المساعد الشخصي الرقمي

مشاهدة النسخة كاملة : الفزعه ياهل الابل

مبارك العتيبي
07 / 03 / 2012, 57 : 10 PM
السلام عليكم ورحمة الله وبركاته اعضاء هذا المنتدى الشامخ عندي ناقه ولدت واستبركت ولا قامت ولها يومين وش الحل فيها
مبارك العتيبي
08 / 03 / 2012, 07 : 01 PM
وين النشاما هل الابل معقوله ماحد رد
مشبب بن حماد القحطاني
09 / 03 / 2012, 19 : 01 AM
عطها إبرة فيتامين ب المركب وبتقوم إن شاء الله
هذا وهان
مبارك العتيبي
09 / 03 / 2012, 01 : 10 PM
لاهنت يامشبب ولاكن الناقه اللي فيها ماهوب اوهان الناقه مورك متفككتن وروكها عقب الولاد ومادري لها حل والاندورلها قصاب
طلال الروقي
09 / 03 / 2012, 51 : 10 PM
لا تستعجل على القصااااااااااب يامبارك
حصين عجيب الهاجري
10 / 03 / 2012, 17 : 10 AM
اخوي الناقه عطها ابرت عضل عشان لاتبوت الاعصاب وهي باركه
سعدالعلي
10 / 03 / 2012, 36 : 01 PM
شف لك واحد يكوي وروك الناقه وعطها بي كمبلكس وغسل وروكها بلما الدافي والملح ولو اضفت شوي سميه15% احسن الكي علي شكل مشط
عبدالعزيز الفضلي
10 / 03 / 2012, 05 : 02 PM
اذا عندك ونش حاول انك تساعدها على القومه

وعطها علاج وفيتامينات


الله يفك عنها
نوح العفيش
10 / 03 / 2012, 55 : 02 PM
الناقه لاصارت مورك لاتشيلها
المورق تبغالها وقت طويل
خذلك شوي جبس وبيض واخلطه مع بعض مع الما وصبه على وروك الناقه خله يتماسك والخلطه لاتصير سايله شوي
وعطها ابرة ترموسين واصبر عليها عشرين يوم والماء خففه بنسبه كبيره وانشاء الله تقوم

قبل فتره صارت عندي ناقه مورك وسويت هذ الطريقه وكملت عشرين يوم اللى السودان يدق علي يقول الناقه قامت ومع البل
مبارك العتيبي
10 / 03 / 2012, 40 : 10 PM
أشكر الاخوان اللي ادلو برايهم وبجرب كل الطرق فيها والله يكتب اللي فيه خير
احمد علي
11 / 03 / 2012, 25 : 08 AM
اسال مجرب ولا تسال ظبيب
عليك بالونش ارفعها مرتين في اليوم ولا تشوه الناقه بالكوي
عابد الحربي
11 / 03 / 2012, 54 : 10 AM
اخوي مبارك مساك الله بالخير

الحالة مرت عندي على خلفة بعد اسبوع من خولفت ومدري ويش اسوي غير ان الله الهمني لطريقة وهي علف المركز وافي حطيت لها حوالي كيلوين ورحت عنها
ويوم جيت لها لقيتها مع حوارها والسنة ذي من يوم خولفت وانا اعطيها الوافي

يمكن الناقة بعد الولادة تفقد كثير من الاملاح والفيتامينات

اقول هذا الكلام من واقع تجربة والله حسيبي

تحياتي للجميع
مبارك العتيبي
11 / 03 / 2012, 40 : 04 PM
يابو علي الناقه متفككتن وروكها والونش يبي يزيدها شر
مسعود العماري
11 / 03 / 2012, 50 : 04 PM
مرحبا أخوي مبارك

المفترض الناقة تأخذ إبرة أعصاب

مع التركيز على الفيتامينات في الاكل ووضع حلبة أيضا مع المكعب

ولا تشيلها نهائي بالونش

والله يرفع عنها ويبارك لك
ناصرمنصورالروقي
11 / 03 / 2012, 09 : 05 PM
اخوي مبارك
دق لك رز لين يروح طحين وخلطه بحلبه معه وصبخ على ظهر الناقه وروكها خله يتماسك
ولقمها حلبه وعجين ركز عليها في التغذيه مثل ماقال العماري ولا تبشمها
والله يفك عوقها
بندر الرويلي
11 / 03 / 2012, 43 : 11 PM
مرحبا أخوي مبارك

المفترض الناقة تأخذ إبرة أعصاب

مع التركيز على الفيتامينات في الاكل ووضع حلبة أيضا مع المكعب

ولا تشيلها نهائي بالونش

والله يرفع عنها ويبارك لك


كــلام سليم ولا تشيلها بالونش
بندر الرويلي
12 / 03 / 2012, 16 : 12 AM
موضوع سابق على هذا الرابط قد يفيدك
http://www.mzayan.com/vb/showthread.php?t=21315 (http://www.mzayan.com/vb/showthread.php?t=21315)
مبارك العتيبي
12 / 03 / 2012, 07 : 04 PM
الأخوان مسعود وناصر وبندر شاكر لكم تفاعلكم ورايكم وعطيتها فيتامينات وصبخة عليها وجاني شايب وكواها وبشوف عنها