طوفان ياهل العرف نبي رايكم

[عامر بن محمد]

السلام عليكم ورحمة الله

اعرض عليكم الفحل طوفان واتمني تبدون الراي فيه من ناحية المستقبل في الانتاج هل يعمر الابل او لا
السن سديس و الاصل مري

http://up.arab-x.com/Feb12/YD258971.png (http://up.arab-x.com/)

http://up.arab-x.com/Feb12/z9j58971.png (http://up.arab-x.com/)

http://up.arab-x.com/Feb12/Q3b58971.png (http://up.arab-x.com/)

قعود من انتاجه قبل ايام

http://up.arab-x.com/Feb12/Ba058971.png (http://up.arab-x.com/)

بكره من انتاجه قبل ايام

http://up.arab-x.com/Feb12/nKC58971.png (http://up.arab-x.com/)

ان شاء الله بعد مايتحمل الفيديو انزله لكم

تقبلو تحياتي

http://www.youtube.com/watch?v=A0cmddcEdTI&feature=player_embedded

[محمد المقباس]

يفيدونك هل النظر
لكن القعود طيب افضل من البكرة
لك ودي
وبالتوفييق

[حسين الجابري]

الانتاج اقل من الوسط

[عامر بن محمد]

http://www.youtube.com/watch?v=A0cmddcEdTI

هذا الفيديو ماعرفت كيف اعدل الموضوع.

محمد المقباس مشكور لتواجدك الكريم <<<
حسين الجابري مشكور لابداء رايك <<<<<

[طلال الروقي]

هذا يدمر مايعمر ..!!
الله يرزقك باطيب منه

[خالد الفالح]

البعير طيب لين تاصل الراس

انتاجه مهوب بعيد منه ولا كل بعير ينتج ولو اصله طيب

الانتاج توفيق

ودام اصله معروف فلا تستعجل الحكم دام الابل القحات عليه ويولدن

فشف برقه كله وبعد ضم او فك

[مبارك محمد المنصوري]

وعليكم السلام ؛

ومرحبا بومحمد .. الفحل شكله وسط ..

والانتاج راح على شكل البعير واقل منه .. من راي تشوف غيره والله لايخسرك ..

انت يابو محمد رحت على ساسه لكن بعض الفحول تيجب شكلها لاساسها ..

الله يبارك في حلالكم ومالكم ..

[عامر بن محمد]

طلال الرواقي مشكور علي مرورك


خالد الفالح مشكور علي رايك

مبارك محمد المنصوري مشكور علي مرورك الكريم

ويعطيكم العافيه ومنكم نستفيد

[عبدالعزيز جاسر العمور]

ان بغيت الكلام اللي ملحه فيه

افتك منه وبيرزقك الله

[خالد بن عصاي]

الله يرزقك الانتاج الطيب منه او من غيره

[محمدبن رشيد الحنتوشي]

انا اقول تجود فالبعير ياعامر
البعير كله طيب وعذروبه صغر فالراس ومعوضه زين وجهه وعظمة خشمه
وباقيه ناهي طول ورق واذن ورقبه وتسناد وضهر واللون مايعيبه واكبر دليل اصفر العصلب
وكان جنك عيال البعير مثله عزالله غزيتها فالشحم
ولك عندي نصيحه اجتهد فالظرايب المنتجه والله يوفقك والملحى ونيه مايجي زينها عجل
ولولا اختلاف الانضار لبارت السلع هذا رايي من غير قصور في اخواني الاعضاء

[مشعل الشويش]

أولاً : أمهات الحيران وش من أبل .....؟!
..
ثانياً : البعير شكله مقبول : رق لحم .. وطول جنب وغارب .. وطول رقبه ولو أنه لاوقف كن فيها عقله شوي .. أما ممشاه طيب .
موخر البعير مااعجبني قصيف وعرقوبه ماهوب اللي تبي .. الراس صغير وله قبوع ..

..

ثالثاً : لاتفرط فالبعيـر .. لين بناته تجي مفاريد وتشوف ..
البعير بينتج بإذن اللـه ..

[محمد ابو عدوة]

مرحبا يابو محمد اما شكل البعير عادي جدا لا لون ولا عظم ولا راس ولاينهد في ابل البدوي القناي .

[عامر بن محمد]

اشكر كل من أثرا الموضوع برايه ووجهة نظره ونستفيد منكم

اما مشعل بحاول في وقت ثاني راسل لك امهات الحيران يوم بتوفر تقريبا قراب من المتوسط والله العلم

[مشبب بن حماد القحطاني]

البعير طيب لين تاصل الراس

انتاجه مهوب بعيد منه ولا كل بعير ينتج ولو اصله طيب

الانتاج توفيق

ودام اصله معروف فلا تستعجل الحكم دام الابل القحات عليه ويولدن

فشف برقه كله وبعد ضم او فك

أتفق مع أبو فالح بكل ماقاله

[حزام العاطفي]

البعير جنبه زين وغاربه منقاد وزين والمشارب زينه
تشره على راسه ماهوب كبير وتداق لحيه
وتشره على عظمه ماهوب جليل ورقبته منطرحه
الانتاج القعود ماهوب شين والبكرة رديه
الله يبارك لك ياعامر

[صالح العاطفي]

البعير كل مافيه زين الا راسه اقل من العادي


وانتاجه ردي



الا في حاله ان يكون امهاتها ماتساعد الفحل

[عامر بن محمد]

و نظيف لكم حوار علي طوفان العمر يومين

http://www.m5zn.com/uploads2/2012/3/15/photo/031512100326vs4psrqfl15.png (http://www.m5zn.com)

[حاتم العماري]

البعير فوق الوسط بقليل
وانتاجه عادي
انصحك دور غيره
تقبل تحياتي