعد ما تشاوت وزانت صحتها

صار جهدي مثل ا(لمصلي اللي نقض وضوه في التشهد الاخير )

الحمدلله على كل حال

[ثامر فايز]

الله لايهينك يافهد ولايهين الاخوه اللي شاركونا وبجرب خلطتك وبجرب
الخلطات اللي اوصفوها الاخوان وبتطبب فيها

[سالم محمد الدوسري]

الطريقه اللي انا قلت لك مجربها في ناقة عندي وعنها معشر ماعليها خلاف الحين

[عيد القحطاني]

ياثامر مساك الله بالخير وسف على التاخير في الرد
اقصد اذا بركت تليمت على بعض وتميل على الجهه اليمنا
واجد وهي باركه ولا هوشرط قساوة دمنها وانت بلكرمه
بعض الحيان يجي كنه رصاص ولا هو قاسي هذا الجرح وكيه بسيط
على اخر الضلوع من جهت الكلى مرتفع
اذا كان هذي مواريه دق على اوصفك كيه وهو بسيط ياتي في البل واجد
هذا رقمي 0540521225
وشكرا والله لا يهين الربع الي ادلو بريهم جزاهم الله خير

[ثامر فايز]

الله لايهنك اخوي عيد والناقه اذا بركت تقضعبت يعني تليمت
بس ماتميل ولاتحترك لايمين ولايسار الله اما انها تليم على بعضها
وبالنسبه لموقع الكويه معروف
والشكر كل الشكر لك ولي الاخوه الاعضاءالذي شاركو بااراهم
( الله يبيض وجيهكم)

[سيف الهاملي]

السلام عليك اخ ثامر ... هذا رقمي 00971504411041 دق عليه اريد اسالك عن بعض الاعراض ان كانت موجودة ونشالله يكون عندي علاج