رايكم في ديس الناقه يهمني

[فارس براهيم]

السلام عليكم ورحمة الله وبركاته


عندي خلفه تورم ديسها ورم خفيف وقلت هذا بسبب الشبكـ وطلعتها هي والخلفات اللي معها وخليتها تمشي مسافه طويله يمكن اربع ساعات


المهم باليوم الثاني تورم ديسها بشكل فضيع ورحت للبيطري وعلمت باللي فيها وقال هذا بسبب المشي الطويل وعطاني علاج ابرهـ تضرب في مخورم الناقه مدة ثلاث ايام

ودهون يدهن به ديس الناقه

والدكتور هذا الناس ماتمدحه ابي رايكم ياهل الابل عطوني رايكم يهمني


وهذي صورهـ لديس الناقه


http://www.gulfup.com/thumbs/1331808417971.jpg






http://im9.gulfup.com/2012-03-15/1331808418512.jpg

[طلال الروقي]

وعليكم السلام ورحمة الله وبركاته
أحد الإحتملات انه من البرسيم طال عمرك ،،
أو أن الناقة باركة على بول ( نزه الله مسامعكم ) وهو اللي سبب لها هالوريم

[عيد السهلي]

اخوي عليك باالماء الدافي والملح
ودهنها بثزلين
وانشالله يخف الورم

وانشالله مو مقصرين الاخوان بيفدونك

[فارس براهيم]

وعليكم السلام ورحمة الله وبركاته
أحد الإحتملات انه من البرسيم طال عمرك ،،
أو أن الناقة باركة على بول ( نزه الله مسامعكم ) وهو اللي سبب لها هالوريم



هلا اخوي طلال الروقي

والله البرسيم له شهر وهي تاكله مابه خلاف عليها وعلى الخلفات


اما البول الله يكرمكم محد يجي شبكها ومراحها غير الزول والله اني مدري عنه هههههـ


لكني نبهت عليه اليوم


واشكركـ على الرد

[فارس براهيم]

اخوي عليك باالماء الدافي والملح
ودهنها بثزلين
وانشالله يخف الورم

وانشالله مو مقصرين الاخوان بيفدونك


يعطيكـ العافيه اخوي عيد السهلي

غسلته بماء وملح وان شاء الله يخف عليها

لكن الابرهـ اللي عطاني البيطري والدهون اعطيها اياه !!!!

وما يقصرون الربع في مساعدتي

[بندر الرويلي]

الاخ فارس
علاج ناقتك اغسل ديدها بالماء البارد 3 مرات باليوم لما يخف الوريم + ابره بنسلين 20مل لمده 3 ايام + تنظيف الديد بأستمرار+ اقطع عنها البرسيم بالوقت الحالي واي علف اخر يكثر الحليب + المشي خلها تمشي
بالنسبه لأبره الوريم انصحك بعدم استخدامها لكن مرهم الوريم ما منه ضرر ان شاء الله
اتمنى افدتك

[علي بن سالم المحميد]

الله يحييك اخوي فارس
اسئل مجرب
عليك بالماء البارد والملح
ولا تقربها علاج الدكتور ابد شوري عليك
وبأذن الله مايجي اليوم الثاني الا وهو خاف بالمره
تحياتي لك ..

[محمد الوهبي التميمي]

ارحب يافارس
اولا امنعها من هالدكتور والشعير والبرسيم
انتبه من إبرة الوريم لانها قاتله
اللي ضرها البرسيم وليس الممشى
وبعض البرسيم يسبب الأورام اكثر من غيره لان نسبة الورق مضاعفه
عب شمالتها ثلج واربط الشماله وفكها تتمشى
والدهون اللي تقول عنه مافيه مشكله ان استخدمته
وعطنا علومها اليومين الجايه

[طلال الروقي]

البوووووول أمكن منها أو من البل الثانية يابو ابراهيم

[مشبب بن حماد القحطاني]

ماقصروا الإخوان
تحياتي

[خالد الفالح]

الملح لا احبذ استخدامه على الخلاف بسبب انه ينشف الخلف ويسبب له الجفاف والتشقق

ان كان ولا بد فعليك بعد رشه بماء الملح ان تقوم بدهنه بفازلين لكي يرطب الخلف ولا يتاثر بالجفاف

عندي اضافات على كلام من سبقوني من اهل الخبره

ان كان الديد حار رشه بماء بارد منقوع بمر

وغير مراح ابلك او ادفنه ان كان ثابت

فتنظيف الخلفات في الارض وبروك الابل عليها سم الديد ومرضه

[فارس براهيم]

اشكركم جميعآ على نصايحكم اللي افادتني


وابشركم ديس الناقه رجع لحالته الطبيعيه

غسلت ديس الناقه بماء دافي وملح وبعد ثلاث ساعات غسلته بماء بارد ودهنته بالدهون اللي عطاني اياهـ البيطري

وقطعت البرسيم عنها امس واليوم

والحمدلله رجع طبيعي زي ماكان

[ساجربن عدوان]

الحمدلله على سلامتها
ومن واقع تجربه وذلك لفايدة الجميع
الما البارد طيب بلا شك لكن أنا جربت
الابنسلين 25ملم يومياً مدة خمس ايام ودهون يباع بصيدليه لونه ابيض وغطاه أحمر يدهن به بعد ماتنضف ديد الناقه من الحليب مدة خمس ايام
هذا الدواء فعال جداً بعد الله

[ناهس نايف بن عصاي]

الله يعطيكم العافيه جميعا

[ذياب الشمري]

من التجارب الماء الدافي مع الملح (والمره)وقطع البرسيم وتنظيف ديد الناقة من الحليب علاج فعال للوريم