الفزعه ياهل الفزعات

[فالح جابر]

السلام عليكم ورحمه الله عندي حواره مالوده لها ثلا ث ايام جارها من أمها لان أمها ديدها خربان واعطيها لبن خلفتين عندي صارلها شهر وامورها طيبه لين جا ثالث يوم الصبح وعطيناها لبن مصغر لها اربع ايام شربت ربع لتر تغريبا وعافته من بعدها الحواره تعبانه وطايحه ماتقدر اتقوم لين اقومها وتقف وعطيتها الضهر حليب ولا شربته وقست الحراره وحصلت فيها حراره العصر شربت مرضاعه وخرجت مثل العق اسود واذا وقفتها ماتبرك طيح

[سيف القحطاني]

مساك الله بالخير

لاعاد تغير عليها الحليب حاول انك ترضعها من ناقه واحده فقط

ومدامه ظهر منها مثل العق الحمد الله حذفت بالشر

حاول من الصباح تسقيها ماء بارد ولا عاد تكثرون عليها من الحليب

وجعلك ما تشوف شر

[فالح جابر]

لاهنت ياسيف جعل والديك في الجنه

[بندر الرويلي]

الاخ فالح
مع كلام الاخ سيف لا تغير الحليب على الحوار تراه يضره ولا ينفعه لكن انتبه لا يكون حوارك عاكم من كثر الحليب لا تعطيه حليب او غيره حتى تتأكد من عملية الأخراج وهذا رابط لموضوع سابق قد يفيدك

http://www.mzayan.com/vb/showthread.php?t=6312

[عابد الحربي]

ما دام تقول العق طالع ما قدامها الا العافيه
لكن ابدلك على طريقه افضل وانظف من الرضاعه روح للسوبر وخذ من عنده اكياس نايلون حجم صغير وحط الحليب فيه واخرمه من الطرف بشوكه وحطه ففم الحوار
وبعدين ارم الكيس هذا فراي انظف من الرضاعة يمكن تتلوث ويجي للحوار تتسم
خذها من مجرب

[محمد الوهبي التميمي]

تغير الحليب خطر عل الحوار
الأنسب انك تشوف لك خفوت وتركب الحوار عليها