رجل الحوار وارمه وش علاجها

[سطام الخالدي]

السلام عليكم

العلم سلامتكم يالربع

ساق أو فخذ الحوار من فوق الثفنة إلى الورك وارمه له حول عشرة ايام

فتشت محل الورمة لا قرصة ولا عضة
والظاهر انه مهبود أو جايته ضربه على هالمنطقة
رحت للصيدلي وقالي عطه بنسلين ومرهم تدليك
له ثلاث أيام من أخر ابرة
خف الورم شوي لكن مشيته وبركته صعبه
واشوفه ضامر اليوم ومتردي
والظاهر ان الوجع ليا جاء يرضع يرده
شوركم لا هنتوا

[سطام الخالدي]

سلامي للجميع

وينكم ياهل الخبرة

المتواجدون الآن (http://mzayan.com/vb/online.php): 567 (الأعضاء 78 والزوار 489)

[بندر الرويلي]

هلا ياسطام
نسمعك ولا نسفهك والله لو اعرف علاجة لأفدتك والأخوان ما راح يقصرون أن شاء الله

[سطام الخالدي]

الاخ/ بندر

شاكر ومقدر
يكفي مرورك

[حمد متعب]

الله اعلم
لكن الله يهون عليه

[سطام الخالدي]

الاخ حمد

شاكر مرورك

[فلاح الخالدي]

الله يشفيه لك

[سطام الخالدي]

فلاح الخالدي

شاكر يابن العم على مرورك ودعواتك
وجزاك الله خير

[فهد بن عطاالله المطيري]

أخوي
سطام الله لا يسفهك

الضلع اي رجل يمناه او يسرا والنفخ من بطن الفخذ او من ظاهره .؟

هل النفخ مساحته معترضه او طوليه ..؟

هالاسئلة لان كان عندي حوار بنفس حالت اللي عندك

[حمد الدوسري]

اخوي سطام
نسمعك ولا نسفهك
الله اعلم انه يكون التهاب في الاعصاب واسبابه كثيره منها لوكان حوار شبك ثم كثرت عليه المشي او حدا الحيران تلعب معه وعورته
عموما علاجه والله اعلم ابرة بنسلين و بي كمبلكس بمعنى مضاد حيوي وابرة اعصاب في اللحم 3 ايام

وعسى الله يبارك لك في حلالك

[سطام الخالدي]

الاخ/فهد المطيري
شاكر مرورك

الفخذ الايسر
تلمست القعود الورم على طول الفخذ من ظاهرة

[سطام الخالدي]

الاخ/ حمد الدوسري

شاكر مرورك

اعطيناه بنسلين على الاربع الايام الاوله
واعطيناه فيتامين في الفم لنا يومين

[بندر الرويلي]

بشرنا عن الحوار يا سطام ؟

[سطام الخالدي]

الاخ/ بندر

حياك الله

الحوار ماعطينه عقب البنسلين شي
وحاله زينه
ماعاد اشوف ورم
وخفت عرجته
وبركته لاهالحين فيها شي بسيط لكن اشوا
رضاعته زينه
والله يتم عليه
شاكر مرورك وسؤالك