رايكم بالجذع

[فارس اليامي]

http://www.mzayan.com/vb/images/uploads/2962_1292446adb9e9ab290.jpg
http://www.mzayan.com/vb/images/uploads/2962_2232146adbbff57552.jpg
http://www.mzayan.com/vb/images/uploads/2962_1390346adbcb4cab3f.jpg

اسعد الله مسائكم

مريت على زميل لي وقال لي شرايك بالبعير حقي قلت انا بارد لك خبر بعد اسبوع بعد ما اعرضة بالمنتدى ويعطوني اخواننا الاعضاء ارائهم وحبيت اخذ رايكم
وتقبلووووا تحياتي اخوكم فارس

السن جذع

[فزاع البدراني]

حياك الله أخوي فارس

تم نقل الموضوع للقسم المختص

وماشاء الله على البعير الله يطرح البركة

وإنشاء الله الإخوان يفيدونك

تحياتي

>>><<<

[محمد بن شريه المطيري]

بسم الله الرحمن الرحيم

حياك الله يا فارس البعير مبروك
ولا اقدر احكم على راسه لانه الصور ما تسمح انحكم عليه
ولاكن البعير سناد وارقبته طيبه حيل
وعرقوبه ما عليه زين
ولاكن إذا في كلام على السنام والغارب ضيق فقط لا غير

ويمكن الاخوان لهم نضره ثانيه

[راشد العرق]

مرحبا يافارس حيه وحي ماجاب

بالنسبه للبعير
اولا /صوره الراس ماهي مناسبه للبعير الحين والظاهر انها قديمه لاني ارى فارق كبير بين راسه فيها وفي الصوره الكامله وكان تقدر تصور راسه صورحديثه وواضحه وتحرص انه مايكون ملتفت لان الالتفات يغير من الشكل
ومن الصوره الحاليه لحيه طافح والسبله ظافيه والرقبه طويله ومتسنده

ثانيا/ بالنسبه للسنام متوسط وكما قال اخوي محمد غاربه ماهو طويل

ثالثا/اذا البعير ماهو طويل فالظاهر من الصوره ان عظمه ماهو جليل ولا خفه بكبير اما اذا كان طويل فلا اقول فيها شي

وسلامتك يافارس ولايهونون باقي الاعضاء

وترى الكلام على الصوره وعلى الطبيعه يمكن يكون لنا راي اخر

[محمد علي الهدفه]

مرحبا يافارس



عندي ملاحظه ذن البعير نازله ونشرا

[بندر مطر البقمى]

بسم الله الرحمن الرحيم
مرحبابك يافارس بين اخوانك
اولا احيي فيك كثره مشاركات وطلبك للراي وهذا للمنفعه للجميع واولهم انت
اليوم تسأل وبكره راح تستشار من الاخرين الله يوفقك
بالنسبه للقعود الاخوان عطوك رايهم ماقصرو عيني عليهم بارده اهل نظر وخبره
بزود شي بسيط
اعتقد أذاني القعود كنها شرف شوي
القود ماهو اقعس ظهره اما متساوي او فيه انتكاسه بسيطه
لان القعود واقف بيديه على نثيله وهذي تغير من وقفت القعود من ناحيه الرقبه و الغارب والفقار
جنبه اعتقد انه ماهو الطويل ولاكن ليس بالقصير
العرنون ماهو الاقصى عكفه العرنون قصيره شوي
اخوك بندر البقمي ...................ابو مطر

[حمد الغواص]

الاخ فارس الربع بتو فيه فيه وماقصرو واتفق معهم

[فهد بن صلبوخ]

ماعلى كلام الاخوان ابن العرق وابن هدفه زود

من غير قصور فالباقين

اخوكم

[عبدالعزيز الديحاني]

صح كلام اخوي بن شريه السنام قصير وضيق