سؤال بخصوص الوضحة ؟

[عبدالرحمن السعيد]

السلام عليكم ورحمة الله وبركاته

أسعد الله صباحكم / مسائكم بكل خير


أبغى رايكم بخصوص هذه الناقة .. وما هي الملاحظات عليها ... للضروروة بارك الله فيكم


مع العلم أنه ليس لدي إلا هذه الصورة ..



لا هنتوا وجعل عمركم طويل

http://www.mzayan.com/vb/attachment.php?attachmentid=9439&d=1332141197

[سلطان الدلبحي]

كانك تبي التقيمم لبد من صور وافيه

لكي ماينضلم حلالك

[عبدالرحمن السعيد]

والله يا سلطان للأسف هذي الصورة الوحيدة اللي عندي .. ومكان الناقة بعيييييييييييد

فحاليا ودي بحكم على هالصورة وحدها .. عشت يا أخوي

[حمد بن عيران]

بعد التحيه
من الصوره الناقه ماشاء الله طيبه اذا انها تلقح توكل ع الله

[محمدبن رشيد الحنتوشي]

الناقه طيبه مقنوي درجه اولى
اشوف ان ظهرها متقلط شوي بس باين انه من الحاشي ولكن مهوب معذربها

[عبدالرحمن السعيد]

جعل عمرك يطول يا حمد وكذلك بن رشيد
لا عدمناكم ..

وهالمبروكة من بل ابن علوش الخالدي بالقصيم

[محمدبن رشيد الحنتوشي]

ابل العلوش مشهود لها بالانتاج الطيب كان الناقه معشر على بعيره اشترها ولا تشاور اذا هي معروضه للبيع

[عبدالرحمن السعيد]

ماني حول مشترى ... هاوي ومحب فقط ... بعيد عن وجع الراس ..

وأظنها معشر على الكاسح ولد الكايد المسيوم ب 10 ملايين ...


وأظن الكاسح بدوا يضربون به هالسنة ... وعندي أنه أجمل من أبوه الكايد ..




الله يبارك لابن علوش في حلاله وماله

[مشعل الشويش]

أخوي : دامك هاوي ومحب فقط والناقه ليست ملكك ليه تطلب الاستشاره فيهاا ؟!
..
اتمنى انك تجاوبنـي ؟
..

[عبدالرحمن السعيد]

والله يا أخي آسف إذا كنت أزعجتكم وتوني جديد على المنتدى فماني زود بالشروط ..

والناقة اعجبتني قلت أختبر نفسي وأحطها لكم ... ولكن يبدو أنه ممنوع هالشي ...



أعتذر أشد الاعتذار