الطرق ... هل نكويه ؟

[ممدوح احمد الشريف]

السلام عليكم ورحمة الله وبركاته

يا اخوان عندي قعود صار له طرق

وجبت له معالج وقال لازم يكويه ...

بغيت اسألكم هل احد عنده خبره يفيدنا عنه .. هل له علاج ثاني غير الكي

وهل الكي يكفي ؟؟ ووين موقع الكي ؟

والله يجزاكم خير

[مسعود العماري]

فيتامين النحاس بإستمرار (5 حبات كل إسبوع ) مع فيتامين بي كوبملكس او ب 12

وأشبك على القعود في أرض صلبة

وآخر العلاج الكي من خبير يكوى الطرق من خلف ولا ينطح والبعض يحلق عليه لكن تشويه وزيادة دون فائدة

[عبدالمحسن المقاطي]

ول شي هو خفيف ولا قوي

يعني تمكن منه ولا لا

لانه اذا خفيف له علاج بسيط القيد والارض الصلبه مع نحاس وكالسيوم وياخذ فتره ويسلم

اما اذا قد تمكن منه وصار الليان قوي مايفيد فيه إلا الكي والقيد والارض الصلبه

[ممدوح احمد الشريف]

القعود من ضلع صار له اقل من عشرة ايام

ولافيه شي بين في يده .. والملاحظ ان رفعته لخفه من الارض يرفعه لفوق ولفه ما ينقله قدام مثل العاده


والقعود غالي ولاني بصبر عليه ... اول العلاج الكي

ان شاء الله ما نصلي الظهر الا احنا كاوينه

[عبدالمحسن المقاطي]

يمكن مايحتاج تكويه يابو احمد

[محمد الوهبي التميمي]

لاتكويه ياممدوح وكلام مسعود وعبدالمحسن مطبقة عندي في حيران واجد وسلمت
اهم شي حبوب النحاس الخضراء الهولنديه

[ممدوح احمد الشريف]

ابشركم كويناه والله يرفع عنه الضر ... وبتابعه بنجاس وكالسيوم بعون الله ...


الله يكفينا ويكفيكم اهل الحسد والقلوب السوداء ... جانا رجال يقول بيشريه ... ورفضنا نبيعه
ومن يومه جاه الطرق وهو في الشبك

[مسعود العماري]

ابشركم كويناه والله يرفع عنه الضر ... وبتابعه بنجاس وكالسيوم بعون الله ...


الله يكفينا ويكفيكم اهل الحسد والقلوب السوداء ... جانا رجال يقول بيشريه ... ورفضنا نبيعه
ومن يومه جاه الطرق وهو في الشبك


الله يبارك لك

ولا يمنع انك بعد الكوي تستمر كل اسبوع ب5 حبات نحاس

[بندر الرويلي]

فيتامين النحاس بإستمرار (5 حبات كل إسبوع ) مع فيتامين بي كوبملكس او ب 12

وأشبك على القعود في أرض صلبة

وآخر العلاج الكي من خبير يكوى الطرق من خلف ولا ينطح والبعض يحلق عليه لكن تشويه وزيادة دون فائدة




كلام سليم وقلل عليه العلف اذا كان سمين